© "The copyright is jointly and equally held by:© 2018 The Word for the World International All Rights Reserved© 2018 North East Centre for Training and Research All Rights ReservedThis creative commons license allows for redistribution, commercial and noncommercial, as long as it is passed along unchanged and in whole, with credit to the original author. Requests for revision/remix may be sent to nectartraining@gmail.com or The Word For The World at www.twftw.org". ℗ 2022 Hosanna 

Tagin 2018 TWFTW (NT) Non-Drama

Tagin 2018 TWFTW (NT) Drama

<div class="version vid2448 iso6393tgj" data-vid="2448" data-iso6393="tgj">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Turnam gv Gamchar</div><div class="p"> 1Nyiamooku a pwklin madvbv, Gamchargo doocho toku; Gamchar v Pwknvyarnv gv lvkobv dooto, okv Gamchar hv Pwknvyarnvnyi akinnv. 2Gamchar v doorap lokv Pwknvyarnv gv lvkobv dooto. 3Ninyigv lokv Pwknvyarnv ogumvnwngnga pwklin to; pwknamyarnam mvnwng lokv ako daka ninyia dooma mogvrila mvnam go kaama. 4Gamchar v turnam#1:4 Gamchar v turnam gv linkubv rito; Vmalo Ogugo mvpvkudw v turnammv Gamchar a lvkobv gv linkubv rito, okv so turnam si nyi mvnwngnga loung naalwk jitoku. 5Loung ngv kanv lo ungto, okv kanv ngv hum vdwloka mvngit nyuma toku.</div><div class="p"> 6Pwknvyarnv ninyigv gindungpingko nga vngmuto, ho nyi gv aminv Jon, 7hv nyi vdwa loung gv lvkwngbv minji tvbv aatoku, vkvlvgavbolo mvnwngngv doin a tvvgvrikula mvngjwng rungdukubv. 8Hv atubongv loung mato; hv loung gv lvkwngbv minpa tvvbv aatoku. 9So si jvjvbv alvyachoknv loung ngv&#8212;Loung ngv nyiamooku lo aatoku okv nyi mvnwnglo ungtoku.</div><div class="p"> 10Gamchar v nyiamooku lo dootoku, okv ninyigv lokv Pwknvyarnv ogumvnwngnga mvlin bvka, vbvrijvka nyia nyi vdwv ninyia kaachin matoku. 11Hv atugv mooku lo aatoku, vbvritola ninyigv nyi vdwv ninyia naarwk sumato. 12Megonv, ninyia naarwk sutoku, okv ninyia mvngjwng toku; vkvlvgabv hv bunua Pwknvyarnv gv kuu bv ridubv tolwk toku. 13Hv manv, bunu tanyi anvabu gv kuu bvngchwng lokv Pwknvyarnv gv kuu bv rima; Pwknvyarnv atubongv bunugv abu bv rito. 14Gamchar v nyi gobv rilin toku okv jvjv okv aya ngv yarbing nvgobv rila, ngonugv dookurikulo doomingriming gvto. Ngonu ninyigv yunglit nama kaatoku, ninyigv Abu gv Kuunyilo hotum gubvrila yunglit nvgobv paanam a.</div><div class="p"> 15Jon ninyigv lvkwngbv japjito. Hv kapla minto, &#8220;So si ngoogv minam v ngo vbv minto, &#8216;Hv ngoogv kochinglo aadu, vbvritola hv nga kaiyanv, ogulvgavbolo hv nga bvngma dwbv doolin chonv.&#8217;&#8221;</div><div class="p"> 16Hv aya gv yarbing kolokv hv ngonu mvnwngnga achialvbv ayato, ako jidv gv aolo ako jitamla bokta jidv toku. 17Moses gv lokv Pwknvyarnv Pvbv nga jito, vbvritola jvjv okv aya ngv Jisu Kristo gvlokv aatoku. 18Yvvka Pwknvyarnvnyi kaakw nvgo kaama. Kuunyilo mvngchik, Abu gvlo doonv, Pwknvyarnvnyi akin kunv, hv bunua Pwknvyarnvnyi chimu toku.</div><div class="s">Jon baptist gv doin</div><div class="r">(Mt 3:1-12; Mk 1:1-8; Lk 3:1-18)</div><div class="p"> 19Jerusalem gv Jius rigvdakgvnv vdwv nyibu vkvla okv Lebait mego vngmuto, Jonnyi &#8220;No yvvla?&#8221; vla tvvka modubv.</div><div class="p"> 20Jon mirwk siji makv vmato, vbvritola pvbwng vrwngbv minpok jitoku, svbv minto: &#8220;Ngo Kristo ma.&#8221;</div><div class="p"> 21 # 
 Mt 3:1; Mk 1:4; Lk 3:1,2 Bunu tvkato, &#8220;Vbvrikunamv no yvvla? No Elija re?&#8221;</div><div class="p">&#8220;Ma, ngo ma,&#8221; Jon mirwkto.</div><div class="p">Bunu tvvkato, &#8220;No Nyijwk vri?&#8221;#1:21 NyijwkHo angv aalwk rungre vla Kristo gv aanamma minggo jinv gubv rire vla dvminkunamv </div><div class="p">Hv mirwkto, &#8220;Ma&#8221;.</div><div class="p"> 22&#8220;Vbvrikunamv ngonua minjilabv no yvvla,&#8221; bunu minto. &#8220;Ngonu ngonua kanamnv vdwa vngkur dukula mirwk jireku.&#8221; &#8220;No atubongv ogu vla minsu dunv?&#8221;</div><div class="p"> 23 # 
 Aij 40:3
