लुका 20 - 인기 성경 구절

공유

अनि येसुइ ओउमयकाय तोसास्‍यावा, “ओउतखेया, दोह रोम देसको माहाराजाको खेना, ओउ रोम देसको माहाराजाकाय बइनु, र दोह परमेस्‍वरको खेना, ओउ परमेस्‍वरकायले बइनु।”

तर येसुइ ओउमयकाय योति तोसास्‍यावा, “ओउतखेया धर्‌मसास्‍त्रहाङ लेखओ इ कुराको माने दोह खेना त? ‘दकर्‌मिलमइ काम लागल त दाह्‍य्‌ति इन्‍कार जाह्‍ङो बाङले, किम जाह्‍ङ्‍धार्‌ना कुनाको मुख्‍य बाङ स्‍याउलाङ वाङा।’

“धर्‌मगुरुलमकसय होसियार स्‍याउति मुन। ओउमयपाय ब्रावो नाय लावति मान्‍तालमको वरिपरि घुमसा झाक्‍नय, र बजारको चोकलमहाङ मान्‍तालमइ लयकाय मान जाह्‍ङ्‌ति सेवपाताङ त म्‍हर्‌नय। अनि ओउमय सभाकिमलम र भोसलमको सम्‍मानित र मुख्‍य थाउहाङ च्‍युःङ्‍सा झाक्‍नय। ओउमयइ राङ्‌गि मोम्‍चोलमको किमलम लाति आःल्‌नानि, तर लयकाय धार्‌मिक मान्‍ता त दाह्‍य्‌ति छ्‍यान्‍‍‍साको लागि ज्‍याःङ्‍तो प्राथना जाह्‍ङ्‍नानि। इ कारनइ जाह्‍ङ्‍धार्‌ना परमेस्‍वरइ अरु मान्‍तालमकाय भन्‍दा ओउमयकाय माहा पेमातो दन्‍‍‍द बइसास्‍याउना।”