MARCOS 5
5
Jun túul Gadarail yaan kaakas pixan ti'
(Mt 8.28-34; Lc 8.26-39)
1J kucho'ob tu láak jun tzéel le ka'anabo' ti' u lu'umil Gadara. 2Cu dzo'ocol u jóokol Jesús ti' le cheemo', j taal tu yicnal leti' jun túul máac jóok ichil le mucnalo'obo', yaan jun túul kaakas pixan ti'. 3Le máaca' ichil le mucnalo'ob caja'ano', mix máac cu páajtal u kaxic, mix yéetel cadena. 4Ya'ab u téenel dzo'oc u ka'axal tu yooc yéetel tu kab yéetel cadenao'ob, ba'ale' mantadz cu t'oquic yéetel cu xe'exet'ic. Bey túuno' ma' táan u páajtal u jedzcunta'al tumen mix máac. 5Bul kiin bul áakab táan u máan yawat ti' múulo'ob yéetel ichil mucnalo'ob, táan u ko'okolcubáa xan yéetel tuunicho'ob. 6Ba'ale' ca tu yilaj ti' yaan Jesús te náachilo', j áalcabnaji ca j xolaj tu táan, 7ca tu yaawtaj ti': ¿Ba'ax teen ca wocsicabáa tin wéetel, Jesús, u Paal Ca'anil Jajal Dios? Quin káat óoltic ti' teech tu yo'olal Jajal Dios ma' a beetic in mukyaj. 8Tu ya'alaj lela' tumen Jesuse' táan u ya'alic ti'e': Kaakas pixan, ¡jóoken ti' le máaca'! 9Jesuse' tu káataj ti': ¿Bix a kaaba'? Leti'e' tu núucaj: Legión in kaaba', tumen ya'abo'on.
10Ca tu sen káat óoltaj ti' Jesús ma' u túuxta'al le pixano'ob ti' táanxel lu'umo'. 11Yaan ca'ach te'elo' ya'abcach kéekeno'ob táan u janalo'ob naadz ti' le múulo'. 12Le kaakas pixano'obo' tu káat óolto'ob túun ti': Túuxto'on ti' le kéekeno'obo'; chaaj c ocol ti'o'ob.
13Bey túuno' Jesuse' tu cha'aj ti'ob. Le pixano'obo' jóoko'ob ti' le wíinico' ca j ooco'ob ti' le kéekeno'obo'. Yaan míin dos mil kéekeno'ob, ca j bin u puluba'ob ti' jun p'éel taamil cúuchil te j ka'anabo' ca j bulo'ob.
14Le máaxo'ob canantic le kéekeno'obo' j áalcabnajo'ob tumen jaka'an u yóolo'ob, ca j bino'ob u tzicbalto'ob te j caajo' yéetel te j káaxo'. Ca j taal u cajnáalilo'ob u yilo'ob ba'ax dzo'oc u yúuchulo'. 15Le ca j kucho'ob tu'ux yaan Jesuso', tu yilo'ob le xiib yaan ca'ach le kaakas pixano'ob tu wíinclilo', culucbal, u búuquintmaj u nook yéetel tu yóol yan; ca j sajacchajo'ob. 16Tzicbalta'ab ti'ob tumen le máaxo'ob j ile' ba'ax j úuch ti' le j xiib yaan ca'ach le kaakas pixano'ob ti'o', bey xan le ba'ax j úuch ti' le kéekeno'obo'. 17Bey túuno' j cáaj u káat óoltico'ob ti' Jesús ca jóokoc ti' u lu'umo'obo'.
18Le ca j ooc Jesús ti' le cheemo', le wíinic yaan ca'ach le kaakas pixano'ob ti'o', tu káat óoltaj ti' ca u cha'a u bin tu yéetel. 19Ba'ale' Jesuse' ma' tu ch'a'aj ti'i', chéen tu ya'alaj ti': Xeen ta wotoch tu yicnal a láaktzilo'ob, tzicbalt ti'ob tuláacal le ba'ax dzo'oc u beetic Yuumtzil ta wéetelo', bix tu ch'a'ajilac óotzilil ti' teech.
