LUKAS 12
12
L᷊aingati su manga taumata ko tal᷊umpangki
(Mat. 10:26-27)
1 #
Mat. 16:6; Mrk. 8:15 Hiwunge taumata kapusasise'e sarang pia ko nikatotokang l᷊aeri. Tintal᷊a manga taumata e'e kapul᷊ahumbunge, I Yesus nangul᷊i su manga tumatuhu-E, “Pakatiho su ragi ngu tau Farisi, pandung-Ku, tal᷊umpangki i sire. 2#Mrk. 4:22; Luk. 8:17Takoae ko mawawuni ko sarung ta ikawua, dang takoae ko nipakarumasi ko sarung ta ibongkari. 3Ko ihabari kumu su tempo ngu huwi, sarung ikaringihi su tempo ngu l᷊ou; dang ko iwurung i kumu su tul᷊i ngu taumata su l᷊al᷊ung u kamari makakunsi sarung iwohang pakal᷊iku.”
Katakuwe su Mawu
(Mat. 10:28-31)
4“Tinaungeko, manga ghawe-Ku! Ari kataku si sire ko mamate badang kateho ta makakoa lebe bou e'e. 5Mapiang daku ipakal᷊ahe si kumu i sai ko mambeng ikataku i kumu. Katakue su Mawu Ruata! Watu'u bou mamate, I Sie l᷊ai pia kawasange mundume sarang l᷊al᷊ung u naraka! Pangimangte, ko I Sie mambeng ikataku i kumu.
6L᷊ima mbau burung sal᷊umpito niwal᷊u dingang u hariga dua mbau doi ko kadiokange. Maning kere'e takoae sarang simbau ko ta nitinaungang u Mawu Ruata. 7Uta su timbou l᷊ai seng nirekeng kaul᷊ie, watu'u e'e ari kataku; i kumu lebe mahariga bou manga burung sal᷊umpito!”
Mangaku ngi Kristus su tingo ngu hape
(Mat. 10:32-33, 12:32, 10:19-20)
8“Tinaungeko pakapia-pia: Taumata ko mangaku su tingo ngu hape himoneu i sie ko tumatuhu-Ku, i sie l᷊ai sarung iaku ngu Ahusi Taumata su tingo ngu manga malaikati u Mawu Ruata. 9Arawe taumata ko musunial᷊i su tingo ngu hape himoneu i sie ko tumatuhu-Ku, i sie l᷊ai sarung ipusunial᷊i u Ahusi Taumata su saruang u manga malaikati u Mawu Ruata.
10 #
Mat. 12:32; Mrk. 3:29 Boko taumata nuhabari manga apa ipundoka Ahusi Taumata, i sie mborong kaampungang; arawe boko i sie muhinakang Roh u Mawu Ruata, i sie seng ta ikaampungang.
11 #
Mat. 10:19-20; Mrk. 13:11; Luk. 21:14-15 Boko i kumu wawaneng sarang manga wal᷊e pukakal᷊iomanengang tadeau ipariksang su tingo ngu tumbonang u arako mangangawasa, ari kaghagha kirapa i kumu mambeng mundiaga badang, arako apa mambeng ihabari kumu. 12Watu'u apa ko hino ngi habari kumu sarung itintiro ngu Roh u Mawu Ruata si kumu su temponge.”
Papinintu tau kala ko bodoki
13Singkatau bou taumata ko maul᷊i e'e nangul᷊i si Yesus, “Tuang Guru, kenangko; I Tuang pangoro tuhangku pangonggo si sia simbahageang bou rarotong ko nitintang iyamang i kami.”
14I Yesus nusumimbahi, “Anu, ko i sai nuhengke si Sia pakakoa hakim arako mupupahia pusaka su tal᷊oara i rua?” 15Bou e'e su taumata kaul᷊ie ko ene su se'e I Yesus nangul᷊i, “Pakaingati dang pakadiaga, kumbahang sarang i kumu makoa ko maanggang. Watu'u puwawiahiu taumata ta mangasahi bou kakakalae, maning rarotonge napene.”
