Mataayo Obhutangati
Obhutangati
Echitabho chinu ꞉chaakaamirwe na Mataayo. Yeesu ꞉aamubhirikiiye okubha omwiyigisibhwa waaye omwanya gunu aariga ari mutobhesya wa rigooti. Emisango emyafu jinu Mataayo akaamire mu‑chitabho chinu, ni jinu ꞉eeroreeye omwene. ꞉Aakaamire emisango ejo, chimwichimwi ku‑Bhayawudi bhanu ꞉bheekirisiisye Yeesu. Nawe Emisango ja Ekisi inguru ya Yeesu jitari ku‑Bhayawudi era, tari ni inguru ya abhaanu bhoone bha ku‑chaaro anu. Emisango ja Ekisi jinu ejeeresya ati Yeesu niwe Kirisito na Omuchungusi wa abhaanu. Okutura ku‑Yeesu, Nyamuwanga ꞉aakuumisiisye joone jinu aariga aragire abhaanu ati arijikora.
Echitabho cha Mataayo chiri na omuroobhekanyo gwa kisi na echisimura ebhikorwa bhyafu bhinu ꞉bhyakorekeene mu‑bhurame bhwa Yeesu ku‑chaaro anu, okusookerera okwibhurwa kwaye okukingira okusubha kwaye mu‑rwire. Mu‑chitabho munu, gari‑mo ameeyigisyo maafu ganu Yeesu eeyigisyaga abhaanu. Mu‑meeyigisyo gaaye, echisombookerwa kutyo obhukama bhwa Nyamuwanga bhuri, na echitongerwa okurama obhurame bhunu obhukondera Nyamuwanga.
© 2023, Wycliffe Bible Translators, Inc. All rights reserved.