20Le j máaco' j bine' ca jo'op' u tzicbaltic tu caajilo'ob Decápolis tuláacal le ba'axo'ob j beeta'ab ti' tumen Jesuso'. Ca láaj ja'ak u yóolo'ob.
U x ch'upul paal Jairo yéetel le co'olel tu péedzkabtaj u nook Jesús
(Mt 9.18-26; Lc 8.40-56)
21Le ca j suunaj Jesús ti' cheem tu láak jun tzéelil le ka'anabo', j kuch ya'abcach máaco'ob tu'ux yaan. Leti'e' j p'áat tu jáal le ka'anabo'. 22J kuch túun jun túul u nojochil le sinagogao', u kaaba'e' Jairo; le ca tu yilaj Jesuse', j xolaj tu ni' yooc 23ca tu sen káat óoltaj ti', táan u ya'alic: In x ch'úupale' táan u quíimil; co'oten a dzáa a kab tu yóokol u ti'al ca utzac yéetel ca cuxlac.
24Ca túun j bin Jesús tu yéetel; chéen ba'ale' j tzaypachta'ab tumen ya'abcach máaco'ob, máaxo'ob táan u pech'ico'ob Jesús. 25Ichil le máaco'obo' yaan ca'ach jun túul co'olel koja'an, yaan min doce ja'abo'ob cáajac u tuul ki'ik ti'. 26Dzo'oc u mukyaj jach ya'ab tu kab ya'abcach aj dzac yajo'ob, yéetel dzo'oc u xupic tuláacal ba'ax yaan ca'ach ti'; ba'ale' mix jun p'íit utz tu caxtaj, chéen seten kaschaj u koja'anil. 27Le ca tu yu'ubaj u tzicbalil táan u taal Jesuse', le co'olela' tu nadzajubáa paachil ti' ichil le máaco'obo', ca tu péedzkabtaj u nook Jesús. 28Tumen táan u ya'alic: Chéen yéetel ca in péedzkabt u nooke', je'el in wutztale'. 29Tu séeblaquil j xu'ul u jóokol ki'ik ti', ca tu yu'ubaj tu wíinclil dzo'oc u yutztal ti' u koja'anil. 30Jesuse' tu na'ataj dzo'oc u dzáic toj óolal ti' wa máax yéetel u páajtalile', ca tu sutajuba ca j paacatnaj ichil le máaco'obo', ca tu káat chi'itaj: ¿Máax péedzkabt in nook?
31J a'ala'ab túun ti' tumen u aj canbalo'obe': Táan a wilic táan a pe'ech'el tumen le máaco'obo', cu dzo'ocole' ca káat chi'itic: ¿Máax péedz kabten?
32Ba'ale' Jesuse' j paacatnaj tu bakpach u ti'al u yilic máax j péedz kabte. 33Bey túuno' le co'olelo', táan u quiquilanquil tumen sajac, yéetel tumen u yojel ba'ax dzo'oc u yúuchul ti'e', j bine' ca j xolaj tu táan, ca tu ya'alaj ti' tuláacal u jaajil. 34Jesuse' tu ya'alaj ti': Co'olel, dzo'oc u tojtal a wóol tumen ocsaj óolnajech. Xeen ti' jéedzel yéetel p'áatac toj a wóol ti' a koja'anil.
35Ma'ili' dzo'ococ u t'aan Jesuse', dze'edzec u j palitzilo'ob j taalo'ob ti' j-luko'ob tu yotoch le u nojochil le sinagogao', ca tu ya'alajo'ob ti' u taata le x ch'úupalo': A x ch'úupale' dzo'oc u quíimil. ¿Ba'ax ti'al ca chi'ichnaccuntic le aj ca'anbesajo'?
