Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s">Jesus Ure Ture Jorduwadowuge Ewure Kabi</div><div class="p"> 1&#268;a okwareu merire mitotu je Judeu doge ewaduwo tuwadae Pascoaji. Dukodire Jesus jorduware tudumode baruto kuri aino duji awu moto piji Tuo bagai. Jesus meardu kurire meartorure puduiwugei rugadu. Meardu kurire ei jii toro tuwimodedu ka.</div><div class="p"> 2Nou boe&#269;oji Jesus ure tumugudo ia bai tada togwagewo nou ture jorduwadowugebo. Bope doge eimijera ure tumeardae pegareu tugu Judas aorato tuwo Jesus maku boe eimijera pegareuge etai. Nou Judas uo iere Sim&#227;o Iscariotes. 3Jesus jorduware Pao Kurireu ure turaga jamedu boe maku pudai duji. Jorduware taregodure Pao Kurireu piji rugadu. Jorduware tudumode tuibagi Pao Kurireu ae pugeje duji. 4Dukodire Jesus ure turagojedo nou bai tada. Ure tugudau areia biaku epa tawuje tubiji. Ure ia areia kogudo tubeagajeje. 5Dukejere ure pobo redo pori piji ia meririto. Nono ure nou ture jorduwadowuge ewure kabi nou pobo tabo. Ure ewure kabi dukeje ure ekidudo nou areia tabo. 6Uiago Sim&#227;o Pedro bure kabi dukeje Sim&#227;o Pedro makore ji. Akore: &#8211; Ukare turugadu awo iwure kabi. Ikimijera nure aki kodi.</div><div class="p"> 7Jesus makore Sim&#227;o Pedroji. Akore: &#8211; Arduwakare irore jiboeji. Mare ia meri keje arduwamode.</div><div class="p"> 8Sim&#227;o Pedro akore: &#8211; Amodukare iwure kabi rugadu!</div><div class="p">Mare Jesus makore ji pugeje. Akore: &#8211; Imodukare awure kabi dukeje ire jorduwadowu modukare aki pugeje.</div><div class="p"> 9Nono Sim&#227;o Pedro akore: &#8211; &#268;a iwure kabi. Itaora kabi. Ikera kabi. Iamedu boe kabi.</div><div class="p"> 10Jesus akore: &#8211; Boe emode taimo dukeje ekabidure rugadu. Dukeje etumode tuibagi tuwai ka dukeje emodukare taimo pugeje kuri aino. Tu tuwurere emode kabi. Mare boe ewiri ji karega inagoino. Boe ero pegareu jire inagoino. &#268;a Pao Kurireu ure taro pegareu jamedu boe barigu tabiji. Mare ia imedu ro pegareu ure mitotu tagabo. Pao Kurireu ukare nou imedu ro pegareu barigu piji.</div><div class="p"> 11Jesus jorduware nou imeduji dukodire akoino. Nou imedu umode Jesus maku boe eimijera pegareuge etai. Jesus jorduware nou imedu romode pudui duji. Dujire akoino nou ture jorduwadowugei. Akore: &#8211; Pao Kurireu ukare ia imedu mitotu jedu ro pegareu barigu piji.</div><div class="p"> 12Jesus ure nou ture jorduwadowuge ewure kabi dukeje ure tugudau areia jamedu tugu pudui pugeje. Dukejere ure tumugudo tumuga ira keje. Nono akore: &#8211; Kodiba ire tawure kabi? Imode tarduwado. 13Tagagore &#8220;Jorduwareu&#8221; aino i. Tagagore &#8220;Boe Eimijera&#8221; aino i. Boe jokodu jire tagagoino. Ure Tarduwadowu nure imi rugadu. Tagimijera nure imi rugadu. 14Mare ire ido nono tadugaregere iwo tawure kabi. Tarowo nono iro mogadure. Dukodire tamode pu bure boe kabi. Tamode tagera maku puai. 15Ire tardudo iroji tarowo nono iro mogadure tarduwawo nuba taromode. 16Boe jokodu jire inagoino tai. Boe emeartorumodukare ia boe eimijera utugareji ukimijera kori. Boe emeartorumodukare ia boe eimijera utugare uture tugimijera bataru tabowuji tugimijera kori jamedu. 17Dukodi &#269;are tarodo nono iro mogadure jamedu. Taromode nono iro mogadure dukeje taegaregodumode tai. Boe pemegamode tai rugadu. Tawiagodukaba awu ire tarduwado jiwu iwadaru piji.</div><div class="p"> 18&#8211; Iorduware ire ikeragu jiwugei. Taire inagoino tarowo nono iro mogadure. Mare ia romodukare aino. Pao Kurireu ure boe ewie marigudu. Akore: &#8220;Okwagere itabowu jordu pegamode i.&#8221;#13.18 Awu bataru padure Salmo 41.9 keje. 19&#268;a itaidure iwo tawie tarduwawo nuba boe mode i duji. Nou iwadaru jetumode pudui dukeje tarduwamode i rugadu. Pao Kurireu nure imi rugadu. Itagedumodukare rugadu. 