MARCOS 4
4
U queet t'aanil jun túul j paakal
(Mt 13.1-9; Lc 8.4-8)
1Jo'op' u ca'ansaj Jesús tu ca'a téen tu jáal u ka'anabil Galilea, ca j much'laj ya'abacach máaco'ob tu'ux yaan leti'. Tu yo'olal jach táaj ya'abilo'obe', j ooc Jesús ti' jun p'éel cheem yaan te ja'o', ca j culaji. Tuláacal túun le máaco'obo' j p'áato'ob tu jáal le ja'o'.
2Ya'abcach ba'alo'ob tu ca'ansaj ti'ob yéetel queet t'aano'ob; ichil u ca'ansajo'obe' tu ya'alaj ti'ob: 3U'uye'ex lela': Jun túul j paakale' jóok pakal. 4Táan u páakale', dze'edzec ti' le i'inajo' j lúub ti' le bejo' ca j lu'uk tumen le ch'íich'o'obo'. 5U láak dze'edzeque' j lúub yóokol tzekelo'ob, tu'ux ma' ya'ab u lu'umile'. Le i'inajo' séeba'an jóokic tumen le lu'umo' ma' jach taami'. 6Ba'ale' le ca jóok kiine', j tóoca'abi ca j tiji tumen mina'an u mootz. 7U láak dze'edzeque' j lúub ich ki'ixo'ob; le ca j nuucchaj le ki'ixo'obo', ca j pe'ech'i; bey túuno' ma' tu dzaj u yichi'. 8Ba'ale' u láak dze'edzeque' j lúub ti' ma'alob lu'um, jóok u paklilo'ob, j nuuchajo'ob jach ma'alo' tu tzajilaco'ob ich, yaan u cúulul tu dzaj treintai', yaan tu dzaj sesentai, yaan tu dzaj cientoi'.
9Cu dzo'ocole' tu ya'alaj ti'o'ob: Le máax yaan u xiquin, u'uyajnac.
Ba'ax o'olal ca'ansajnaj Jesús yéetel queet t'aano'ob
(Mt 13.10-17; Lc 8.9-10)
10Le ca j p'áat Jesús tu juunale', le máaxo'ob yano'ob naadz ti'e' jun múuch' yéetel le doce aj canbalo'obo' tu káat chi'itajo'ob ti' ba'ax u káat u ya'al le queet t'aano'. 11Ca tu ya'alaj ti'ob: Ti' te'exe' Jajal Dios dzáic a wojéelte'ex u ta'acbil ba'alilo'ob u ajawil; ba'ale' ti' le u láako'obo' tuláacal cu ya'ala'al ti'ob yéetel quect t'aano'ob, 12tu yo'olal le quéen paacatnaco'obe' cu p'áatal ma' bey ma'cu yilico'obe; bey xan le queen uuyajnacoobe' cu p'áatal bey, u ti'al ma' u sutkajal u tuuculo'ob, mix u sa'atsa'al u kebano'ob.
Jesús cu tzolic u queet t'aanil le j pakalo'
(Mt 13.18-23; Lc 8.9-10)
13Tu ya'alaj xan ti'ob: ¿Ma' táan a na'atique'ex le queet t'aana'? ¿Bix túun can a na'ate'ex le u láak queet t'aano'obo'? 14Le máax cu paakalo' bey je'el bix le máax cu tze'ectic le ma'alob péectzilo'. 15Dze'edzec máaco'obe' beyo'ob je'el bix le i'inaj j lúub te j bejo': cu yu'ubico'ob le ma'alob péectzilo', ba'ale' cu dzo'ocol u yu'ubico'obe', cu taal Satanás u lukes le ma'alob péectzil j pa'ak tu pucsi'ikalo'obo'. 16U láak máaco'obe' beyo'ob i'inaj j pa'ak yóokol tzekelo'obo': cu yu'ubico'ob le ma'alob péectzilo', cu kamico'ob xan yéetel qui'imac óolal, 17ba'ale' ma' ma'alob u mootzo'obi'; le o'olale' séeb u sa'atalo'ob; bey túuno', le quéen túunta'ac u yóolo'ob yéetel quéen ch'a'apachta'aco'ob tu yo'olal le ma'alob péectzilo', tu séeblaquil cu lúubul u yóolo'ob. 18U láako'obe' beyo'ob je'el bix le i'inaj j pa'ak ichil ki'ixo'obo'; cu yu'ubico'ob le ma'alob péectzilo', 19ba'ale' cu sen tuclico'ob u ba'alilo'ob le yóokolcaaba', cu tu'usulo'ob tumen le ayikalilo', cu kuchulo'ob túun u dzíibolto'ob tuláacal jejeláas ba'alo'ob. Tuláacal lela' cu yocol tu pucsi'ikalo'ob u ti'al u pech'ic le ma'alob péectzilo', ma' tu cha'ic túun u dzáic u yich ichil le máaco'oba'. 20Ba'ale' yaan dze'edzec cu yu'ubico'ob le ma'alob péectzilo' yéetel cu kamico'ob, cu dzáico'ob ma'alob ich xan, je'el bix le i'inaj j pak ti' le ma'alob lu'umo'. Yaan cu dzáic treinta u yichi', yaan cu dzáic sesenta' yaan cu dzáic cientoi'.