36Ba'ale' Jesuse' ma' tu dzaj tu yóol ba'ax j a'alabi', ca tu ya'alaj ti' u nojochil le sinagogao': Ma' a ch'a'ic sajaquil, chéen ocsaj óolnen.
37Ma' tu cha'aj u bin u láak máaco'ob tu yéeteli', chéen Pedro, Jacobo yéetel Juan u yíidzin Jacobo. 38Le ca j kucho'ob tu yotoch le u nojochil le sinagogao', tu yilaj le wo'och'lantáanbailo' yéetel le máaxo'ob cu yokolo'ob yéetel cu yawto'obo'.
39Ca túun j ooc Jesuse' ca tu ya'alaj ti'ob: ¿Ba'axten ca juume'ex yéetel ca wokole'ex beyo'? Le x ch'úupala' ma' quimeni', chéen táan u wenel.
40Ba'ale' j che'ejta'abi, Jesuse' tu beetaj túun u láaj jóokolo'ob, ca tu bisaj le taatatzil yéetel le maamatzil yéetel le máaxo'ob j taalo'ob yéetele', ca j ooc tu'ux yaan le x ch'úupalo'. 41Tu machaj tu kab ca tu ya'alaj ti': Talita, cumi u káat u ya'ale': x ch'úupal, ti' teech quin wa'alic, líiken.
42Tu séeblaquil le x ch'úupal yaan doce ja'abo'ob ti'e', j líike' ca xíimbalnaji'. Le máaco'obo' j p'at jach jaka'an u yóolo'ob. 43Ba'ale' Jesuse' tu sen kubentaj ti'ob ma' u ya'alico'ob ti' mix máac, ca tu ya'alaj ti'ob ca u dza'ob u janal le x ch'úupalo'.
Maya de YucatánTumben Nupt'an NT © Sociedad Bíblica de Mexico, 2004.
MARCOS 5
5
Jun túul Gadarail yaan kaakas pixan ti'
(Mt 8.28-34; Lc 8.26-39)
1J kucho'ob tu láak jun tzéel le ka'anabo' ti' u lu'umil Gadara. 2Cu dzo'ocol u jóokol Jesús ti' le cheemo', j taal tu yicnal leti' jun túul máac jóok ichil le mucnalo'obo', yaan jun túul kaakas pixan ti'. 3Le máaca' ichil le mucnalo'ob caja'ano', mix máac cu páajtal u kaxic, mix yéetel cadena. 4Ya'ab u téenel dzo'oc u ka'axal tu yooc yéetel tu kab yéetel cadenao'ob, ba'ale' mantadz cu t'oquic yéetel cu xe'exet'ic. Bey túuno' ma' táan u páajtal u jedzcunta'al tumen mix máac. 5Bul kiin bul áakab táan u máan yawat ti' múulo'ob yéetel ichil mucnalo'ob, táan u ko'okolcubáa xan yéetel tuunicho'ob. 6Ba'ale' ca tu yilaj ti' yaan Jesús te náachilo', j áalcabnaji ca j xolaj tu táan, 7ca tu yaawtaj ti': ¿Ba'ax teen ca wocsicabáa tin wéetel, Jesús, u Paal Ca'anil Jajal Dios? Quin káat óoltic ti' teech tu yo'olal Jajal Dios ma' a beetic in mukyaj. 8Tu ya'alaj lela' tumen Jesuse' táan u ya'alic ti'e': Kaakas pixan, ¡jóoken ti' le máaca'! 9Jesuse' tu káataj ti': ¿Bix a kaaba'? Leti'e' tu núucaj: Legión in kaaba', tumen ya'abo'on.
