<div class="version vid1153 iso6393mps" data-vid="1153" data-iso6393="mps">
 <div class="book bkGEN">
 <div class="chapter ch1" data-usfm="GEN.1">
 <div class="label">1</div><div class="s">Te tigidali nai pedelali po</div><div class="p"> 1Polobadu mu, te Godigo dagalu de to&#808; si gagalama nigali sogo, hasia bolo te to&#808; dago megi subo tiwai gilama me ebeo. Menio. 2Te olo elaluyu, te gasagi yai tedali elaluali. Tama te megi te to&#808;de bidibo nai dabe augwali te sogo meni yai yai. Tama te be hulia saligo te genuai we&#808; halua sai elalubadi, tama Godigo Mobo Bidi te daidu iba peyu, eda asu yai. 3Tama Godigo te po wai, &#8220;Ula pedelao!&#8221; wai. Tialima, ula pedelai. #2 Ko 4:6 4Godigo suali, te ula wiegi yai baso, te aga dwagi yai homu pemene yai. Tama agai te be hulibo de ula yabo te si pedai. 5Tama tiyu, tama be posobo nogi agai poali te &#8220;Be posobo sogo ulade.&#8221; Tama te be hulibo nogi agai poali, te &#8220;Hulide dao,&#8221; wai. Be huliama, tama be posobo ula pedaluyu elama, tama te be posali deli sogo wali, hasia sogo deli wali silali.</div><div class="p"> 6Nosali Godigo te po wai, &#8220;Te we&#808; ugwaba sagolabo da&#808;i&#808; me deli pedelama, te we&#808; si badu elalumainao,&#8221; wali. Tama te nai pedelali. #2 Pi 3:5 7Godigo te da&#808;i&#808; pedalumainogo yali, te ugwadu elalubo a&#808;i&#808; me, aiyadu elalubo we&#808; me, te buguliyu tama tiali. 8Tama te da&#808;i&#808; nigilali nogi agai te &#8220;Dagalu da,&#8221; po wali. Te be huliama, te be posobo ula pedaluyu elama, tama te be posali si sogo wali silali.</div><div class="p"> 9Nosali Godigo te po wai, &#8220;Te dagalu dologode elalubo we&#808;, te we&#808; dologode elalubo to&#808; hania ugwaba pedalumainogo eyu, te we&#808; te deli madiba me sisinigi pelama, te bulu to&#808; wa pomainao,&#8221; te po wai. Tama tiyu, tama te bulu to&#808; pedelama, tama wa pali. 10Tama te wa pai pedelali Godigo te nogi poali te &#8220;To&#808; dao.&#8221; Tama we&#808; dabe te deliba sisinani, tama te nogi poali, te &#8220;Tamu a&#808;i&#808; dao.&#8221; Te Godigo aga digi te tigidali nigila silali nai wiegi yai yai sulama, te aga homu pemene wiegi yai yai. 11Te tudibadu Godigo te po wali, &#8220;Te haniani te to&#808;de holabo nai pedalumainao, te tubo ge walobo keba dabe me, te haniani du walobo nedu du wai pedelao,&#8221; po wai. Tama te nai dabe pedelalio. 12Tama tiliama, te haniani keba dabe me, te dwanai sibi me, tama te ni dabe me, te to&#808;de pedelai. Te meba gasagi yai dabego te nai du waliyu, te mebago te du wai walali. Te God aga digi te nigali nai tigidali sulama, te aga wiegi yai homu pemene yai. 13Tama be huliali silama, tama kigamu be posobo pedelai. Te be posobo sela wabo silali dao.</div><div class="p"> 14Te tudibadu Godigo te po wai, &#8220;Te be huliyu, posoyu yabo te bodolu mumainogo, te ula ebo nai dabe te dagalude pedalumainao. Tama elaluyu, augwaligo te polua dabe me, te kibu be dabe me, te kibu be yabo sogo te haniani bodolu muna muna paibao. 