Mokanda na Bomoi™ Makomi na se ya bokonzi © 2002, 2020 Biblica, Inc. Esalelami na ndingisa ya Biblica. Makoki nyonso ebatelema kati na mokili mobimba. Lingala Contemporary Bible™ Copyright © 2002, 2020 by Biblica, Inc. Used with permission. All rights reserved worldwide.

Mokanda na Bomoi

Soki bosiliki, bosalaka masumu te ; kanda na bino esengeli kosila liboso ete pokwa ekoma.

Esengo na bato oyo babatelaka malako na Ye
mpe balukaka Ye na mitema na bango mobimba !

Pesa misala na yo epai na Yawe,
mpe mabongisi na yo ekokokisama.

Solo, bolingo ya Klisto ekangi biso, pamba te tondimisamaki ete moko kaka akufa mpo na bato nyonso ; boye elingi koloba ete bato nyonso bakufa kati na ye.

Akufaki mpo na bato nyonso mpo ete ba-oyo bazali na bomoi bazala lisusu na bomoi te mpo na bango moko, kasi mpo na Ye oyo akufaki mpe asekwaki mpo na bango.

Pamba te na esika oyo bato mibale to bato misato basangani na Kombo na Ngai, Ngai mpe nazali wana kati na bango.

Nazali na makoki ya kosala makambo nyonso na nzela na Ye oyo apesaka ngai makasi.

1 Yoane 4:1

Balingami na ngai, bondimaka te bato nyonso oyo babetaka tolo mpo na koloba ete batondisami na Molimo ya Nzambe ; kasi bomeka bango mpo na koyeba soki bazali penza ya Nzambe, pamba te basakoli ebele ya lokuta basili kopanzana na mokili.

Na nzela ya kobongola Bibilia na nkota ya ndenge na ndenge mpe kotia yango na babuku, Biblica, The International Bible Society, azali kopanza sango ya Maloba ya Nzambe, na bikolo ya Afrika, ya Azia ya Este, ya Azia ya Sude, ya Azia oyo ekangani na Afrika, ya Eropa, ya Amerika ya Sude mpe ya Nor. Boye, Biblica azali kosala ete Maloba ya Nzambe ekomela bato ebele kati na mokili mpo ete, na nzela ya Maloba yango, bakutana na Yesu-Klisto mpe bomoi na bango ebongwana.

Makomi ya Mokolo ya Lelo

Makomi ya Biblia mpo na Bamposo oyo

Zwa Biblia ya ofele mpo na telefoni mpe tableti na yo.