10Ca tu sen káat óoltaj ti' Jesús ma' u túuxta'al le pixano'ob ti' táanxel lu'umo'. 11Yaan ca'ach te'elo' ya'abcach kéekeno'ob táan u janalo'ob naadz ti' le múulo'. 12Le kaakas pixano'obo' tu káat óolto'ob túun ti': Túuxto'on ti' le kéekeno'obo'; chaaj c ocol ti'o'ob.
13Bey túuno' Jesuse' tu cha'aj ti'ob. Le pixano'obo' jóoko'ob ti' le wíinico' ca j ooco'ob ti' le kéekeno'obo'. Yaan míin dos mil kéekeno'ob, ca j bin u puluba'ob ti' jun p'éel taamil cúuchil te j ka'anabo' ca j bulo'ob.
14Le máaxo'ob canantic le kéekeno'obo' j áalcabnajo'ob tumen jaka'an u yóolo'ob, ca j bino'ob u tzicbalto'ob te j caajo' yéetel te j káaxo'. Ca j taal u cajnáalilo'ob u yilo'ob ba'ax dzo'oc u yúuchulo'. 15Le ca j kucho'ob tu'ux yaan Jesuso', tu yilo'ob le xiib yaan ca'ach le kaakas pixano'ob tu wíinclilo', culucbal, u búuquintmaj u nook yéetel tu yóol yan; ca j sajacchajo'ob. 16Tzicbalta'ab ti'ob tumen le máaxo'ob j ile' ba'ax j úuch ti' le j xiib yaan ca'ach le kaakas pixano'ob ti'o', bey xan le ba'ax j úuch ti' le kéekeno'obo'. 17Bey túuno' j cáaj u káat óoltico'ob ti' Jesús ca jóokoc ti' u lu'umo'obo'.
18Le ca j ooc Jesús ti' le cheemo', le wíinic yaan ca'ach le kaakas pixano'ob ti'o', tu káat óoltaj ti' ca u cha'a u bin tu yéetel. 19Ba'ale' Jesuse' ma' tu ch'a'aj ti'i', chéen tu ya'alaj ti': Xeen ta wotoch tu yicnal a láaktzilo'ob, tzicbalt ti'ob tuláacal le ba'ax dzo'oc u beetic Yuumtzil ta wéetelo', bix tu ch'a'ajilac óotzilil ti' teech.
20Le j máaco' j bine' ca jo'op' u tzicbaltic tu caajilo'ob Decápolis tuláacal le ba'axo'ob j beeta'ab ti' tumen Jesuso'. Ca láaj ja'ak u yóolo'ob.
U x ch'upul paal Jairo yéetel le co'olel tu péedzkabtaj u nook Jesús
(Mt 9.18-26; Lc 8.40-56)
21Le ca j suunaj Jesús ti' cheem tu láak jun tzéelil le ka'anabo', j kuch ya'abcach máaco'ob tu'ux yaan. Leti'e' j p'áat tu jáal le ka'anabo'. 22J kuch túun jun túul u nojochil le sinagogao', u kaaba'e' Jairo; le ca tu yilaj Jesuse', j xolaj tu ni' yooc 23ca tu sen káat óoltaj ti', táan u ya'alic: In x ch'úupale' táan u quíimil; co'oten a dzáa a kab tu yóokol u ti'al ca utzac yéetel ca cuxlac.