15Te ula ebo nai dabe te dagalude pedelama, te to&#808;ba ula mawaibao,&#8221; te po wai. Tama te dabe pedela silai. 16Godigo te genuai ula si pedalumainogo ilali. Genuai da, te giliga te be posobo tonaluyu, ula mabo da, tama dwasianu da, te polua tego da, te hulide tonaluyu, ula mabo da. Tama Godigo te ho&#808; dabe me pedalumainu yai. 17Tama agai te dagalude ula dabe muani, te to&#808;ba ula momainogo elama, 18tama te be posobo me, te be hulibo me, te si tonalumainu yali, tama te be hulibo me te be posobo te si pedai. Tama God aga digi te nigali nai tigidali sulama, te aga dwagi yai homu pemene yali. 19Te be huliama, be posobo pedelali. Te be posobo me si me si wabo silai dao.</div><div class="p"> 20Te tudibadu Godigo te po wai, &#8220;We&#808;de te haniani bidibo ula elalubo nai dabe geninama pedelao,&#8221; po wai. &#8220;Tama te ba hani dabe pedelama, te dagalu tomode bola bilaluao,&#8221; wali. 21Tama tiyu, Godigo te tamu a&#808;i&#808;de bidabo moni dobo dwai su&#808;gu&#808; dabe nigilali, tama te we&#808;de bidabo haniani a&#808;i&#808; hasa me, te haniani ba dabe me nigilai. Godigo aga digi nigali nai dabe tigidali suali wiegi yai yai baso, tama aga dwagi yai homu pemene yai. 22Tama augwali bugagia bidimainogo eyu, Godigo augwalibolo dwagi yai po mobo mayu, te po wai, &#8220;Te tamu a&#808;i&#808;de haniani nai dabe geninama mu pedelama, tama te tamu a&#808;i&#808; pa&#808;ga&#808;na sao,&#8221; po wali. &#8220;Tama te ba dabe me to&#808;de umabo pedelao,&#8221; wai. 23Be huliama, kigamu be posobo pedelali. Te be posobo a naga wali silai dao.</div><div class="p"> 24Te tudibadu Godigo te po wai, &#8220;Te to&#808;de bidabo ula elalubo nai hauwa te to&#808;du pedelimainao. Te be pa&#808;de bidabo kibu dabe me, te bulude bidabo genuai hasa dabe me, te dwasianu hasa dabe me, te pedalumainao,&#8221; te po wai. Tama augwali pedelai. 25Godigo te be pa&#808;de bidabo haniani kibu dabe me, te bulude bidabo genuai hasa me, dwasianu hasa dabe te pedalumainogo nigilama, pedelai. God aga digi te nigila silali nai tigidali sulama, tama aga wiegi yai homu pemene yai.</div><div class="p"> 26Tama Godigo te po wai, &#8220;Megi da, dago te we bidi dena tiwai niginao,&#8221; wali. &#8220;Dago augwali te su&#808;gu&#808; dabe me, te ba dabe me, te be pa&#808;de bidibo kibu dabe me, te bulude bidibo genuai hasa me, dwasianu hasa dabe, te tigidali nai tonaluabo bidi nigilinao,&#8221; te po wai. #1 Ko 11:7 27Tama tialima, Godigo te we bidi nigilama, tama God aga tiwai pedelai. Godigo te augwali meba bidi nigibadi, te meba we nigibadi yali. #Mat 19:4; Mak 10:6 28Tama Godigo dwagi yai po mobo augwalibolo mayu, bomonama te po wai, &#8220;Dagego wai dabe hauwa ame nenama, tama augwali pelama, te tigidali bulu to&#808; usu nama bidada pelama, tama te to&#808;de