 Jon Aijaya gv minam a mintaknvla mirwk sitoku:</div><div class="q1">&#8220;Chukrimooku lo nyi ako gokdungdo ho vlv angv ngo:</div><div class="q2">Ahtu gv lvgabv vngdubv lamtv nga sorchi dubv mvtoka!&#8221;</div><div class="p"> 24Gindungpingko vdwv, Parisis vdwgv vngmukunam vdwv, 25vbvrikunamv#1:25 gindungpingko vdwv&#8217; parisis vdwgv vngmukunaamv, vbvrikunamvVmaloparisis vdwgv vngmu kunam vdwv bunnu Jonnyi tvvkato, &#8220;No Kristo mabolo vmalo Elija vmaloka Nyijwk ngvma bolo, no ogubv Baptisma jidunv?&#8221;</div><div class="p"> 26Jon mirwkto, &#8220;Ngo nonua isi lokv Baptisma jidunv, vbvritola nonugv pingkolo nonugv chimanam nyi go daklinre. 27Hv ngoogv kochinglo aadungdu, vbvritola ngo ninyigv lvkiam gv oso haka taasok yadubvka riyin yama.&#8221;</div><div class="p"> 28So mvnwng si Betani lo ritoku Jordan svko gv doonyi chaalin kiambv, Jon gv baptisma jidung kolo.</div><div class="s">Pwknvyarnv gv Svlarkuu</div><div class="p"> 29Alu loogu nvnga Jon Jisunyi ninyi gvlo aadu bv kaagv rikula minto, &#8220;Hvvnv Pwknvyarnv gv svlarkuu#1:29 Svlarkuu: Krim nyi vdwv svlarkuu nga erin nvla rimur a mva sula svngnya toku ngv nyiamooku gv rimur a naa jikunv! 30So siinv ngoogv minamv, &#8216;Nyi go ngo kochingbv aadungdu, vbvritola hv nga kaiyanv, ogulvgavbolo hv nga bvngma dwbv doolinchonv.&#8217; 31Ngo chimato hv yvvdw, vbvritola ngo Israel nyi vdwa ninyia chimu dubv vla isi lokv baptisma jila aapvnv.&#8221;</div><div class="p"> 32Okv Jon so gv gaam sum minji toku: &#8220;Ngo nyido ao tolokv Darwknv Dow v taakw jvbv ritola nw gvlo jarlwkla doodubv kaatoku. 33Hvkunyi vla vjaklodvbv ngo chima toku, vbvritola Pwknvyarnv, yvvdw nga isi lokv baptisma jidubv aamunv, hv nga svbv minto, &#8216;No Dow a ila nyi ako gvlo doolwk dubv kaapare; ho nyi angv Darwknv Dow lokv baptisma jiji kunv.&#8217; 34Um ngo kaatoku,&#8221; Jon minto, &#8220;Okv ngo nonua minjidunv hv kunv Pwknvyarnv gv Kuunyilo ngv.&#8221;</div><div class="s">Jisu gv Lvbwlaksubv richonv</div><div class="p"> 35Alu loogu nvnga Jon ninyigv Lwbwlaksu anyia lvkobv hoka lvkodv dakdvto, 36Vdwlo hv Jisunyi hoka vngdubv kaapa tokudw hv minto, &#8220;Vnv Pwknvyarnv gv Svlarkuu ngv!&#8221;</div><div class="p"> 37Lwbwlaksu anyiv ninyia svbv mindubv tvvgvrikula Jisunyi lvkobv vngming gvtoku. 38Jisu dakur toku, okv bunua ninyia vngming gvdubv kaato, okv tvvkato, &#8220;Nonu ogugola kaadung dunv?&#8221;</div><div class="p">Bunu mirwkto, &#8220;Rabbi, no ogulo doodunv?&#8221; (Rabbi vnam si &#8220;Tamsarnv&#8221; vla minam v).</div><div class="p"> 39Hv mirwkto, &#8220;Aala kaatoka.&#8221; (Vbvrikunamv ho doonyiv tabv laku api baji toku.) Vkvlvgabv bunu ninyia vngming gvtoku okv ninyigv dooku a kaatoku, okv ho alu lo ninyia lvkobv doomwng gvtoku.</div><div class="p"> 40Bunugv lokv akonv Andriu, Saimon Pitar gv boru. 41Vjakgobv ninyigv achi Saimonnyi kaapa toku okv ninyia minto, &#8220;Ngonu Messianyi paapvku.&#8221; (So gv minam si &#8220;Kristo&#8221;) 42Vbvrikunamv hv Saimonnyi Jisu gvlo aagv toku. Jisu ninyia kaatoku okv minto, &#8220;No gv aminv Saimon Jon gv kuunyilo, vbvritola nam Kepas vla minreku.&#8221; (So minam si Pitar vla minam a akin v, &#8220;Vlwng lvngrak vnammv.&#8221;)</div><div class="s">Jisu Pilip nyila Natanaelnyi goknam</div><div class="p"> 43Alu loogu nvnga Jisu Galili lo vngdubv mvngtoku. Hv Pilipnyi kaapato okv ninyia minto, &#8220;Ngoogv lvkobv vngming gvlaak!&#8221; 44Pilip Betsaida lokv, Pitar gvla Andriu gv dooku banggu akin gvngv. 45Pilip Natanael nyika kaapa toku okv ninyia minpa toku, &#8220;Ngonu Pvbv kitaplo Moses gv lvknam okv nyijwk vdwgv lvkpanam nyi anga paapvku. Hv Jisu Josep gv kuunyilo, Najareth lokv.&#8221;</div><div class="p"> 46&#8220;Najareth lokv alvnv yikungyira ngv linla dunvdw?&#8221; vla Natanael tvkato.</div><div class="p">Pilip mirwkto, &#8220;Aato okv kaalak.&#8221;</div><div class="p"> 47Vdwlo Jisu Natanaelnyi ninyi gvlo aadukubv kaatokudw nyi ho gv lvgabv minto, &#8220;Siinv Israel nyi jvngv; ninyi gvlo mvvnamrunam go kaama!&#8221;</div><div class="p"> 48Natanael ninyia tvkato, &#8220;No nga oguaingbv chimpvnv?&#8221;</div><div class="p">Jisu mirwkto, &#8220;Pilip gv nam gokma dwbv ngo nam koksitkokrik singnv kolv lo doodubv kaato.&#8221;</div><div class="p"> 49Natanael mirwk sitoku, &#8220;Tamsarnv,&#8221; &#8220;No kunyi Pwknvyarnv gv Kuunyilo ngv! No Israel gv Dvbv ngvku!&#8221;</div><div class="p"> 50Jisu minto, &#8220;Nam ngo koksitkokrik singnv kolv lo kaapvnv vnam lokv no nga mvngjwng mvngdunvre? No sumka kaiyanv awgo kaapare!&#8221; 51#Atk 28:12 Okv nw bunua minto, &#8220;Ngo nonua jvjv nvnga minjidunv: nonu nyidomooku agi hv kokok dubv okv Pwknvyarnv gv Gindungpingko ngv Nyia Kuunyilo gvlo ila chaala ridubv kaapare.&#8221;</div>
 </div>
 </div>
</div>