20Boe jokodu jire inagoino. Boe emode tugera upodo nou uture iwadaru tabowugebo enure tugera upodo itabo jamedu iragojere nou uture iwadaru tabowugebo kodi. Pao Kurireu koiare ure itarego boe etae rugadu. Dukodire boe emode tugera upodo itabo enure tugera upodo Pao Kurireu apo jamedu.</div><div class="s">Jesus Ure Ewie Tumagudumoduie Boe Eimijerage Pegareuge Etai</div><div class="p"> 21Jesus ure nou tuwadaru akedudo dukeje kiarigodure rugadu. Dukodire makore pugeje. Akore: &#8211; Iwo tawie boe remawuji. Ia tagi tamode imagu boe eimijerage pegareuge etai.</div><div class="p"> 22Nou Jesus ure jorduwadowuge etaiwore pui. Erduwakare kaba jiba Jesus akoino. 23Ia mugure Jesus meki. Jesus meardu kurire nou ture jorduwadowuji. 24Nono Sim&#227;o Pedro ure tugera nado ae utuwo pudae. Nono makore ji. Akore: &#8211; Anarado ji uwo pawie ioguduba jiba akoino.</div><div class="p"> 25Dukodire nou Jesus ure jorduwadowu ure tuburedo Jesusji tunarawo ji. Akore: &#8211; Ioguduba jiba akagoino?</div><div class="p"> 26Jesus akore: &#8211; Imode awu amireu pegodo nou iaboe kuru to dukeje imode maku ia imedu ai. Nou imedu koiare umode imagu boe eimijerage pegareuge etai.</div><div class="p">Nono Jesus ure tugeragu amireuji. Ure pegodo tagoino jiboe kuruto. Dukejere ure maku Judas ai. Nou Judas uo iere Sim&#227;o Iscariotes. 27Judas ure tugeragu nou amireuji dukeje bope doge eimijera pegareu Satan&#225;s ure turemo nou Judato. Jesus makore Judaji. Akore: &#8211; Ameardae pegareu towuje. Amara tabo!</div><div class="p"> 28Nouia rakojere Jesus apowuge erduwakare kodiba Jesus akoino Judaji. 29Marigudu Judas jeture nou eno dieroji. Dukodire iage emeardaere Judas umoduie akirodo ia boe ekeji pugeje. Iage emeardaere Judas umoduie ia diero maku marenarue doge etai.</div><div class="p"> 30Judas ure tugeragu nou amireuji dukeje uture epiji kuri je. Boe&#269;odure marigudu.</div><div class="s">Jesus Ure Erduwado Turo Maiwuji</div><div class="p"> 31Judas uture epiji dukeje Jesus makore nouia ture jorduwadowugei. Akore: &#8211; Boe erdunure aino Imedu Onaregedu pemegareuji. Awu imedu onaregedu nure imi. Inure Pao Kurireu ro pemegareu towuje dukodire boe erdumode Pao Kurireu ro pemegareuji rugadu. 32Iromode Pao Kurireu ro pemegareuji dukeje Pao Kurireu romode iro pemegareuji jamedu boe eiamedu boe erduwawo &#269;ero pemegareuji kuri aino rugadu ewo Pao Kurireu ie kurido rugadu kuri je rugadu. 33Tare nono itore emogadure. Iragojemodukare tagabo kuri aino pugeje. Tagaiwomode iwagai mare taroiwakare taduwo iregodaji. Ire Judeu doge eimijerage ewie nou inoduji marigudu. 34Mare imode ia taro maiwu maku tagai. Tameardu kurido pui. Tameardu kurido pui aino imeardu kurimoga tai dure. 35Tameardu kurimode pui dukeje boe erduwamode ire jorduwadowuge nuie tagi duji.</div><div class="s">Jesus Ure Ewie Pedro Makomode Jiboeji</div><div class="p"> 36Pedro makore Jesusji. Akore: &#8211; Kaiba akodumode?</div><div class="p">Jesus akore: &#8211; Akare arugadu atuwo itabo. Mare ia meri keje atumode toro itae.</div><div class="p"> 37Pedro akore: &#8211; Ikimijera nure aki. Itaidure ituwo akabo. Ire irugadu iwiwo amugato.</div><div class="p"> 38Jesus akore: &#8211; Iwo awie. Akare arugadu awiwo imugato. Awu boe&#269;oji akagomode arduwakaie i dumode pobe metia bokware rugadu. Dukeje &#269;are kagariga kudugodumode.</div>
 </div>
 </div>
</div>

Ča okwareu merire mitotu je Judeu doge ewaduwo tuwadae Pascoaji. Dukodire Jesus jorduware tudumode baruto kuri aino duji awu moto piji Tuo bagai. Jesus meardu kurire meartorure puduiwugei rugadu. Meardu kurire ei jii toro tuwimodedu ka.
