Lúcas 13 - 인기 성경 구절

공유

Déanaigidh bhur ndícheall dul isteach ar an gheafta chumhang: óir deirim libh, go mbéidh mórán ag iarraidh dul isteach, agus ní bhéidh sé ar a gcumas.

Agus féach, bhí bean ann, a raibh spiorad éagcruadhais inntí le h-ocht mbliadhna déag, agus bhí sí crom, agus ní raibh sí ábalta amharc suas ar chor ar bith. Agus nuair a chonnaic Íosa í, ghoir sé chuige í, agus dubhairt léi: A bhean, tá tú scartha le d’éagcruadhas.

Agus chuir sé a lámha uirthí, agus ar an bhomaite dhírigh sí, agus thug glóir do Dhia.

Agus féach, an mhuinntir a bhéas i dtoiseach tá siad ar deireadh, agus an mhuinntir a bhéas ar deireadh, tá siad i dtoiseach.

Acht nuair a rachas fear an tighe isteach, agus druidfidh sé an doras, toiseochaidh sibh a sheasamh amuigh, agus a bhualadh ar an doras, ag rádh: A Thighearna, foscail dúinn. Agus déarfaidh seisean libh, bhur bhfreagairt: Ní fhuil a fhios agam cá h-as díbh.

Níor mhó, deirim libh; acht muna ndéanaidh sibh aithrighe, scriosfar sibh uilig mar an gcéadhna.

Agus déarfaidh sé libh: Ní fhuil a fhios agam cá h-as díbh; imthighigidh uaim uilig, a lucht déanta na h-urchóide.

Dubhairt sé, ar an adhbhar sin: Cá leis ar cosamhail ríoghacht Dé, nó cá leis a samhlóchaidh mé í? Is cosamhail í le gráinnín de shíol mustáird a ghlac duine gur chuir ina gharrdhadh é, agus d’fhás sé, agus d’éirigh sé ina chrann mhór, agus chómhnuigh éanacha an aeir ina ghéaga.