16Bou e'e I Yesus nuwuke ngu papinintu i'i, “Pia singkatau ko kala. I sie pia tanange ko munggile wuange maul᷊i. 17Tau ko kala e'e nanita nusipiri su l᷊al᷊ung u naunge, ‘Seng takoae tampa l᷊ai pundesonang wua ngu tanaku. Apa akal᷊iku su tempo i'i?’ 18Bou e'e i sie sau nusipiri dang nangul᷊i su watangenge sisane, ‘Ho, pia akal᷊iku; apang gudangku daku pakighoghahi mbuhue ia mukoa ko lebe l᷊abo. Su se'e sarung daku pundesonang kaul᷊i u gandungku dingang u manga rarotongku ko wal᷊inge. 19Bou e'e sarung daku ihabari su badangku sisane: I kau nakauntung! Kaul᷊i u apang ko mapia seng nitaghuanengu dang sarung ta masue sarang pira taung. I'i mangkate pangindul᷊e! Mangkate kang l᷊au panginung dang temangete puwawiahiu!’ 20Arawe Mawu Ruata nangul᷊i si sie, ‘Ei tau ko bodoki! Huwi i'i l᷊ai i kau sarung mate, Bou e'e i saiwe ko sarung makarea kaul᷊i u kakakalau ko seng nighopol᷊iu guna ngu watangengu e'e?’
21Kere'e kakakoae apang taumata ko mutawakal᷊i tadeau makoa ko kala guna ngu badange sisane, kateho ta mutawakal᷊i tadeau makoa ko kala su mata ngu Mawu Ruata.”
Pangimangte su Mawu Ruata
(Mat. 6:25-34)
22Bou e'e I Yesus nangul᷊i su manga tumatuhu-E, “Watu'u e'e Ia muhabari, ‘Ari ghagha hal᷊i u puwawiahiu, apa ko sarung kanengang i kumu, arako apa ko sarung l᷊ohokang i kumu.’ 23Puwawiahi mborong lebe mahariga bou kang, dang badang mborong lebe mahariga bou pakeang. 24Putuhungko manga burung boka-boka! I sire ta nusuang, ta nanipo, takoae gudange arako l᷊ihinge. Kateho Mawu Ruata mang kapamaliharange si sire! I kumu mborong lebe mahariga bou manga burung e'e! 25I sai su tal᷊oara i kumu ko ual᷊ing u ghaghae botonge mupakanandu umurie maning kitang singkodo?#12:25: mupakanandu umurie maning kitang singkodo: arako manamba range'e maneng kitang singkodo. 26Boko kitang hal᷊i ko dio e'e i kumu seng ta makakoa, nakurawe i kumu maghagha ngu manga hal᷊i ko wal᷊inge? 27#1Mar. 10:4-7; 2Taw. 9:3-6Putuhung ko kirapa manga bungang bakung tumuwo; manga bungang e'e ta mul᷊ahal᷊i, ta mangangahiwu. Kateho Ratu Salomo ko kere'e kakalae e'e ta nul᷊oho pakeang kere kasidada u manga bungang e'e! 28Rindulu su ngudae tumuwo silou i'i dang dol᷊ou masue tutunge. Kateho Mawu Ruata mul᷊ighahi manga rindulu e'e kere'e kasidadae. Nangilebewe i kumu! Kateho i kumu ko dio pangangimang! 29Inau kuhaete, maghagha l᷊au mubingo u hal᷊i apa ko hino ngu kanengang l᷊au inungang i kumu. 30Kaul᷊i u tamai e'e ireakeng u taumata ko wugha ngu Mawu Ruata. Sumbal᷊i I Yamangu matitong i kumu ko pia kao kaul᷊i u tamai e'e. 31Arawe i kumu mambeng putawakal᷊i tadeau Mawu Ruata mamarenta su puwawiahi kumu, kuteu ko wal᷊inge e'e sarung ionggo u Mawu Ruata l᷊ai si kumu.”
Kakakala su sorga
(Mat. 6:19-21)
32“I kumu ko kitang singkodo rekenange, ari kataku! Watu'u I Yamangu mal᷊uasi mangonggo u al᷊amati si kumu bou kararatuang-E. 33Wal᷊ue rarotongu dang doinge onggo su taumata ko susa. Pukoako guna ngu badangu dompeti ko ta matatuwei, e'e kakakala ko nireso su sorga. Kakakala e'e ta mailang, watu'u mananako ta makapanako dang uane ta makapundusa. 34Watu'u su apa pia kakakalau, su se'e l᷊ai naungu!”