Nou boečoji Jesus ure tumugudo ia bai tada togwagewo nou ture jorduwadowugebo. Bope doge eimijera ure tumeardae pegareu tugu Judas aorato tuwo Jesus maku boe eimijera pegareuge etai. Nou Judas uo iere Simão Iscariotes. Jesus jorduware Pao Kurireu ure turaga jamedu boe maku pudai duji. Jorduware taregodure Pao Kurireu piji rugadu. Jorduware tudumode tuibagi Pao Kurireu ae pugeje duji. Dukodire Jesus ure turagojedo nou bai tada. Ure tugudau areia biaku epa tawuje tubiji. Ure ia areia kogudo tubeagajeje. Dukejere ure pobo redo pori piji ia meririto. Nono ure nou ture jorduwadowuge ewure kabi nou pobo tabo. Ure ewure kabi dukeje ure ekidudo nou areia tabo. Uiago Simão Pedro bure kabi dukeje Simão Pedro makore ji. Akore: – Ukare turugadu awo iwure kabi. Ikimijera nure aki kodi.
Jesus makore Simão Pedroji. Akore: – Arduwakare irore jiboeji. Mare ia meri keje arduwamode.
Simão Pedro akore: – Amodukare iwure kabi rugadu!
Mare Jesus makore ji pugeje. Akore: – Imodukare awure kabi dukeje ire jorduwadowu modukare aki pugeje.
Nono Simão Pedro akore: – Ča iwure kabi. Itaora kabi. Ikera kabi. Iamedu boe kabi.
Jesus akore: – Boe emode taimo dukeje ekabidure rugadu. Dukeje etumode tuibagi tuwai ka dukeje emodukare taimo pugeje kuri aino. Tu tuwurere emode kabi. Mare boe ewiri ji karega inagoino. Boe ero pegareu jire inagoino. Ča Pao Kurireu ure taro pegareu jamedu boe barigu tabiji. Mare ia imedu ro pegareu ure mitotu tagabo. Pao Kurireu ukare nou imedu ro pegareu barigu piji.
Jesus jorduware nou imeduji dukodire akoino. Nou imedu umode Jesus maku boe eimijera pegareuge etai. Jesus jorduware nou imedu romode pudui duji. Dujire akoino nou ture jorduwadowugei. Akore: – Pao Kurireu ukare ia imedu mitotu jedu ro pegareu barigu piji.
Jesus ure nou ture jorduwadowuge ewure kabi dukeje ure tugudau areia jamedu tugu pudui pugeje. Dukejere ure tumugudo tumuga ira keje. Nono akore: – Kodiba ire tawure kabi? Imode tarduwado. Tagagore “Jorduwareu” aino i. Tagagore “Boe Eimijera” aino i. Boe jokodu jire tagagoino. Ure Tarduwadowu nure imi rugadu. Tagimijera nure imi rugadu. Mare ire ido nono tadugaregere iwo tawure kabi. Tarowo nono iro mogadure. Dukodire tamode pu bure boe kabi. Tamode tagera maku puai. Ire tardudo iroji tarowo nono iro mogadure tarduwawo nuba taromode. Boe jokodu jire inagoino tai. Boe emeartorumodukare ia boe eimijera utugareji ukimijera kori. Boe emeartorumodukare ia boe eimijera utugare uture tugimijera bataru tabowuji tugimijera kori jamedu. Dukodi čare tarodo nono iro mogadure jamedu. Taromode nono iro mogadure dukeje taegaregodumode tai. Boe pemegamode tai rugadu. Tawiagodukaba awu ire tarduwado jiwu iwadaru piji.