U queet t'aanil jun p'éel sáasil
(Lc 8.16-18)
21Bey xan tu ya'alaj ti'ob: ¿Cu taasa'al wa jun p'éel sáasil u ti'al dzaabil yáanal jun p'éel káanche'? Ma', le sáasilo' cu t'uchquinta'al ca'anal u ti'al ca sáasilcunac. 22Tumen mina'an mix ba'al ta'aca'an bíin p'áatac ma' u chíicbesa'al, yéetel mina'an mix ba'al mucul ta'an bíin p'áatac ma' u yojéelta'al. 23Te'ex yaan a xiquine'exe', u'uyajnene'exi'.
24Tu ya'alaj ti'ob xan: Dzáa a wóole'ex ti' ba'ax ca wu'uyque'ex. Je'el bix a p'ise'exe', bey bíin u p'ise'ex xan Jajal Dios. Ti' te'ex ca wu'uyque'ex lela' yaan u ti'ip'il ti' te'ex tumen Jajal Dios. 25Tumen le máax yaan ti'e' cu dza'abal u láak ti'; ba'ale' le máax mina'an ti'e', yaan u luksa'al ti' tac le jun p'íit yaan ti'o'.
U queet t'aanil i'inaj cu nojochtal
26Jesuse' tu ya'alaj xan: U ajawil Jajal Diose' bey le ba'ax cu yúuchul ti' le i'inaj le quéen dza'abac ti' lu'um tumen jun túul máaco'. 27Le máax pakalnajo' cu bin wenel. Cu dzo'ocol u chúunkintale' cu líikil. Le quéen máanac kiino'ob yéetel u yáakabilo'obe', le i'inajo' cu jóokol yéetel cu nojochtal, ba'ale' ma' u yojel bixi'. 28Ba'ax cu yúuchule' le lu'umo' cu meyaj tu juunal; yáaxile' cu jóokol u sakabil, cu dzo'ocole' u yi'ij, tu dzooque' u neek u yi'ij. 29Le quéen kanac u yiche', cu jóokol molbil, tumen dzo'oc u kuchul tu kiin.
U queet t'aanil u neek mostaza
(Mt 13.31-32; Lc 13.18-19)
30Tu ya'alaj xan Jesús: ¿Ti' ba'ax chica'an u ajawil Jajal Dios, wa ba'ax yéetel queet t'aanil cu páajtal c quetbesic? 31Bey jun p'éel u neek mostaza cu pa'akal ti' le lu'umo'. Leti' u asab chichnil ti' tuláacal le neeko'ob yaan way ti' le lu'uma'; 32ba'ale' le quéen pa'akaque' cu ch'íijil yéetel cu asab nojochtal ichil tuláacal le pakalo'obo', cu jach nuuctal u kabo'obe' cu taal tac le ch'íich'o'ob je'elel yaanal u bo'oyo'.