Paparentang ko sadia sintinia
35 #
Mat. 25:1-13
“Pakadiagako tumatingo patiku hal᷊i. I kumu mambeng sintinia pakasadia dingang u pakeang dang sol᷊o ngu tatapi marariko, 36#Mrk. 13:34-36musul᷊ung kere manga paparentang ko seng nasadia mangampal᷊i mawunge mapul᷊e bou sal᷊iwang u kawing. Boko mawunge e'e mapul᷊e dang manengkohi tukari, i sire dingang mamuka tukari. 37Wal᷊inge gampang untung ngu apang paparentang ko nikarea kapangampal᷊i su tempo mawunge nasongo. Pangimangte: Mawu ngi sire e'e sarung manadia kaul᷊ie dang mangoro manga paparentange e'e pakangiang, bou e'e i sie mutangkiang si sire. 38Wal᷊inge gampang untung ngu manga paparentang e'e boko mawu ngi sire e'e nakarea si sire sadia kapangampal᷊i, maning i sie nusumongo huwi l᷊al᷊ung arako mborong marina bou e'e! 39#Mat. 24:43-44Putinaungte i'i! Andenge tataghuang u wal᷊e matitong pukul᷊i pira mananako sumongo, i sie seng mundiaga tadeau mananako ta makasu sarang l᷊al᷊ung u wal᷊enge. 40Watu'u e'e i kumu mambeng pakasadia, ual᷊ingu Ahusi Taumata sarung ruminta su tempo ko ta nikatitonang i kumu.”
Paparentang ko masatia dang paparentang ko ta masatia
(Mat. 24:45-51)
41“Tuang, apa tintiro e'e nitarang I Tuang si kami arako su kaul᷊i u apang taumata?” kakina i Petrus.
42Mawu nusumimbahi, “I sai paparentang ko masatia dang ko pande hakiu nihengke u mawue panilang paparentang ko wal᷊inge tadeau i sie pupakang i sire su tempoe? 43Wal᷊inge gampang kal᷊uasi paparentang e'e boko mawunge napul᷊e nakarea si sie kapukoae hal᷊ie! 44Pangimangte: Mawunge e'e sarung manarakang kaul᷊i u rarotonge su paparentang e'e. 45Arawe boko paparentang e'e nangul᷊i su l᷊al᷊ung u naunge, ‘Mawuku mborong mal᷊iwue sumongo,’ bou e'e i sie nundariha apang paparentang dang nukumang nanginung sarang nabukang, 46Kateho mawunge sarung musul᷊e su l᷊ou l᷊au orasi ko ta nikatitonang. Dang paparentang e'e sarung rarihang u mawunge pakaturu-turu#12:46: sarung rarihang pakaturu-turu: arako niuseri pasuwang. dang koateng pusul᷊ung i sire manga taumata ko ta masatia su Mawu Ruata.
47Paparentang ko matitong kao u mawunge, kateho ta manadia l᷊au ta mukoa kao u mawunge e'e, sarung pahangeng pakaturu-turu. 48Arawe paparentang ko wugha kao u mawunge, bou e'e nukoa hal᷊i ko nunsal᷊a hakiu mambeng pahangeng, kitang pahangeng singkodo. Watu'u taumata ko seng nionggol᷊ang maul᷊i, bo i sie l᷊ai sarung panuntukang maul᷊i. Dang taumata ko nipanarakaneng maul᷊i, bo i sie sarung l᷊ai panuntukang maul᷊i.”