Nyiamooku a pwklin madvbv, Gamchargo doocho toku; Gamchar v Pwknvyarnv gv lvkobv dooto, okv Gamchar hv Pwknvyarnvnyi akinnv. Gamchar v doorap lokv Pwknvyarnv gv lvkobv dooto. Ninyigv lokv Pwknvyarnv ogumvnwngnga pwklin to; pwknamyarnam mvnwng lokv ako daka ninyia dooma mogvrila mvnam go kaama. Gamchar v turnam gv linkubv rito, okv so turnam si nyi mvnwngnga loung naalwk jitoku. Loung ngv kanv lo ungto, okv kanv ngv hum vdwloka mvngit nyuma toku.
Pwknvyarnv ninyigv gindungpingko nga vngmuto, ho nyi gv aminv Jon, hv nyi vdwa loung gv lvkwngbv minji tvbv aatoku, vkvlvgavbolo mvnwngngv doin a tvvgvrikula mvngjwng rungdukubv. Hv atubongv loung mato; hv loung gv lvkwngbv minpa tvvbv aatoku. So si jvjvbv alvyachoknv loung ngv—Loung ngv nyiamooku lo aatoku okv nyi mvnwnglo ungtoku.
Gamchar v nyiamooku lo dootoku, okv ninyigv lokv Pwknvyarnv ogumvnwngnga mvlin bvka, vbvrijvka nyia nyi vdwv ninyia kaachin matoku. Hv atugv mooku lo aatoku, vbvritola ninyigv nyi vdwv ninyia naarwk sumato. Megonv, ninyia naarwk sutoku, okv ninyia mvngjwng toku; vkvlvgabv hv bunua Pwknvyarnv gv kuu bv ridubv tolwk toku. Hv manv, bunu tanyi anvabu gv kuu bvngchwng lokv Pwknvyarnv gv kuu bv rima; Pwknvyarnv atubongv bunugv abu bv rito. Gamchar v nyi gobv rilin toku okv jvjv okv aya ngv yarbing nvgobv rila, ngonugv dookurikulo doomingriming gvto. Ngonu ninyigv yunglit nama kaatoku, ninyigv Abu gv Kuunyilo hotum gubvrila yunglit nvgobv paanam a.
Jon ninyigv lvkwngbv japjito. Hv kapla minto, “So si ngoogv minam v ngo vbv minto, ‘Hv ngoogv kochinglo aadu, vbvritola hv nga kaiyanv, ogulvgavbolo hv nga bvngma dwbv doolin chonv.’”
Hv aya gv yarbing kolokv hv ngonu mvnwngnga achialvbv ayato, ako jidv gv aolo ako jitamla bokta jidv toku. Moses gv lokv Pwknvyarnv Pvbv nga jito, vbvritola jvjv okv aya ngv Jisu Kristo gvlokv aatoku. Yvvka Pwknvyarnvnyi kaakw nvgo kaama. Kuunyilo mvngchik, Abu gvlo doonv, Pwknvyarnvnyi akin kunv, hv bunua Pwknvyarnvnyi chimu toku.


