Sarangani Blaan - 1998 Edition (NT) Drama

<div class="version vid1245 iso6393bps" data-vid="1245" data-iso6393="bps">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">I kt&#233;k Dyisas md&#224; di fati</div><div class="r">(Matyu 28:1-10; Mark 16:1-8; Dyan 20:1-10)</div><div class="p"> 1Kabay too flafus di duh Linggu, nw&#232; i dad libun i dad fangbun tafatlagadla, na salu ale di gulambang ku Dyisas. 2Di kakella dit&#249;, teenla tamguk&#224; i lbang, du i batu sangla dun, tamlulid. 3Kabay di kfusukla d&#233;&#233;n, l&#224;la teen i laweh Dyisas. 4Na msamuk i nawala, bay di lamla faldam ani, nun lwe to msut tadag di saf&#233;dla kamlaweh bukay too samfil&#224;. 5Kitela i lwe to ani, too ale lik&#242; na lkuad ale kudung di tan&#224;. Na man i lwe to di dale, &#8220;Kan ku mngabal gamu i to mto di gulambang i dad to mati? 6Talaan dini, du tamt&#233;k. Fandamyu i manan gamu di klon dit&#249; fa di Galili, 7du manan, &#8216;Agu, i dnagit Ting&#224; To, l&#224; fakay ku l&#224; bl&#233; di agot i dad to gamsal&#224; du nlansang di krus, bay di gatlun duh mt&#233;k agu md&#224; di fati.&#8217; &#8221;</div><div class="p"> 8Kaklinge i dad libun ani, gafaldamla i gman Dyisas di laan fa mati. 9Na mul&#234; ale na tulenla i kdee teenla di dad sfal&#242; satu gal mlal&#242; ku Dyisas na di kdee dademe dad to d&#233;&#233;n. 10Na i dad libun tmulen ani di dad sfal&#242; satu gal dek Dyisas, dunan M&#233;ri Magdalin, Dyoana, na M&#233;ri i y&#234; Dy&#233;m, na i dademe magin dale. 11Kabay i dad sfal&#242; satu, man nawala i santulen i dad libun ani tat&#236; tal&#249; l&#224; man, taman l&#224; ale faglut i manla. 12Kabay di kaklinge Fiter i manla, tadag kenen na sadlu salu di lbang. Di kakelan, fkag&#242; kenen du smalil di lam, na teenan al&#242; i safut fungas i laweh Dyisas, na mul&#234; kenen, na too tikeng gabl&#224; di mkel ani.</div><div class="s">I kfite Dyisas i kton di lwe to salu di Imaus</div><div class="r">(Mark 16:12-13)</div><div class="p"> 13Na di duh &#233;n, nun lwe di dad mlal&#242; ku Dyisas salu di banwe Imaus, nun k&#232; sfal&#242; satu kilumitru md&#224; di Dy&#233;rusal&#233;m. 14Na di slengla magu, stulen ale gabl&#224; di kdee tamkel. 15Di lamla stulen gabl&#224; ani, fdadong Dyisas na fles magin dale. 16Kabay bal&#249; teenla, l&#224;la kenen dil&#232; du nun smafang i fandamla.</div><div class="p"> 17Na snalekan ale, manan, &#8220;Tan i santulenyu gine kloyu magu?&#8221;</div><div class="p">Na fanak ale, na too mlid&#249; bawehla. 18Na tal&#249; satu di dale dnagit ku Klifas, manan, &#8220;Al&#242; ge k&#232; di kdee dad to mn&#232; di Dy&#233;rusal&#233;m i l&#224; gmad&#232; ku tan i mkel d&#233;&#233;n falami ani.&#8221;</div><div class="p"> 19Na manan di dale, &#8220;Tan i mkel k&#232;?&#8221;</div><div class="p">Na tmimel ale, manla, &#8220;I mkel di ku Dyisas md&#224; di Nasar&#233;t. Kenen satu tugad Dwata, too mtulus di kdee nimoan na manan, bal&#249; di fandam Dwata na l&#234;man i dad to. 20Kabay i dad ulu i dad b&#224; di Dwata na i tua gal mebe gito, bl&#233;la kenen di dad ganlal fye nukum di fati, na nlansangla kenen di krus. 21&#201;n imen nawami ku kenen i ms&#242; gito dad bel Isra&#233;l, bay tatlu butang klo i mkel kdee ani. 22Na nun fa teen i dademe libun gal magin gami i too gamtikeng. Gine too flafus, md&#224; ale salu di gulambang, 23bay l&#224;la teen i lawehan. Na di kasful&#234;la, manla nun kanteenla dad kasaligan Dwata fite di dale na tmulen dale tamt&#233;k Dyisas. 