Wal᷊inge purarame kateho puraroka
(Mat. 10:34-36)
49“Ia ruminta tadeau mupakatutung u dunia i'i. Kirapa kapiange boko putunge seng kahenange! 50#Mrk. 10:38Mborong pia singsara ko lebe mabuha, ko mambeng Daku l᷊al᷊engang. Dang naung-Ku balisa kahingang suhoro e'e mariadi. 51Apa i kumu manika Ia ruminta tadeau mumbawa purarame su dunia? Ta, wal᷊inge purarame, kateho puraroka. 52Manita bou tempo i'i, su walagheng ko pia tataho wal᷊enge l᷊ima ngkatau sarung muraroka, tatilu mundoka darua, arako darua mundoka tatilu. 53#Mi. 7:6Iyamang sarung mundoka anae ko ese dang ana ko ese sarung mundoka si i yamange. I mamange mundoka anae kowawine dang ana kowawine mundoka si mamange. I empo kowawine sarung mundoka manuhange kowawine dang manuhang kowawine sarung mundoka si emponge kowawine.”
Mukil᷊al᷊a tatia ngu tempo
(Mat. 16:2-3)
54I Yesus nangul᷊i l᷊ai su taumata maul᷊i, “Boko i kumu makawua winawa nahengke su pung u wahe, i kumu turusi muhabari, ‘Sarung rumasehi’. Dang mang tingari nurumasehi. 55Boko i kumu makapundang wal᷊umuhi tumiu bou simbuka ngu timuhi, i kumu mangul᷊i, ‘Sarung matiti’. Dang mang tingari natiti. 56I kumu taumata ko mo makitika! I kumu makatika hal᷊i u puwawal᷊u ngu wanua bou putatuhung i kumu su kakakoa u l᷊angi l᷊au dunia. Nakurawe manga tatia ngu tempo i'i ta ikatika i kumu?”
Puramete dingang u sudu
(Mat. 5:25-26)
57“Nakura i kumu ta namutusi sisane apa ko nuhino? 58Boko pia taumata mupakabuha i kumu su pangadilang, putawakal᷊iko singapang botonge tadeau panginsue parkara e'e dingangu, tintal᷊a i kumu mborong su l᷊al᷊al᷊engang. Boko ta, ntihang i sie mumbawa si kumu sarang tingo ngu hakim dang hakim e'e sarung manarakang i kumu su polisi, dang polisi mutaho i kumu sarang l᷊al᷊ung u tutupang. 59Pangimangte! I kumu sarung ta makasuwang bou l᷊al᷊ung u tutupang suhoro u denda i kumu mawaehi.”
LUKAS 12
12
L᷊aingati su manga taumata ko tal᷊umpangki
(Mat. 10:26-27)
1 #
Mat. 16:6; Mrk. 8:15 Hiwunge taumata kapusasise'e sarang pia ko nikatotokang l᷊aeri. Tintal᷊a manga taumata e'e kapul᷊ahumbunge, I Yesus nangul᷊i su manga tumatuhu-E, “Pakatiho su ragi ngu tau Farisi, pandung-Ku, tal᷊umpangki i sire. 2#Mrk. 4:22; Luk. 8:17Takoae ko mawawuni ko sarung ta ikawua, dang takoae ko nipakarumasi ko sarung ta ibongkari. 3Ko ihabari kumu su tempo ngu huwi, sarung ikaringihi su tempo ngu l᷊ou; dang ko iwurung i kumu su tul᷊i ngu taumata su l᷊al᷊ung u kamari makakunsi sarung iwohang pakal᷊iku.”
Katakuwe su Mawu
(Mat. 10:28-31)
4“Tinaungeko, manga ghawe-Ku! Ari kataku si sire ko mamate badang kateho ta makakoa lebe bou e'e. 5Mapiang daku ipakal᷊ahe si kumu i sai ko mambeng ikataku i kumu. Katakue su Mawu Ruata! Watu'u bou mamate, I Sie l᷊ai pia kawasange mundume sarang l᷊al᷊ung u naraka! Pangimangte, ko I Sie mambeng ikataku i kumu.
6L᷊ima mbau burung sal᷊umpito niwal᷊u dingang u hariga dua mbau doi ko kadiokange. Maning kere'e takoae sarang simbau ko ta nitinaungang u Mawu Ruata. 7Uta su timbou l᷊ai seng nirekeng kaul᷊ie, watu'u e'e ari kataku; i kumu lebe mahariga bou manga burung sal᷊umpito!”