Jerusalem gv Jius rigvdakgvnv vdwv nyibu vkvla okv Lebait mego vngmuto, Jonnyi “No yvvla?” vla tvvka modubv.
Jon mirwk siji makv vmato, vbvritola pvbwng vrwngbv minpok jitoku, svbv minto: “Ngo Kristo ma.”
Bunu tvkato, “Vbvrikunamv no yvvla? No Elija re?”
“Ma, ngo ma,” Jon mirwkto.
Bunu tvvkato, “No Nyijwk vri?”
Hv mirwkto, “Ma”.
“Vbvrikunamv ngonua minjilabv no yvvla,” bunu minto. “Ngonu ngonua kanamnv vdwa vngkur dukula mirwk jireku.” “No atubongv ogu vla minsu dunv?”
Jon Aijaya gv minam a mintaknvla mirwk sitoku:
“Chukrimooku lo nyi ako gokdungdo ho vlv angv ngo:
Ahtu gv lvgabv vngdubv lamtv nga sorchi dubv mvtoka!”
Gindungpingko vdwv, Parisis vdwgv vngmukunam vdwv, vbvrikunamv Jonnyi tvvkato, “No Kristo mabolo vmalo Elija vmaloka Nyijwk ngvma bolo, no ogubv Baptisma jidunv?”
Jon mirwkto, “Ngo nonua isi lokv Baptisma jidunv, vbvritola nonugv pingkolo nonugv chimanam nyi go daklinre. Hv ngoogv kochinglo aadungdu, vbvritola ngo ninyigv lvkiam gv oso haka taasok yadubvka riyin yama.”
So mvnwng si Betani lo ritoku Jordan svko gv doonyi chaalin kiambv, Jon gv baptisma jidung kolo.