tigidali elalubo nai dabe tonaluaibao. Tama eno dagebolo te su&#808;gu&#808; dabe me, te ba dabe me, te bulude genuai hasa, me dwasianu hasa dabe, te tonaluabo bomo mobao,&#8221; wali. #Gag 5:1-2 29Tama Godigo te po wai, &#8220;Eno dagebolo te haniani dwanai dabe me, te nai walobo nosa me, te haniani du walobo nedu du wai dabe mobao. Te dagego tuabo nai dabe dao. 30Tiali goli, eno te gesi ni yabe tiwai ni yabe te tigidali genuai bulu hasago me, dwasianu hasa dabego me, te tigidali ba dabego tuabo nai te eno mawai dao,&#8221; te po wai. Tama te nai dabe augwaligo tuabo nai tama pedelai. 31God aga digi nigali nai tigidali sulama, dwagi yai yai baso, tama aga dwagi yai homu pemene mu yai. Te be huliama, kigamu be posai. Te be posobo te nogo a naga me badu kibisa deli wali silali.</div>
 </div>
 </div>
</div>

Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio. Te olo elaluyu, te gasagi yai tedali elaluali. Tama te megi te tǫde bidibo nai dabe augwali te sogo meni yai yai. Tama te be hulia saligo te genuai wę halua sai elalubadi, tama Godigo Mobo Bidi te daidu iba peyu, eda asu yai. Tama Godigo te po wai, “Ula pedelao!” wai. Tialima, ula pedelai. Godigo suali, te ula wiegi yai baso, te aga dwagi yai homu pemene yai. Tama agai te be hulibo de ula yabo te si pedai. Tama tiyu, tama be posobo nogi agai poali te “Be posobo sogo ulade.” Tama te be hulibo nogi agai poali, te “Hulide dao,” wai. Be huliama, tama be posobo ula pedaluyu elama, tama te be posali deli sogo wali, hasia sogo deli wali silali.
Nosali Godigo te po wai, “Te wę ugwaba sagolabo dąį me deli pedelama, te wę si badu elalumainao,” wali. Tama te nai pedelali. Godigo te dąį pedalumainogo yali, te ugwadu elalubo ąį me, aiyadu elalubo wę me, te buguliyu tama tiali. Tama te dąį nigilali nogi agai te “Dagalu da,” po wali. Te be huliama, te be posobo ula pedaluyu elama, tama te be posali si sogo wali silali.
Nosali Godigo te po wai, “Te dagalu dologode elalubo wę, te wę dologode elalubo tǫ hania ugwaba pedalumainogo eyu, te wę te deli madiba me sisinigi pelama, te bulu tǫ wa pomainao,” te po wai. Tama tiyu, tama te bulu tǫ pedelama, tama wa pali. Tama te wa pai pedelali Godigo te nogi poali te “Tǫ dao.” Tama wę dabe te deliba sisinani, tama te nogi poali, te “Tamu ąį dao.” Te Godigo aga digi te tigidali nigila silali nai wiegi yai yai sulama, te aga homu pemene wiegi yai yai. Te tudibadu Godigo te po wali, “Te haniani te tǫde holabo nai pedalumainao, te tubo ge walobo keba dabe me, te haniani du walobo nedu du wai pedelao,” po wai. Tama te nai dabe pedelalio. Tama tiliama, te haniani keba dabe me, te dwanai sibi me, tama te ni dabe me, te tǫde pedelai. Te meba gasagi yai dabego te nai du waliyu, te mebago te du wai walali. Te God aga digi te nigali nai tigidali sulama, te aga wiegi yai homu pemene yai. Tama be huliali silama, tama kigamu be posobo pedelai. Te be posobo sela wabo silali dao.