Jesús j ca'ansajnaj yéetel queet t'aano'ob
(Mt 13.34-35)
33Jesuse' tu ca'ansaj le ma'alob péectzil ti'obo' yéetel ya'abcach queet t'aano'ob je'el bix lelo'oba', tac tu'ux cu páajtal u na'atico'ob. 34Ma' tu ya'alaj mix ba'al ti'ob wa ma' yéetel queet t'aani', ba'ale' cu tzolic tuláacal ti' u aj canbalo'ob.
Jesuse' cu jedzcuntic le iiko' bey xan le ka'anabo'
(Mt 8.23-27; Lc 8.22-25)
35Le ca j áakabchaj ti' le kiino', Jesuse' tu ya'alaj ti' u aj canbalo'ob: Cone'ex ti' u láak jun tzéel le ka'anabo'. 36Bey túuno' tu p'ato'ob le ya'abcach máaco'obo' ca j bino'ob yéetel Jesús ti' le cheem tu'ux yano'; yaan u láak cheemo'ob j bino'ob tu yéetel xan. 37Ca j taal jun p'éel ka'amcach iik, ca jo'op' u yocol ja' ichil le cheemo' ca jo'op' u chu'upul. 38Jesuse' táan u wenel te pachilo', u t'alcuntmaj u pool yóokol jun p'éel káamjo'ol; ca j ajsa'ab tumen u aj canbalo'ob, ca tu ya'alajo'ob ti': ¡aj Ca'anbesaj! ¿Ma' wa táan a wilic táan c búulul?
39J líik túun Jesuse' ca tu keyaj le iiko', ca tu ya'alaj ti' le ka'anabo': ¡Ch'en a juum! ¡Jedzlen! ca j ch'éen túun le iiko' ca j p'áat tuláacal jach jejedzqui. 40Cu dzo'ocole' Jesuse' tu ya'alaj ti' u aj canbalo'ob: ¿Ba'ax teen jach sajque'ex? ¿Bix yanil mina'an te'ex ocsaj óolal? 41Leti'obe' jach ja'ak u yóolo'ob ca tu ya'alajo'ob tu baatzilo'ob: ¿Máax lela', cu yu'uba'al u t'aan tac tumen iik yéetel ka'anab?
Maya de YucatánTumben Nupt'an NT © Sociedad Bíblica de Mexico, 2004.
MARCOS 4
4
U queet t'aanil jun túul j paakal
(Mt 13.1-9; Lc 8.4-8)
1Jo'op' u ca'ansaj Jesús tu ca'a téen tu jáal u ka'anabil Galilea, ca j much'laj ya'abacach máaco'ob tu'ux yaan leti'. Tu yo'olal jach táaj ya'abilo'obe', j ooc Jesús ti' jun p'éel cheem yaan te ja'o', ca j culaji. Tuláacal túun le máaco'obo' j p'áato'ob tu jáal le ja'o'.
2Ya'abcach ba'alo'ob tu ca'ansaj ti'ob yéetel queet t'aano'ob; ichil u ca'ansajo'obe' tu ya'alaj ti'ob: 3U'uye'ex lela': Jun túul j paakale' jóok pakal. 4Táan u páakale', dze'edzec ti' le i'inajo' j lúub ti' le bejo' ca j lu'uk tumen le ch'íich'o'obo'. 5U láak dze'edzeque' j lúub yóokol tzekelo'ob, tu'ux ma' ya'ab u lu'umile'. Le i'inajo' séeba'an jóokic tumen le lu'umo' ma' jach taami'. 6Ba'ale' le ca jóok kiine', j tóoca'abi ca j tiji tumen mina'an u mootz. 7U láak dze'edzeque' j lúub ich ki'ixo'ob; le ca j nuucchaj le ki'ixo'obo', ca j pe'ech'i; bey túuno' ma' tu dzaj u yichi'. 8Ba'ale' u láak dze'edzeque' j lúub ti' ma'alob lu'um, jóok u paklilo'ob, j nuuchajo'ob jach ma'alo' tu tzajilaco'ob ich, yaan u cúulul tu dzaj treintai', yaan tu dzaj sesentai, yaan tu dzaj cientoi'.
9Cu dzo'ocole' tu ya'alaj ti'o'ob: Le máax yaan u xiquin, u'uyajnac.