– Iorduware ire ikeragu jiwugei. Taire inagoino tarowo nono iro mogadure. Mare ia romodukare aino. Pao Kurireu ure boe ewie marigudu. Akore: “Okwagere itabowu jordu pegamode i.” Ča itaidure iwo tawie tarduwawo nuba boe mode i duji. Nou iwadaru jetumode pudui dukeje tarduwamode i rugadu. Pao Kurireu nure imi rugadu. Itagedumodukare rugadu. Boe jokodu jire inagoino. Boe emode tugera upodo nou uture iwadaru tabowugebo enure tugera upodo itabo jamedu iragojere nou uture iwadaru tabowugebo kodi. Pao Kurireu koiare ure itarego boe etae rugadu. Dukodire boe emode tugera upodo itabo enure tugera upodo Pao Kurireu apo jamedu.

Jesus ure nou tuwadaru akedudo dukeje kiarigodure rugadu. Dukodire makore pugeje. Akore: – Iwo tawie boe remawuji. Ia tagi tamode imagu boe eimijerage pegareuge etai.
Nou Jesus ure jorduwadowuge etaiwore pui. Erduwakare kaba jiba Jesus akoino. Ia mugure Jesus meki. Jesus meardu kurire nou ture jorduwadowuji. Nono Simão Pedro ure tugera nado ae utuwo pudae. Nono makore ji. Akore: – Anarado ji uwo pawie ioguduba jiba akoino.
Dukodire nou Jesus ure jorduwadowu ure tuburedo Jesusji tunarawo ji. Akore: – Ioguduba jiba akagoino?
Jesus akore: – Imode awu amireu pegodo nou iaboe kuru to dukeje imode maku ia imedu ai. Nou imedu koiare umode imagu boe eimijerage pegareuge etai.
Nono Jesus ure tugeragu amireuji. Ure pegodo tagoino jiboe kuruto. Dukejere ure maku Judas ai. Nou Judas uo iere Simão Iscariotes. Judas ure tugeragu nou amireuji dukeje bope doge eimijera pegareu Satanás ure turemo nou Judato. Jesus makore Judaji. Akore: – Ameardae pegareu towuje. Amara tabo!
Nouia rakojere Jesus apowuge erduwakare kodiba Jesus akoino Judaji. Marigudu Judas jeture nou eno dieroji. Dukodire iage emeardaere Judas umoduie akirodo ia boe ekeji pugeje. Iage emeardaere Judas umoduie ia diero maku marenarue doge etai.
Judas ure tugeragu nou amireuji dukeje uture epiji kuri je. Boečodure marigudu.

Judas uture epiji dukeje Jesus makore nouia ture jorduwadowugei. Akore: – Boe erdunure aino Imedu Onaregedu pemegareuji. Awu imedu onaregedu nure imi. Inure Pao Kurireu ro pemegareu towuje dukodire boe erdumode Pao Kurireu ro pemegareuji rugadu. Iromode Pao Kurireu ro pemegareuji dukeje Pao Kurireu romode iro pemegareuji jamedu boe eiamedu boe erduwawo čero pemegareuji kuri aino rugadu ewo Pao Kurireu ie kurido rugadu kuri je rugadu. Tare nono itore emogadure. Iragojemodukare tagabo kuri aino pugeje. Tagaiwomode iwagai mare taroiwakare taduwo iregodaji. Ire Judeu doge eimijerage ewie nou inoduji marigudu. Mare imode ia taro maiwu maku tagai. Tameardu kurido pui. Tameardu kurido pui aino imeardu kurimoga tai dure. Tameardu kurimode pui dukeje boe erduwamode ire jorduwadowuge nuie tagi duji.

Pedro makore Jesusji. Akore: – Kaiba akodumode?
Jesus akore: – Akare arugadu atuwo itabo. Mare ia meri keje atumode toro itae.
Pedro akore: – Ikimijera nure aki. Itaidure ituwo akabo. Ire irugadu iwiwo amugato.
Jesus akore: – Iwo awie. Akare arugadu awiwo imugato. Awu boečoji akagomode arduwakaie i dumode pobe metia bokware rugadu. Dukeje čare kagariga kudugodumode.

Yoka João 13