24Taman nun dadememi d&#233;&#233;n salu di lbang, na teenla too glut gman i dad libun, bay l&#224;la teen Dyisas.&#8221;</div><div class="p"> 25Na man Dyisas di dale, &#8220;Tay, l&#224; gamu fulung faldam, na too gamu l&#233;&#233;t faglut i kdee gman dad tugad Dwata! 26L&#224;la k&#232; man, na l&#224; fakay ku l&#224; maflayam i Mgal&#233;k Dwata di kdee ani, di l&#224; fa kenen banl&#233; i kdatahan?&#8221; 27Na tamb&#249; kenen di sulat Mosis na i dademe dad tugad Dwata, na nubadan di dale i kdee man di Tnal&#249; Dwata gabl&#224; di kenen.</div><div class="p"> 28Na di kagdadongla di tukay banwe gusalula, fan fadlug Dyisas magu. 29Kabay klenla kenen, manla, &#8220;Mn&#232; ge di saf&#233;dmi, du taflabi sa nan, tafan sdaf i duh.&#8221; Taman fusuk kenen di gumn&#232;la na mn&#232; di saf&#233;dla.</div><div class="p"> 30Na sudeng ale du kmaan. Na nw&#232; Dyisas i fan, na dmasal kenen ml&#233; fye di Dwata, na snatngaan i fan na bl&#233;n di dale. 31Na dil&#232;la kenen du malwa nan i fandamla. Kafnge &#233;n, tat&#236; lana kenen di matala. 32Na stulen ale, manla, &#8220;&#201;n kad&#236; duen too minit nawata di laman stulen di gite di dalan, na di kubadan di gite i Tnal&#249; Dwata.&#8221;</div><div class="p"> 33Na gasil ale tadag du samful&#234; di Dy&#233;rusal&#233;m, na teenla dit&#249; i dad sfal&#242; satu gal mlal&#242; ku Dyisas na i dademe stifun di saf&#233;dla. 34Na man i dad to stifun d&#233;&#233;n, &#8220;Too sa. Tamt&#233;k i Amuito, na tafiten i kton di ku Simon Fiter!&#8221; 35Na santulen i lwe to gine i kdee teenla di dalan, na i kagkah kdil&#232;la ku Dyisas fagu di kasatngaan i fan.</div><div class="s">I kfite Dyisas i kton di dad mlal&#242; kenen</div><div class="r">(Matyu 28:16-20; Mark 16:14-18; Dyan 20:19-23; Dad Nim&#242; 1:6-8)</div><div class="p"> 36Na di klola fa samtulen ani, msut Dyisas na tadag d&#233;&#233;n di blengla, na manan, &#8220;I ktanak nawa mn&#232; di gamu.&#8221;</div><div class="p"> 37Kabay taknal ale na too lik&#242;, du fandamla lmagol i teenla. 38Taman man Dyisas di dale, &#8220;Kan ku msamuk i fandamyu? Na kan ku lwe nawayu? 39Neyeyu i dad kmalgu na bl&#236;gu! Agu sa ani. Nagotyu agu na neyeyu, fye gad&#232;yu ise agu lmagol. Land&#232; ungad na tulan i lmagol kenen, gambet i teenyu di deg.&#8221;</div><div class="p"> 40Di kmanan dun ani, fiten dale i dad kmalan na blian. 41Kabay knean, gambet l&#224; ale faglut du too ale lehew na tikeng, taman snalekan ale, &#8220;Nun knaanyu dini k&#232;?&#8221; 42Na banl&#233;la kenen nalaf tnat&#234;, 43na nwean na knaanan di munala.</div><div class="p"> 44Kafnge &#233;n, manan di dale, &#8220;Ani sa dad gmangu di gamu di lamgu fa di saf&#233;dyu, du tafgad&#232;gu di gamu, na l&#224; fakay ku l&#224; gdoh&#242; i kdee sulat gabl&#224; di deg di Tnal&#249; Dwata, dunan di dad flal&#242; sulat Mosis na sulat i dademe dad tugad Dwata, na sulat fa di Salmo.