Ba'ax o'olal ca'ansajnaj Jesús yéetel queet t'aano'ob
(Mt 13.10-17; Lc 8.9-10)
10Le ca j p'áat Jesús tu juunale', le máaxo'ob yano'ob naadz ti'e' jun múuch' yéetel le doce aj canbalo'obo' tu káat chi'itajo'ob ti' ba'ax u káat u ya'al le queet t'aano'. 11Ca tu ya'alaj ti'ob: Ti' te'exe' Jajal Dios dzáic a wojéelte'ex u ta'acbil ba'alilo'ob u ajawil; ba'ale' ti' le u láako'obo' tuláacal cu ya'ala'al ti'ob yéetel quect t'aano'ob, 12tu yo'olal le quéen paacatnaco'obe' cu p'áatal ma' bey ma'cu yilico'obe; bey xan le queen uuyajnacoobe' cu p'áatal bey, u ti'al ma' u sutkajal u tuuculo'ob, mix u sa'atsa'al u kebano'ob.
Jesús cu tzolic u queet t'aanil le j pakalo'
(Mt 13.18-23; Lc 8.9-10)
13Tu ya'alaj xan ti'ob: ¿Ma' táan a na'atique'ex le queet t'aana'? ¿Bix túun can a na'ate'ex le u láak queet t'aano'obo'? 14Le máax cu paakalo' bey je'el bix le máax cu tze'ectic le ma'alob péectzilo'. 15Dze'edzec máaco'obe' beyo'ob je'el bix le i'inaj j lúub te j bejo': cu yu'ubico'ob le ma'alob péectzilo', ba'ale' cu dzo'ocol u yu'ubico'obe', cu taal Satanás u lukes le ma'alob péectzil j pa'ak tu pucsi'ikalo'obo'. 16U láak máaco'obe' beyo'ob i'inaj j pa'ak yóokol tzekelo'obo': cu yu'ubico'ob le ma'alob péectzilo', cu kamico'ob xan yéetel qui'imac óolal, 17ba'ale' ma' ma'alob u mootzo'obi'; le o'olale' séeb u sa'atalo'ob; bey túuno', le quéen túunta'ac u yóolo'ob yéetel quéen ch'a'apachta'aco'ob tu yo'olal le ma'alob péectzilo', tu séeblaquil cu lúubul u yóolo'ob. 18U láako'obe' beyo'ob je'el bix le i'inaj j pa'ak ichil ki'ixo'obo'; cu yu'ubico'ob le ma'alob péectzilo', 19ba'ale' cu sen tuclico'ob u ba'alilo'ob le yóokolcaaba', cu tu'usulo'ob tumen le ayikalilo', cu kuchulo'ob túun u dzíibolto'ob tuláacal jejeláas ba'alo'ob. Tuláacal lela' cu yocol tu pucsi'ikalo'ob u ti'al u pech'ic le ma'alob péectzilo', ma' tu cha'ic túun u dzáic u yich ichil le máaco'oba'. 20Ba'ale' yaan dze'edzec cu yu'ubico'ob le ma'alob péectzilo' yéetel cu kamico'ob, cu dzáico'ob ma'alob ich xan, je'el bix le i'inaj j pak ti' le ma'alob lu'umo'. Yaan cu dzáic treinta u yichi', yaan cu dzáic sesenta' yaan cu dzáic cientoi'.
U queet t'aanil jun p'éel sáasil
(Lc 8.16-18)
21Bey xan tu ya'alaj ti'ob: ¿Cu taasa'al wa jun p'éel sáasil u ti'al dzaabil yáanal jun p'éel káanche'? Ma', le sáasilo' cu t'uchquinta'al ca'anal u ti'al ca sáasilcunac. 22Tumen mina'an mix ba'al ta'aca'an bíin p'áatac ma' u chíicbesa'al, yéetel mina'an mix ba'al mucul ta'an bíin p'áatac ma' u yojéelta'al. 23Te'ex yaan a xiquine'exe', u'uyajnene'exi'.
24Tu ya'alaj ti'ob xan: Dzáa a wóole'ex ti' ba'ax ca wu'uyque'ex. Je'el bix a p'ise'exe', bey bíin u p'ise'ex xan Jajal Dios. Ti' te'ex ca wu'uyque'ex lela' yaan u ti'ip'il ti' te'ex tumen Jajal Dios. 25Tumen le máax yaan ti'e' cu dza'abal u láak ti'; ba'ale' le máax mina'an ti'e', yaan u luksa'al ti' tac le jun p'íit yaan ti'o'.