Mangaku ngi Kristus su tingo ngu hape
(Mat. 10:32-33, 12:32, 10:19-20)
8“Tinaungeko pakapia-pia: Taumata ko mangaku su tingo ngu hape himoneu i sie ko tumatuhu-Ku, i sie l᷊ai sarung iaku ngu Ahusi Taumata su tingo ngu manga malaikati u Mawu Ruata. 9Arawe taumata ko musunial᷊i su tingo ngu hape himoneu i sie ko tumatuhu-Ku, i sie l᷊ai sarung ipusunial᷊i u Ahusi Taumata su saruang u manga malaikati u Mawu Ruata.
10 #
Mat. 12:32; Mrk. 3:29 Boko taumata nuhabari manga apa ipundoka Ahusi Taumata, i sie mborong kaampungang; arawe boko i sie muhinakang Roh u Mawu Ruata, i sie seng ta ikaampungang.
11 #
Mat. 10:19-20; Mrk. 13:11; Luk. 21:14-15 Boko i kumu wawaneng sarang manga wal᷊e pukakal᷊iomanengang tadeau ipariksang su tingo ngu tumbonang u arako mangangawasa, ari kaghagha kirapa i kumu mambeng mundiaga badang, arako apa mambeng ihabari kumu. 12Watu'u apa ko hino ngi habari kumu sarung itintiro ngu Roh u Mawu Ruata si kumu su temponge.”
Papinintu tau kala ko bodoki
13Singkatau bou taumata ko maul᷊i e'e nangul᷊i si Yesus, “Tuang Guru, kenangko; I Tuang pangoro tuhangku pangonggo si sia simbahageang bou rarotong ko nitintang iyamang i kami.”
14I Yesus nusumimbahi, “Anu, ko i sai nuhengke si Sia pakakoa hakim arako mupupahia pusaka su tal᷊oara i rua?” 15Bou e'e su taumata kaul᷊ie ko ene su se'e I Yesus nangul᷊i, “Pakaingati dang pakadiaga, kumbahang sarang i kumu makoa ko maanggang. Watu'u puwawiahiu taumata ta mangasahi bou kakakalae, maning rarotonge napene.”
16Bou e'e I Yesus nuwuke ngu papinintu i'i, “Pia singkatau ko kala. I sie pia tanange ko munggile wuange maul᷊i. 17Tau ko kala e'e nanita nusipiri su l᷊al᷊ung u naunge, ‘Seng takoae tampa l᷊ai pundesonang wua ngu tanaku. Apa akal᷊iku su tempo i'i?’ 18Bou e'e i sie sau nusipiri dang nangul᷊i su watangenge sisane, ‘Ho, pia akal᷊iku; apang gudangku daku pakighoghahi mbuhue ia mukoa ko lebe l᷊abo. Su se'e sarung daku pundesonang kaul᷊i u gandungku dingang u manga rarotongku ko wal᷊inge. 19Bou e'e sarung daku ihabari su badangku sisane: I kau nakauntung! Kaul᷊i u apang ko mapia seng nitaghuanengu dang sarung ta masue sarang pira taung. I'i mangkate pangindul᷊e! Mangkate kang l᷊au panginung dang temangete puwawiahiu!’ 20Arawe Mawu Ruata nangul᷊i si sie, ‘Ei tau ko bodoki! Huwi i'i l᷊ai i kau sarung mate, Bou e'e i saiwe ko sarung makarea kaul᷊i u kakakalau ko seng nighopol᷊iu guna ngu watangengu e'e?’
21Kere'e kakakoae apang taumata ko mutawakal᷊i tadeau makoa ko kala guna ngu badange sisane, kateho ta mutawakal᷊i tadeau makoa ko kala su mata ngu Mawu Ruata.”
