<div class="version vid1066 iso6393gun" data-vid="1066" data-iso6393="gun">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">G&#234;nesis jypy'i kuaxia Mois&#233;s ombopara va'ekue</span></div><div class="ip"><span class="content">Tery G&#233;nesis ma &#8220;Mba'emo ypy&#8221; he'ia, &#8220;Jypy'i ma Nhanderuete ojapo raka'e yva ha'e yvy&#8221;, he'ia rami (1.1). Kova'e kuaxia para re ma omombe'u mar&#227; rami pa opa mba'e ijypy'iague: kuaray, jaxy, jaxy-tata, yvy, ye'&#7869;, avakue, kunhague, mymba, mba'emo rogue, tekoar&#227; guive.</span></div><div class="ip"><span class="content">Ha'e nunga ha'e javi Nhanderuete ojapo jave ha'eve va'e meme raka'e. Ava ovy'a oikovy yvotyty rupi oikoa py, gua'yxy reve. Ha'e gui ma ha'e kuery nonhe'&#7869; rendui ramo Nhanderuete omox&#7869;, ha'e omano agu&#227; re ijayvu. Ha'e ramia py oiko ypy raka'e teko vai ha'e manoa. Ha'e rami rire nhande kuery jajejavy ha'e nhamano agu&#227; rami meme nhandekuai.</span></div><div class="ip"><span class="content">Avakue hetave tema ha'e heko vaive oje'oivy. Ha'e ramo Nhanderuete yy ombou vy ojukapa raka'e. No&#233; anho Nhanderuete pe ete oiko ramo ogueraa jepe kano&#227; guaxu py, hoo pygua kuery reve.</span></div><div class="ip"><span class="content">Ha'e va'e rire Nhanderuete pete&#297; regua oiporavo ha'e kuery pe ojekuaa uka agu&#227;. Ha'e kuery ru ma Abra&#227;o raka'e, ha'e gui ta'y Isaque, ha'e gui Isaque ra'y Jac&#243; ju oiporavo. Ha'e va'e kuery pete&#297;-te&#297; pe Nhanderuete ogueroayvu por&#227; vy ijayvu yvy hekoague hamymino kuery pe ju ome'&#7869; agu&#227; re.</span></div><div class="ip"><span class="content">Jac&#243; pe ma amboae heryr&#227; ju ome'&#7869;: ha'e va'e ma Israel. Jac&#243; ma doze gua'y kuery oguereko. Ha'e kuery gui doze regua ikuai raka'e Israel kuery. Jac&#243; ra'y kuery va'e regua pete&#297; ma Jos&#233;. Ha'e va'e re tyke'y kuery nda'ija'ei vy ovende raka'e Egito yvy katy oguata va'e kuery pe. Ha'e gui ma karuai oiko ramo Jac&#243; ra'y kuery ha'e javi oo Egito yvy re, tembi'u ojogua agu&#227;. Ha'e py ma opyta raka'e.</span></div><div class="ip"><span class="content">Kova'e kuaxia para ha'e javi rupi Nhanderuete oexa uka nhanemboaxya. Ad&#227;o ha'e Eva ojejavy rire te&#297; Nhanderuete omboaxy vy omonhemonde. &#8220;No&#233; ma Senhor renonde oupity omboaxya&#8221;, he'i (6.8). Ha'e Jos&#233; voi guyke'y kuery pe aipoe'i: &#8220;Pe&#7869; kuery ma anhet&#7869; xevy pejapo vaixe pekuapy karamboae. Ha'e r&#227; Nhanderuete ma ha'e nunga oguerova nhomoingo por&#227; agu&#227; rami. Mba'eta heta ete rekove reraa jepear&#227; xemoingo, a&#7929; pexa pekuapya rami&#8221;, he'i (50.20). Nhanderuete ma nhanemboaxya ha'e nhandereraa jepea oiko.</span></div>
      </div>
   </div>
</div>

Gênesis jypy'i kuaxia Moisés ombopara va'ekue
Tery Génesis ma “Mba'emo ypy” he'ia, “Jypy'i ma Nhanderuete ojapo raka'e yva ha'e yvy”, he'ia rami (1.1). Kova'e kuaxia para re ma omombe'u marã rami pa opa mba'e ijypy'iague: kuaray, jaxy, jaxy-tata, yvy, ye'ẽ, avakue, kunhague, mymba, mba'emo rogue, tekoarã guive.
Ha'e nunga ha'e javi Nhanderuete ojapo jave ha'eve va'e meme raka'e. Ava ovy'a oikovy yvotyty rupi oikoa py, gua'yxy reve. Ha'e gui ma ha'e kuery nonhe'ẽ rendui ramo Nhanderuete omoxẽ, ha'e omano aguã re ijayvu. Ha'e ramia py oiko ypy raka'e teko vai ha'e manoa. Ha'e rami rire nhande kuery jajejavy ha'e nhamano aguã rami meme nhandekuai.
Avakue hetave tema ha'e heko vaive oje'oivy. Ha'e ramo Nhanderuete yy ombou vy ojukapa raka'e. Noé anho Nhanderuete pe ete oiko ramo ogueraa jepe kanoã guaxu py, hoo pygua kuery reve.
Ha'e va'e rire Nhanderuete peteĩ regua oiporavo ha'e kuery pe ojekuaa uka aguã. Ha'e kuery ru ma Abraão raka'e, ha'e gui ta'y Isaque, ha'e gui Isaque ra'y Jacó ju oiporavo. Ha'e va'e kuery peteĩ-teĩ pe Nhanderuete ogueroayvu porã vy ijayvu yvy hekoague hamymino kuery pe ju ome'ẽ aguã re.
Jacó pe ma amboae heryrã ju ome'ẽ: ha'e va'e ma Israel. Jacó ma doze gua'y kuery oguereko. Ha'e kuery gui doze regua ikuai raka'e Israel kuery. Jacó ra'y kuery va'e regua peteĩ ma José. Ha'e va'e re tyke'y kuery nda'ija'ei vy ovende raka'e Egito yvy katy oguata va'e kuery pe. Ha'e gui ma karuai oiko ramo Jacó ra'y kuery ha'e javi oo Egito yvy re, tembi'u ojogua aguã. Ha'e py ma opyta raka'e.
Kova'e kuaxia para ha'e javi rupi Nhanderuete oexa uka nhanemboaxya. Adão ha'e Eva ojejavy rire teĩ Nhanderuete omboaxy vy omonhemonde. “Noé ma Senhor renonde oupity omboaxya”, he'i (6.8). Ha'e José voi guyke'y kuery pe aipoe'i: “Peẽ kuery ma anhetẽ xevy pejapo vaixe pekuapy karamboae. Ha'e rã Nhanderuete ma ha'e nunga oguerova nhomoingo porã aguã rami. Mba'eta heta ete rekove reraa jepearã xemoingo, aỹ pexa pekuapya rami”, he'i (50.20). Nhanderuete ma nhanemboaxya ha'e nhandereraa jepea oiko.

Yoka Gênesis Gênesis jypy'i kuaxia Moisés ombopara va'ekue