Alu loogu nvnga Jon Jisunyi ninyi gvlo aadu bv kaagv rikula minto, “Hvvnv Pwknvyarnv gv svlarkuu ngv nyiamooku gv rimur a naa jikunv! So siinv ngoogv minamv, ‘Nyi go ngo kochingbv aadungdu, vbvritola hv nga kaiyanv, ogulvgavbolo hv nga bvngma dwbv doolinchonv.’ Ngo chimato hv yvvdw, vbvritola ngo Israel nyi vdwa ninyia chimu dubv vla isi lokv baptisma jila aapvnv.”
Okv Jon so gv gaam sum minji toku: “Ngo nyido ao tolokv Darwknv Dow v taakw jvbv ritola nw gvlo jarlwkla doodubv kaatoku. Hvkunyi vla vjaklodvbv ngo chima toku, vbvritola Pwknvyarnv, yvvdw nga isi lokv baptisma jidubv aamunv, hv nga svbv minto, ‘No Dow a ila nyi ako gvlo doolwk dubv kaapare; ho nyi angv Darwknv Dow lokv baptisma jiji kunv.’ Um ngo kaatoku,” Jon minto, “Okv ngo nonua minjidunv hv kunv Pwknvyarnv gv Kuunyilo ngv.”

Alu loogu nvnga Jon ninyigv Lwbwlaksu anyia lvkobv hoka lvkodv dakdvto, Vdwlo hv Jisunyi hoka vngdubv kaapa tokudw hv minto, “Vnv Pwknvyarnv gv Svlarkuu ngv!”
Lwbwlaksu anyiv ninyia svbv mindubv tvvgvrikula Jisunyi lvkobv vngming gvtoku. Jisu dakur toku, okv bunua ninyia vngming gvdubv kaato, okv tvvkato, “Nonu ogugola kaadung dunv?”
Bunu mirwkto, “Rabbi, no ogulo doodunv?” (Rabbi vnam si “Tamsarnv” vla minam v).
Hv mirwkto, “Aala kaatoka.” (Vbvrikunamv ho doonyiv tabv laku api baji toku.) Vkvlvgabv bunu ninyia vngming gvtoku okv ninyigv dooku a kaatoku, okv ho alu lo ninyia lvkobv doomwng gvtoku.
Bunugv lokv akonv Andriu, Saimon Pitar gv boru. Vjakgobv ninyigv achi Saimonnyi kaapa toku okv ninyia minto, “Ngonu Messianyi paapvku.” (So gv minam si “Kristo”) Vbvrikunamv hv Saimonnyi Jisu gvlo aagv toku. Jisu ninyia kaatoku okv minto, “No gv aminv Saimon Jon gv kuunyilo, vbvritola nam Kepas vla minreku.” (So minam si Pitar vla minam a akin v, “Vlwng lvngrak vnammv.”)

Alu loogu nvnga Jisu Galili lo vngdubv mvngtoku. Hv Pilipnyi kaapato okv ninyia minto, “Ngoogv lvkobv vngming gvlaak!” Pilip Betsaida lokv, Pitar gvla Andriu gv dooku banggu akin gvngv. Pilip Natanael nyika kaapa toku okv ninyia minpa toku, “Ngonu Pvbv kitaplo Moses gv lvknam okv nyijwk vdwgv lvkpanam nyi anga paapvku. Hv Jisu Josep gv kuunyilo, Najareth lokv.”
“Najareth lokv alvnv yikungyira ngv linla dunvdw?” vla Natanael tvkato.
Pilip mirwkto, “Aato okv kaalak.”
Vdwlo Jisu Natanaelnyi ninyi gvlo aadukubv kaatokudw nyi ho gv lvgabv minto, “Siinv Israel nyi jvngv; ninyi gvlo mvvnamrunam go kaama!”
Natanael ninyia tvkato, “No nga oguaingbv chimpvnv?”
Jisu mirwkto, “Pilip gv nam gokma dwbv ngo nam koksitkokrik singnv kolv lo doodubv kaato.”
Natanael mirwk sitoku, “Tamsarnv,” “No kunyi Pwknvyarnv gv Kuunyilo ngv! No Israel gv Dvbv ngvku!”
Jisu minto, “Nam ngo koksitkokrik singnv kolv lo kaapvnv vnam lokv no nga mvngjwng mvngdunvre? No sumka kaiyanv awgo kaapare!” Okv nw bunua minto, “Ngo nonua jvjv nvnga minjidunv: nonu nyidomooku agi hv kokok dubv okv Pwknvyarnv gv Gindungpingko ngv Nyia Kuunyilo gvlo ila chaala ridubv kaapare.”

Yoka Jon 1