Pangimangte su Mawu Ruata
(Mat. 6:25-34)
22Bou e'e I Yesus nangul᷊i su manga tumatuhu-E, “Watu'u e'e Ia muhabari, ‘Ari ghagha hal᷊i u puwawiahiu, apa ko sarung kanengang i kumu, arako apa ko sarung l᷊ohokang i kumu.’ 23Puwawiahi mborong lebe mahariga bou kang, dang badang mborong lebe mahariga bou pakeang. 24Putuhungko manga burung boka-boka! I sire ta nusuang, ta nanipo, takoae gudange arako l᷊ihinge. Kateho Mawu Ruata mang kapamaliharange si sire! I kumu mborong lebe mahariga bou manga burung e'e! 25I sai su tal᷊oara i kumu ko ual᷊ing u ghaghae botonge mupakanandu umurie maning kitang singkodo?#12:25: mupakanandu umurie maning kitang singkodo: arako manamba range'e maneng kitang singkodo. 26Boko kitang hal᷊i ko dio e'e i kumu seng ta makakoa, nakurawe i kumu maghagha ngu manga hal᷊i ko wal᷊inge? 27#1Mar. 10:4-7; 2Taw. 9:3-6Putuhung ko kirapa manga bungang bakung tumuwo; manga bungang e'e ta mul᷊ahal᷊i, ta mangangahiwu. Kateho Ratu Salomo ko kere'e kakalae e'e ta nul᷊oho pakeang kere kasidada u manga bungang e'e! 28Rindulu su ngudae tumuwo silou i'i dang dol᷊ou masue tutunge. Kateho Mawu Ruata mul᷊ighahi manga rindulu e'e kere'e kasidadae. Nangilebewe i kumu! Kateho i kumu ko dio pangangimang! 29Inau kuhaete, maghagha l᷊au mubingo u hal᷊i apa ko hino ngu kanengang l᷊au inungang i kumu. 30Kaul᷊i u tamai e'e ireakeng u taumata ko wugha ngu Mawu Ruata. Sumbal᷊i I Yamangu matitong i kumu ko pia kao kaul᷊i u tamai e'e. 31Arawe i kumu mambeng putawakal᷊i tadeau Mawu Ruata mamarenta su puwawiahi kumu, kuteu ko wal᷊inge e'e sarung ionggo u Mawu Ruata l᷊ai si kumu.”
Kakakala su sorga
(Mat. 6:19-21)
32“I kumu ko kitang singkodo rekenange, ari kataku! Watu'u I Yamangu mal᷊uasi mangonggo u al᷊amati si kumu bou kararatuang-E. 33Wal᷊ue rarotongu dang doinge onggo su taumata ko susa. Pukoako guna ngu badangu dompeti ko ta matatuwei, e'e kakakala ko nireso su sorga. Kakakala e'e ta mailang, watu'u mananako ta makapanako dang uane ta makapundusa. 34Watu'u su apa pia kakakalau, su se'e l᷊ai naungu!”
Paparentang ko sadia sintinia
35 #
Mat. 25:1-13
“Pakadiagako tumatingo patiku hal᷊i. I kumu mambeng sintinia pakasadia dingang u pakeang dang sol᷊o ngu tatapi marariko, 36#Mrk. 13:34-36musul᷊ung kere manga paparentang ko seng nasadia mangampal᷊i mawunge mapul᷊e bou sal᷊iwang u kawing. Boko mawunge e'e mapul᷊e dang manengkohi tukari, i sire dingang mamuka tukari. 37Wal᷊inge gampang untung ngu apang paparentang ko nikarea kapangampal᷊i su tempo mawunge nasongo. Pangimangte: Mawu ngi sire e'e sarung manadia kaul᷊ie dang mangoro manga paparentange e'e pakangiang, bou e'e i sie mutangkiang si sire. 38Wal᷊inge gampang untung ngu manga paparentang e'e boko mawu ngi sire e'e nakarea si sire sadia kapangampal᷊i, maning i sie nusumongo huwi l᷊al᷊ung arako mborong marina bou e'e! 39#Mat. 24:43-44Putinaungte i'i! Andenge tataghuang u wal᷊e matitong pukul᷊i pira mananako sumongo, i sie seng mundiaga tadeau mananako ta makasu sarang l᷊al᷊ung u wal᷊enge. 40Watu'u e'e i kumu mambeng pakasadia, ual᷊ingu Ahusi Taumata sarung ruminta su tempo ko ta nikatitonang i kumu.”
Paparentang ko masatia dang paparentang ko ta masatia
(Mat. 24:45-51)
41“Tuang, apa tintiro e'e nitarang I Tuang si kami arako su kaul᷊i u apang taumata?” kakina i Petrus.