&#8221;</div><div class="p"> 45Na lanwan nan i fandamla du fye glabatla i Tnal&#249; Dwata. 46Na manan di dale, &#8220;Nun tagsulat di Tnal&#249; Dwata i gman, too maflayam i Mgal&#233;k Dwata, na fles mati, na l&#234;man mt&#233;k di gatlun duh, 47na gsulat fa, md&#224; di glal i dagitgu, td&#242; kadang di dad to di kdee dad banwe di tah tan&#224;, na ku msal ale md&#224; di dad sas&#232; nim&#242;la, nlifet Dwata i dad sal&#224;la. Na dini di Dy&#233;rusal&#233;m i munayu gutamd&#242; dun. 48Na gamu sa i tmulen ani du gamu i mite dun. 49Na dekgu dini i Mtiu Tulus tafakang M&#224; di gamu, bay fanak gamu dini di Dy&#233;rusal&#233;m, na fatan kenen du fye dnawatyu i gnagan bl&#233;n gamu.&#8221;</div><div class="s">I kagket Dyisas di langit</div><div class="r">(Mark 16:19-20; Dad Nim&#242; 1:9-11)</div><div class="p"> 50Na faginan ale lamw&#224; di Dy&#233;rusal&#233;m. Na di kagdadongla di B&#233;tani, kayangan i dad sigalan na banl&#233;n ale kafye. 51Di slengan ml&#233; dale kafye, md&#224; kenen, na magket kenen di langit. 52Na lkuad ale dmayen kenen, na kafnge &#233;n, samful&#234; ale di Dy&#233;rusal&#233;m, na too ale lehew. 53Na gal ale salu di Bong Gumn&#232; Dwata, du ml&#233; ale fye di kenen.</div>
 </div>
 </div>
</div>

Kabay too flafus di duh Linggu, nwè i dad libun i dad fangbun tafatlagadla, na salu ale di gulambang ku Dyisas. Di kakella ditù, teenla tamgukà i lbang, du i batu sangla dun, tamlulid. Kabay di kfusukla déén, làla teen i laweh Dyisas. Na msamuk i nawala, bay di lamla faldam ani, nun lwe to msut tadag di safédla kamlaweh bukay too samfilà. Kitela i lwe to ani, too ale likò na lkuad ale kudung di tanà. Na man i lwe to di dale, “Kan ku mngabal gamu i to mto di gulambang i dad to mati? Talaan dini, du tamték. Fandamyu i manan gamu di klon ditù fa di Galili, du manan, ‘Agu, i dnagit Tingà To, là fakay ku là blé di agot i dad to gamsalà du nlansang di krus, bay di gatlun duh mték agu mdà di fati.’ ”
Kaklinge i dad libun ani, gafaldamla i gman Dyisas di laan fa mati. Na mulê ale na tulenla i kdee teenla di dad sfalò satu gal mlalò ku Dyisas na di kdee dademe dad to déén. Na i dad libun tmulen ani di dad sfalò satu gal dek Dyisas, dunan Méri Magdalin, Dyoana, na Méri i yê Dyém, na i dademe magin dale. Kabay i dad sfalò satu, man nawala i santulen i dad libun ani tatì talù là man, taman là ale faglut i manla. Kabay di kaklinge Fiter i manla, tadag kenen na sadlu salu di lbang. Di kakelan, fkagò kenen du smalil di lam, na teenan alò i safut fungas i laweh Dyisas, na mulê kenen, na too tikeng gablà di mkel ani.


Na di duh én, nun lwe di dad mlalò ku Dyisas salu di banwe Imaus, nun kè sfalò satu kilumitru mdà di Dyérusalém. Na di slengla magu, stulen ale gablà di kdee tamkel. Di lamla stulen gablà ani, fdadong Dyisas na fles magin dale. Kabay balù teenla, làla kenen dilè du nun smafang i fandamla.
Na snalekan ale, manan, “Tan i santulenyu gine kloyu magu?”
Na fanak ale, na too mlidù bawehla. Na talù satu di dale dnagit ku Klifas, manan, “Alò ge kè di kdee dad to mnè di Dyérusalém i là gmadè ku tan i mkel déén falami ani.”
Na manan di dale, “Tan i mkel kè?”