Te tudibadu Godigo te po wai, “Te be huliyu, posoyu yabo te bodolu mumainogo, te ula ebo nai dabe te dagalude pedalumainao. Tama elaluyu, augwaligo te polua dabe me, te kibu be dabe me, te kibu be yabo sogo te haniani bodolu muna muna paibao. Te ula ebo nai dabe te dagalude pedelama, te tǫba ula mawaibao,” te po wai. Tama te dabe pedela silai. Godigo te genuai ula si pedalumainogo ilali. Genuai da, te giliga te be posobo tonaluyu, ula mabo da, tama dwasianu da, te polua tego da, te hulide tonaluyu, ula mabo da. Tama Godigo te hǫ dabe me pedalumainu yai. Tama agai te dagalude ula dabe muani, te tǫba ula momainogo elama, tama te be posobo me, te be hulibo me, te si tonalumainu yali, tama te be hulibo me te be posobo te si pedai. Tama God aga digi te nigali nai tigidali sulama, te aga dwagi yai homu pemene yali. Te be huliama, be posobo pedelali. Te be posobo me si me si wabo silai dao.
Te tudibadu Godigo te po wai, “Węde te haniani bidibo ula elalubo nai dabe geninama pedelao,” po wai. “Tama te ba hani dabe pedelama, te dagalu tomode bola bilaluao,” wali. Tama tiyu, Godigo te tamu ąįde bidabo moni dobo dwai sųgų dabe nigilali, tama te węde bidabo haniani ąį hasa me, te haniani ba dabe me nigilai. Godigo aga digi nigali nai dabe tigidali suali wiegi yai yai baso, tama aga dwagi yai homu pemene yai. Tama augwali bugagia bidimainogo eyu, Godigo augwalibolo dwagi yai po mobo mayu, te po wai, “Te tamu ąįde haniani nai dabe geninama mu pedelama, tama te tamu ąį pągąna sao,” po wali. “Tama te ba dabe me tǫde umabo pedelao,” wai. Be huliama, kigamu be posobo pedelali. Te be posobo a naga wali silai dao.
Te tudibadu Godigo te po wai, “Te tǫde bidabo ula elalubo nai hauwa te tǫdu pedelimainao. Te be pąde bidabo kibu dabe me, te bulude bidabo genuai hasa dabe me, te dwasianu hasa dabe me, te pedalumainao,” te po wai. Tama augwali pedelai. Godigo te be pąde bidabo haniani kibu dabe me, te bulude bidabo genuai hasa me, dwasianu hasa dabe te pedalumainogo nigilama, pedelai. God aga digi te nigila silali nai tigidali sulama, tama aga wiegi yai homu pemene yai.
Tama Godigo te po wai, “Megi da, dago te we bidi dena tiwai niginao,” wali. “Dago augwali te sųgų dabe me, te ba dabe me, te be pąde bidibo kibu dabe me, te bulude bidibo genuai hasa me, dwasianu hasa dabe, te tigidali nai tonaluabo bidi nigilinao,” te po wai. Tama tialima, Godigo te we bidi nigilama, tama God aga tiwai pedelai. Godigo te augwali meba bidi nigibadi, te meba we nigibadi yali. Tama Godigo dwagi yai po mobo augwalibolo mayu, bomonama te po wai, “Dagego wai dabe hauwa ame nenama, tama augwali pelama, te tigidali bulu tǫ usu nama bidada pelama, tama te tǫde tigidali elalubo nai dabe tonaluaibao. Tama eno dagebolo te sųgų dabe me, te ba dabe me, te bulude genuai hasa, me dwasianu hasa dabe, te tonaluabo bomo mobao,” wali. Tama Godigo te po wai, “Eno dagebolo te haniani dwanai dabe me, te nai walobo nosa me, te haniani du walobo nedu du wai dabe mobao. Te dagego tuabo nai dabe dao. Tiali goli, eno te gesi ni yabe tiwai ni yabe te tigidali genuai bulu hasago me, dwasianu hasa dabego me, te tigidali ba dabego tuabo nai te eno mawai dao,” te po wai. Tama te nai dabe augwaligo tuabo nai tama pedelai. God aga digi nigali nai tigidali sulama, dwagi yai yai baso, tama aga dwagi yai homu pemene mu yai. Te be huliama, kigamu be posai. Te be posobo te nogo a naga me badu kibisa deli wali silali.

Yoka Tigidali Nai Gagalama Nigali Side 1