Génesis 5
5
Adánpita miraq nunakuna
1 Crónicas 1.1-4
1Këchömi qellqarëkan Adánpa tsurinkunapaq y pëkunapa mirëninkunapaqpis.
Nunata kamarnin kikintanömi Teyta Dios kamarqan.#Mat. 19.4; Mar. 10.6. 2Ollqutapis warmitapis pëmi kamarqan. Tsëpitanam kë patsachö alli kawayänanpaq bendisïkurqan. Kamanqan junaqmi Teyta Dios nirqan pëkuna nuna kayanqanta.#Gén. 1.27-28.
3Juk pachak kima chunka (130) watayuq Adán këkaptinmi tsurin Set yurirqan. Tsë tsurinqa tëtannöllam karqan. 4Tsurin Set yurinqanpita puwaq pachak (800) wata masran Adán kawarqan. Pëpaqa tsurinkuna ollqupis y warmipis kayarqanran. 5Isqun pachak kima chunka (930) watayuq këkarmi Adán wanukurqan.
6Juk pachak pitsqa (105) watayuq Set këkaptinmi tsurin Enós yurirqan. 7Tsëpitapis Set kawarqan puwaq pachak qanchis (807) wata masran. Y maspis tsurinkuna ollqupis y warmipis karqanran. 8Setqa isqun pachak chunka ishkë (912) watayuq këkarmi wanukurqan.
9Enós isqun chunka (90) watayuq këkaptinmi tsurin Cainán yurirqan. 10Tsurin Cainán yurinqanpita Enós kawarqan puwaq pachak chunka pitsqa (815) watayaqran. Enóspa tsurinkuna ollqupis y warmipis kayarqanran. 11Enósqa isqun pachak pitsqa (905) watayuq këkarmi wanukurqan.
12Cainán qanchis chunka watayuq (70) këkaptinmi tsurin Mahalaleel yurirqan. 13Tsurin Mahalaleel yurinqanpita Cainán kawarqan puwaq pachak chusku chunka (840) watayaqran. Tsurinkuna ollqupis y warmipis kayarqanran. 14Cainánqa isqun pachak chunka (910) watayuq këkarmi wanukurqan.
15Mahalaleel joqta chunka pitsqa (65) watayuq këkaptinmi tsurin Jared yurirqan. 16Tsurin Jared yurinqanpita Mahalaleel kawarqan puwaq pachak kima chunka (830) watayaqran. Maspis tsurinkuna ollqupis y warmipis kayarqanran. 17Mahalaleel puwaq pachak isqun chunka pitsqa (895) watayuq këkarmi wanukurqan.
18Jared juk pachak joqta chunka ishkë (162) watayuq këkaptinmi tsurin Enoc yurirqan. 19Jaredqa tsurin Enoc yurinqanpita puwaq pachak (800) watayaqran kawarqan. Maspis tsurinkuna ollqupis y warmipis kayarqanran. 20Jaredpis isqun pachak joqta chunka ishkë (962) watayuq këkarmi wanukurqan.
21Enoc joqta chunka pitsqa (65) watayuq këkaptinmi tsurin Matusalén yurirqan. 22Enocqa Teyta Dios munanqannömi kawarqan. Tsurin Matusalén yurinqanpita kima pachak (300) watayaqran kawarqan. Enocpa maspis tsurinkuna ollqupis y warmipis kayarqanran. 23Enocqa kawarqan kima pachak joqta chunka pitsqa (365) watam. 24Teyta Dios munanqannö kawashqa kaptinmi Enocta Teyta Dios kawëkaqta pushakurqan.#Heb. 11.5; Jud. 14.
25Matusalén juk pachak puwaq chunka qanchis (187) watayuq këkaptinmi tsurin Lamec yurirqan. 26Lamec yurinqanpitaqa Matusalén kawarqan qanchis pachak puwaq chunka ishkë (782) watayaqran. Matusalénpa tsurinkuna ollqupis y warmipis kayarqanran. 27Matusalénpis isqun pachak joqta chunka isqun (969) watayuq këkarmi wanukurqan.
28Lamec juk pachak puwaq chunka ishkë (182) watayuq këkaptinmi tsurin yurirqan. 29Tsë tsurin yuririptinmi Lamec nirqan: <<Kë patsata Teyta Dios maldisishqa kaptinpis kë tsurïmi alli yanapamäshun uryarpis alläpa mana nakanantsikpaq>>.
Tsënö nirmi tsurinpa shutin churarqan Noéta.#5.29 Noé ninanqa yanapakuq ninanmi. 30Noé yurinqanpita Lamec kawarqan pitsqa pachak isqun chunka pitsqa (595) watayaqran. Lamecpa tsurinkuna ollqupis y warmipis kayarqanran. 31Lamecqa qanchis pachak qanchis chunka qanchis (777) watayuq këkarmi wanukurqan.
32Noé pitsqa pachak (500) watayuq këkaptinmi tsurinkuna yuriyarqan. Tsë tsurinkunapa shutinkunam karqan Sem, Cam y Jafet.
© 2018, Wycliffe Bible Translators, Inc. All rights reserved.