42Mawu nusumimbahi, “I sai paparentang ko masatia dang ko pande hakiu nihengke u mawue panilang paparentang ko wal᷊inge tadeau i sie pupakang i sire su tempoe? 43Wal᷊inge gampang kal᷊uasi paparentang e'e boko mawunge napul᷊e nakarea si sie kapukoae hal᷊ie! 44Pangimangte: Mawunge e'e sarung manarakang kaul᷊i u rarotonge su paparentang e'e. 45Arawe boko paparentang e'e nangul᷊i su l᷊al᷊ung u naunge, ‘Mawuku mborong mal᷊iwue sumongo,’ bou e'e i sie nundariha apang paparentang dang nukumang nanginung sarang nabukang, 46Kateho mawunge sarung musul᷊e su l᷊ou l᷊au orasi ko ta nikatitonang. Dang paparentang e'e sarung rarihang u mawunge pakaturu-turu#12:46: sarung rarihang pakaturu-turu: arako niuseri pasuwang. dang koateng pusul᷊ung i sire manga taumata ko ta masatia su Mawu Ruata.
47Paparentang ko matitong kao u mawunge, kateho ta manadia l᷊au ta mukoa kao u mawunge e'e, sarung pahangeng pakaturu-turu. 48Arawe paparentang ko wugha kao u mawunge, bou e'e nukoa hal᷊i ko nunsal᷊a hakiu mambeng pahangeng, kitang pahangeng singkodo. Watu'u taumata ko seng nionggol᷊ang maul᷊i, bo i sie l᷊ai sarung panuntukang maul᷊i. Dang taumata ko nipanarakaneng maul᷊i, bo i sie sarung l᷊ai panuntukang maul᷊i.”
Wal᷊inge purarame kateho puraroka
(Mat. 10:34-36)
49“Ia ruminta tadeau mupakatutung u dunia i'i. Kirapa kapiange boko putunge seng kahenange! 50#Mrk. 10:38Mborong pia singsara ko lebe mabuha, ko mambeng Daku l᷊al᷊engang. Dang naung-Ku balisa kahingang suhoro e'e mariadi. 51Apa i kumu manika Ia ruminta tadeau mumbawa purarame su dunia? Ta, wal᷊inge purarame, kateho puraroka. 52Manita bou tempo i'i, su walagheng ko pia tataho wal᷊enge l᷊ima ngkatau sarung muraroka, tatilu mundoka darua, arako darua mundoka tatilu. 53#Mi. 7:6Iyamang sarung mundoka anae ko ese dang ana ko ese sarung mundoka si i yamange. I mamange mundoka anae kowawine dang ana kowawine mundoka si mamange. I empo kowawine sarung mundoka manuhange kowawine dang manuhang kowawine sarung mundoka si emponge kowawine.”
Mukil᷊al᷊a tatia ngu tempo
(Mat. 16:2-3)
54I Yesus nangul᷊i l᷊ai su taumata maul᷊i, “Boko i kumu makawua winawa nahengke su pung u wahe, i kumu turusi muhabari, ‘Sarung rumasehi’. Dang mang tingari nurumasehi. 55Boko i kumu makapundang wal᷊umuhi tumiu bou simbuka ngu timuhi, i kumu mangul᷊i, ‘Sarung matiti’. Dang mang tingari natiti. 56I kumu taumata ko mo makitika! I kumu makatika hal᷊i u puwawal᷊u ngu wanua bou putatuhung i kumu su kakakoa u l᷊angi l᷊au dunia. Nakurawe manga tatia ngu tempo i'i ta ikatika i kumu?”
Puramete dingang u sudu
(Mat. 5:25-26)
57“Nakura i kumu ta namutusi sisane apa ko nuhino? 58Boko pia taumata mupakabuha i kumu su pangadilang, putawakal᷊iko singapang botonge tadeau panginsue parkara e'e dingangu, tintal᷊a i kumu mborong su l᷊al᷊al᷊engang. Boko ta, ntihang i sie mumbawa si kumu sarang tingo ngu hakim dang hakim e'e sarung manarakang i kumu su polisi, dang polisi mutaho i kumu sarang l᷊al᷊ung u tutupang. 59Pangimangte! I kumu sarung ta makasuwang bou l᷊al᷊ung u tutupang suhoro u denda i kumu mawaehi.”