Na tmimel ale, manla, “I mkel di ku Dyisas mdà di Nasarét. Kenen satu tugad Dwata, too mtulus di kdee nimoan na manan, balù di fandam Dwata na lêman i dad to. Kabay i dad ulu i dad bà di Dwata na i tua gal mebe gito, bléla kenen di dad ganlal fye nukum di fati, na nlansangla kenen di krus. Én imen nawami ku kenen i msò gito dad bel Israél, bay tatlu butang klo i mkel kdee ani. Na nun fa teen i dademe libun gal magin gami i too gamtikeng. Gine too flafus, mdà ale salu di gulambang, bay làla teen i lawehan. Na di kasfulêla, manla nun kanteenla dad kasaligan Dwata fite di dale na tmulen dale tamték Dyisas. Taman nun dadememi déén salu di lbang, na teenla too glut gman i dad libun, bay làla teen Dyisas.”
Na man Dyisas di dale, “Tay, là gamu fulung faldam, na too gamu léét faglut i kdee gman dad tugad Dwata! Làla kè man, na là fakay ku là maflayam i Mgalék Dwata di kdee ani, di là fa kenen banlé i kdatahan?” Na tambù kenen di sulat Mosis na i dademe dad tugad Dwata, na nubadan di dale i kdee man di Tnalù Dwata gablà di kenen.
Na di kagdadongla di tukay banwe gusalula, fan fadlug Dyisas magu. Kabay klenla kenen, manla, “Mnè ge di safédmi, du taflabi sa nan, tafan sdaf i duh.” Taman fusuk kenen di gumnèla na mnè di safédla.
Na sudeng ale du kmaan. Na nwè Dyisas i fan, na dmasal kenen mlé fye di Dwata, na snatngaan i fan na blén di dale. Na dilèla kenen du malwa nan i fandamla. Kafnge én, tatì lana kenen di matala. Na stulen ale, manla, “Én kadì duen too minit nawata di laman stulen di gite di dalan, na di kubadan di gite i Tnalù Dwata.”
Na gasil ale tadag du samfulê di Dyérusalém, na teenla ditù i dad sfalò satu gal mlalò ku Dyisas na i dademe stifun di safédla. Na man i dad to stifun déén, “Too sa. Tamték i Amuito, na tafiten i kton di ku Simon Fiter!” Na santulen i lwe to gine i kdee teenla di dalan, na i kagkah kdilèla ku Dyisas fagu di kasatngaan i fan.


Na di klola fa samtulen ani, msut Dyisas na tadag déén di blengla, na manan, “I ktanak nawa mnè di gamu.”
Kabay taknal ale na too likò, du fandamla lmagol i teenla. Taman man Dyisas di dale, “Kan ku msamuk i fandamyu? Na kan ku lwe nawayu? Neyeyu i dad kmalgu na blìgu! Agu sa ani. Nagotyu agu na neyeyu, fye gadèyu ise agu lmagol. Landè ungad na tulan i lmagol kenen, gambet i teenyu di deg.”
Di kmanan dun ani, fiten dale i dad kmalan na blian. Kabay knean, gambet là ale faglut du too ale lehew na tikeng, taman snalekan ale, “Nun knaanyu dini kè?” Na banléla kenen nalaf tnatê, na nwean na knaanan di munala.
Kafnge én, manan di dale, “Ani sa dad gmangu di gamu di lamgu fa di safédyu, du tafgadègu di gamu, na là fakay ku là gdohò i kdee sulat gablà di deg di Tnalù Dwata, dunan di dad flalò sulat Mosis na sulat i dademe dad tugad Dwata, na sulat fa di Salmo.”
Na lanwan nan i fandamla du fye glabatla i Tnalù Dwata. Na manan di dale, “Nun tagsulat di Tnalù Dwata i gman, too maflayam i Mgalék Dwata, na fles mati, na lêman mték di gatlun duh, na gsulat fa, mdà di glal i dagitgu, tdò kadang di dad to di kdee dad banwe di tah tanà, na ku msal ale mdà di dad sasè nimòla, nlifet Dwata i dad salàla. Na dini di Dyérusalém i munayu gutamdò dun. Na gamu sa i tmulen ani du gamu i mite dun. Na dekgu dini i Mtiu Tulus tafakang Mà di gamu, bay fanak gamu dini di Dyérusalém, na fatan kenen du fye dnawatyu i gnagan blén gamu.”


Na faginan ale lamwà di Dyérusalém. Na di kagdadongla di Bétani, kayangan i dad sigalan na banlén ale kafye. Di slengan mlé dale kafye, mdà kenen, na magket kenen di langit. Na lkuad ale dmayen kenen, na kafnge én, samfulê ale di Dyérusalém, na too ale lehew. Na gal ale salu di Bong Gumnè Dwata, du mlé ale fye di kenen.

Yoka Luk 24