U queet t'aanil i'inaj cu nojochtal
26Jesuse' tu ya'alaj xan: U ajawil Jajal Diose' bey le ba'ax cu yúuchul ti' le i'inaj le quéen dza'abac ti' lu'um tumen jun túul máaco'. 27Le máax pakalnajo' cu bin wenel. Cu dzo'ocol u chúunkintale' cu líikil. Le quéen máanac kiino'ob yéetel u yáakabilo'obe', le i'inajo' cu jóokol yéetel cu nojochtal, ba'ale' ma' u yojel bixi'. 28Ba'ax cu yúuchule' le lu'umo' cu meyaj tu juunal; yáaxile' cu jóokol u sakabil, cu dzo'ocole' u yi'ij, tu dzooque' u neek u yi'ij. 29Le quéen kanac u yiche', cu jóokol molbil, tumen dzo'oc u kuchul tu kiin.
U queet t'aanil u neek mostaza
(Mt 13.31-32; Lc 13.18-19)
30Tu ya'alaj xan Jesús: ¿Ti' ba'ax chica'an u ajawil Jajal Dios, wa ba'ax yéetel queet t'aanil cu páajtal c quetbesic? 31Bey jun p'éel u neek mostaza cu pa'akal ti' le lu'umo'. Leti' u asab chichnil ti' tuláacal le neeko'ob yaan way ti' le lu'uma'; 32ba'ale' le quéen pa'akaque' cu ch'íijil yéetel cu asab nojochtal ichil tuláacal le pakalo'obo', cu jach nuuctal u kabo'obe' cu taal tac le ch'íich'o'ob je'elel yaanal u bo'oyo'.
Jesús j ca'ansajnaj yéetel queet t'aano'ob
(Mt 13.34-35)
33Jesuse' tu ca'ansaj le ma'alob péectzil ti'obo' yéetel ya'abcach queet t'aano'ob je'el bix lelo'oba', tac tu'ux cu páajtal u na'atico'ob. 34Ma' tu ya'alaj mix ba'al ti'ob wa ma' yéetel queet t'aani', ba'ale' cu tzolic tuláacal ti' u aj canbalo'ob.
Jesuse' cu jedzcuntic le iiko' bey xan le ka'anabo'
(Mt 8.23-27; Lc 8.22-25)
35Le ca j áakabchaj ti' le kiino', Jesuse' tu ya'alaj ti' u aj canbalo'ob: Cone'ex ti' u láak jun tzéel le ka'anabo'. 36Bey túuno' tu p'ato'ob le ya'abcach máaco'obo' ca j bino'ob yéetel Jesús ti' le cheem tu'ux yano'; yaan u láak cheemo'ob j bino'ob tu yéetel xan. 37Ca j taal jun p'éel ka'amcach iik, ca jo'op' u yocol ja' ichil le cheemo' ca jo'op' u chu'upul. 38Jesuse' táan u wenel te pachilo', u t'alcuntmaj u pool yóokol jun p'éel káamjo'ol; ca j ajsa'ab tumen u aj canbalo'ob, ca tu ya'alajo'ob ti': ¡aj Ca'anbesaj! ¿Ma' wa táan a wilic táan c búulul?
39J líik túun Jesuse' ca tu keyaj le iiko', ca tu ya'alaj ti' le ka'anabo': ¡Ch'en a juum! ¡Jedzlen! ca j ch'éen túun le iiko' ca j p'áat tuláacal jach jejedzqui. 40Cu dzo'ocole' Jesuse' tu ya'alaj ti' u aj canbalo'ob: ¿Ba'ax teen jach sajque'ex? ¿Bix yanil mina'an te'ex ocsaj óolal? 41Leti'obe' jach ja'ak u yóolo'ob ca tu ya'alajo'ob tu baatzilo'ob: ¿Máax lela', cu yu'uba'al u t'aan tac tumen iik yéetel ka'anab?
Maya de YucatánTumben Nupt'an NT © Sociedad Bíblica de Mexico, 2004.