24Ca túun j bin Jesús tu yéetel; chéen ba'ale' j tzaypachta'ab tumen ya'abcach máaco'ob, máaxo'ob táan u pech'ico'ob Jesús. 25Ichil le máaco'obo' yaan ca'ach jun túul co'olel koja'an, yaan min doce ja'abo'ob cáajac u tuul ki'ik ti'. 26Dzo'oc u mukyaj jach ya'ab tu kab ya'abcach aj dzac yajo'ob, yéetel dzo'oc u xupic tuláacal ba'ax yaan ca'ach ti'; ba'ale' mix jun p'íit utz tu caxtaj, chéen seten kaschaj u koja'anil. 27Le ca tu yu'ubaj u tzicbalil táan u taal Jesuse', le co'olela' tu nadzajubáa paachil ti' ichil le máaco'obo', ca tu péedzkabtaj u nook Jesús. 28Tumen táan u ya'alic: Chéen yéetel ca in péedzkabt u nooke', je'el in wutztale'. 29Tu séeblaquil j xu'ul u jóokol ki'ik ti', ca tu yu'ubaj tu wíinclil dzo'oc u yutztal ti' u koja'anil. 30Jesuse' tu na'ataj dzo'oc u dzáic toj óolal ti' wa máax yéetel u páajtalile', ca tu sutajuba ca j paacatnaj ichil le máaco'obo', ca tu káat chi'itaj: ¿Máax péedzkabt in nook?
31J a'ala'ab túun ti' tumen u aj canbalo'obe': Táan a wilic táan a pe'ech'el tumen le máaco'obo', cu dzo'ocole' ca káat chi'itic: ¿Máax péedz kabten?
32Ba'ale' Jesuse' j paacatnaj tu bakpach u ti'al u yilic máax j péedz kabte. 33Bey túuno' le co'olelo', táan u quiquilanquil tumen sajac, yéetel tumen u yojel ba'ax dzo'oc u yúuchul ti'e', j bine' ca j xolaj tu táan, ca tu ya'alaj ti' tuláacal u jaajil. 34Jesuse' tu ya'alaj ti': Co'olel, dzo'oc u tojtal a wóol tumen ocsaj óolnajech. Xeen ti' jéedzel yéetel p'áatac toj a wóol ti' a koja'anil.
35Ma'ili' dzo'ococ u t'aan Jesuse', dze'edzec u j palitzilo'ob j taalo'ob ti' j-luko'ob tu yotoch le u nojochil le sinagogao', ca tu ya'alajo'ob ti' u taata le x ch'úupalo': A x ch'úupale' dzo'oc u quíimil. ¿Ba'ax ti'al ca chi'ichnaccuntic le aj ca'anbesajo'?
36Ba'ale' Jesuse' ma' tu dzaj tu yóol ba'ax j a'alabi', ca tu ya'alaj ti' u nojochil le sinagogao': Ma' a ch'a'ic sajaquil, chéen ocsaj óolnen.
37Ma' tu cha'aj u bin u láak máaco'ob tu yéeteli', chéen Pedro, Jacobo yéetel Juan u yíidzin Jacobo. 38Le ca j kucho'ob tu yotoch le u nojochil le sinagogao', tu yilaj le wo'och'lantáanbailo' yéetel le máaxo'ob cu yokolo'ob yéetel cu yawto'obo'.
39Ca túun j ooc Jesuse' ca tu ya'alaj ti'ob: ¿Ba'axten ca juume'ex yéetel ca wokole'ex beyo'? Le x ch'úupala' ma' quimeni', chéen táan u wenel.
40Ba'ale' j che'ejta'abi, Jesuse' tu beetaj túun u láaj jóokolo'ob, ca tu bisaj le taatatzil yéetel le maamatzil yéetel le máaxo'ob j taalo'ob yéetele', ca j ooc tu'ux yaan le x ch'úupalo'. 41Tu machaj tu kab ca tu ya'alaj ti': Talita, cumi u káat u ya'ale': x ch'úupal, ti' teech quin wa'alic, líiken.
42Tu séeblaquil le x ch'úupal yaan doce ja'abo'ob ti'e', j líike' ca xíimbalnaji'. Le máaco'obo' j p'at jach jaka'an u yóolo'ob. 43Ba'ale' Jesuse' tu sen kubentaj ti'ob ma' u ya'alico'ob ti' mix máac, ca tu ya'alaj ti'ob ca u dza'ob u janal le x ch'úupalo'.
Maya de YucatánTumben Nupt'an NT © Sociedad Bíblica de Mexico, 2004.