लुका 16 - 인기 성경 구절

공유

सुखे मयो कुराहाङ इमान्‍दार स्‍याउना ओउखे ताह्‍ङो कुराहाङमा इमान्‍दार स्‍याउलेना। ओउतले सुखे मयो कुराहाङ बेइमान स्‍याउना ओउखे ताह्‍ङो कुराहाङमा बेइमान स्‍याउलेना।

सु सेवकइमा निसचाक मालिकको सेवा जाह्‍ङ्‍सा खाइल। यदि ओउइ ओउत हाइसा बोःङ्‍नउ त खेया, ओउइ यातज्‍योकाय हेला जाह्‍ङ्‍नउ र अर्‌कोकाय राप्‍नउ अथबा ओउइ यातज्‍योइ तोओ ग्‍याना र अर्‌कोइ तोओ ग्‍यालेल। निङइ परमेस्‍वर र धन निसज्‍याङको सेवा जाह्‍ङ्‍सा खाइतेनिलि।”

ओउतझ्‍यान्‍ते यदि ल्‍हाउदयबाङको धन-सम्‍पतिहाङ बिस्‍वास जाह्‍ङ्‍सा ज्‍योतेइलि त खेया, सत्‍यको धनको लागि गतहाइति बिस्‍वास जाह्‍ङ्‍सा खाइना र? र यदि निङ इ ल्‍हाउदयबाङहाङ मुधार्‌ना अर्‌काको धनहाङ इमान्‍दार स्‍याउतेइलि त खेया, गतहाइति परमेस्‍वरइ निङकाय लाङकाहाङ निङइ दोःसापरओ धन बइतेचय र?

तर अब्राहामइ ओउकाय जवाफ बयाकान, ‘मोसा र अगमबक्‍तालमको कुरा साइमालोलमइखे सिओ मान्‍ता उह्‍ति च्‍योक्‍ति आल्‌याकायमा बिस्‍वास जाह्‍ङ्‌निलि।’”

यदि कुनय गोय्‍चोइ लयको माचाकाय भर्‌पाय बइनउ र अर्‌को मोम्‍चोकुस बिह्‍या जाह्‍ङ्‍नउ त खेया, ओउइ बेभिचारको पाप जाह्‍ङ्‍नउ। र यदि कुनय गोय्‍चोइ ओउ भर्‌पाय जाह्‍ङ्‌ति फेकायो मोम्‍चोकुस बिह्‍या जाह्‍ङ्‍नउ त खेया, ओउइमा बेभिचारको पाप जाह्ङ्‍लेनउ।”