Logooli - 2008 KENBS (NT) Drama

<div class="version vid2888 iso6393rag" data-vid="2888" data-iso6393="rag">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Lisimuguka lia Yeso</div><div class="r">(Mat. 28:1-10; Mar. 16:1-8; Yoh. 20:1-10)</div><div class="p"> 1Mugambazuri mumavwevwe, ku lidiku lia Jumapili, avakali vazia ha kilindwa nivahira ivindu viafunya mwayu ivia vaali nivakwetegekiza. 2Vanyoola ligina ni ligomagominyiywi kutura ku kilindwa. 3Navuzwa lwa vingira mu kilindwa, sivanyoola mu muviri gwu Mwami Yeso mba. 4Lwa vaali ni vagenya ku yaga, nonoho, avandu vaviri vasingira navo, aviviika zinguvu zing'ereng'anu kuli loheni. 5Avakali yavo vizura uvuti vonene, nivinaminya mitwi jiavo hasi. Navuzwa avandu yavo vavavolera, &#8220;Kigira ki munyi mwenya uyu oveeye mwoyo mu avakuzu? 6Siaveeye hano mba, navuzwa usimuguki! Mwizurizi kuli wa yamuvolera, lwa yaali nakikiri ni munyi mu Galilaya. 7Yavoola ndi, &#8216;Gaduukiraa Mwana wa Adamu kuvikwa mu makono ga vandu avoni, nukumuvamba, navuzwa lidiku lia kavaga, alasimugukizwa kandi.&#8217; &#8221;</div><div class="p"> 8Avakali yavo vizuliza amakuva ga Yeso. 9Lwa virana kutura ha kilindwa, vazia nivavolera avaari likomi na mulala na avandi vosi vindu yivi viosi. 10Vaali Maria Magadalena, Joana na Maria mama wa Yakobo; yavo na avakali vandi harara vavoolera avatumwa vindu yivi</div><div class="p"> 11Navuzwa avatumwa sivasuuvira amakuva ga vakali yava mba, vagavugula vuzwa kuli zimbaka. [ 12Navuzwa Petero yasingira nanyagura nazia kuduuka ha kilindwa. Lwa yinama nahenza mu, yalora zinguvu ziekatani zilingiywi maku yirana yengo weve naagenyi kugaali nigekoleki.]</div><div class="s">Ologendo lwu kuzia Emausi</div><div class="r">(Mar. 16:12-13)</div><div class="p"> 13Lidiku zana yilio, vaviri ku valondi va Yeso vaali nivazizaa mu kadaala akalangwa Emausi nivaturaa Jerusalemi, ologendo lwi zikilomita likomi nandala. 14Vaali ni vavoolerana aveene kigira vindu viosi iviali nivimali kokoleka. 15Lwa vaali nivavolerana kandi nivatevanaa, Yeso yaza niyisunda himbi kuvo nagenda harara navo. 16Vamulola, navuzwa sivamumanyiriza mba. 17Yeso, yavateva, &#8220;Makuva ki ga muvooleranaa ni mugendaa?&#8221;</div><div class="p">Navo vasingira makiriri muligenya nomuvovereri.</div><div class="m"> 18Kunangwa, mulala kuvo, uwalangwa Kiliopa, yamuteeva, &#8220;Ni ivi weng'ine oveeye mugeni mu Jerusalemi, kandi utamanyi ivindu viakoleki yo mu madiku makekeeke gaaviti yaga?&#8221;</div><div class="p"> 19Yeso yamuteeva, &#8220;Ni vindu ki?&#8221;</div><div class="p">Navo vativura, &#8220;Vindu viekoleka ku Yeso wa Nazareti, uwaali muporofeti, wizingulu ziu kokora nokovoora imbiri wa Nyasaye kandi imbiri wa vandu vosi. 20Avasaalisi vanene na vamiihi viitu vamuzaama mu makono gu mwami wa Varumi aduuki kumukalagira likuza, ma nukumuvamba. 21Navuzwa kunyi kwaali ni kwasuuvira ndi, niyie ulihonyia Isiraeli. Kuvita goosi, kutura ing'inga yi vindu yivi viakolwa, kalunu ni lidiku lia kavaga. 22Harara na agene yago, avalala ku vakali vu muganda gwitu vamali kokogenyia ligali. Vakiviiyi ha kilindwa mugambazuri ligali, 23navuzwa si vanyooye muviri gwigwe mba. Virani vwangu nivavoora ndi vamali kokora malola gi zingelosi vaavavooleye ndi aveeye mwoyo. 24Avalala kukunyi vazia ha kilindwa nivanyoora kuli avakali vaali nivavooye, navuzwa sivalola Yeso mba.&#8221;</div><div class="p"> 25Yeso yavavolera, &#8220;Avandu avasiru munyi, avimioyo jiveeye midinyu kusuuvira viosi via vaporofeti vavoola! 26Si vwali vulahi Kristo asalirizwi mu vindu yivi viosi mukwingira mu vukumi vwivwe mwigulu harara na Nyasaye?&#8221; 27Yaatanga kuvavuulira kutangira mu vitabu via Musa nu mu mang'oda ga vaporofeti vosi kuli gang'odwa mu, kigira oyo.</div><div class="p"> 28Kunangwa lwa vaduuka ahimbi ku kadaala ka vazizaa mu, Yeso yaloleka kuli uzizagilira nologendo. 29Navuzwa vamugoonya ligali nivavoora, &#8220;Ogone nikunyi kigira ing'inga iviti nuvudiku vuduuki.&#8221; Kunangwa Yeso yazia niyingira mu kadaala yako, nasoosa navo.</div><div class="p"> 30Lwa yikala kulia viukulia harara navo, yavugula mugadi, nasandiza Nyasaye, nagomeganyia kandi natanga kuvaha. 31Zimoni ziavo ziakunulwa ni vamumanyiriza, navuzwa yamanya natura kuvo. 32Vateevana mulala nu wundi, &#8220;Mioyo jitu, sijali nuvusangali vonene lwa komolomangi naye nikogenda kunzira, nakwivaliraa mang'oda matakatifu?&#8221;</div><div class="p"> 33Vaatura vwangu nivirana Jerusalemi; nivanyoolayo aviigi va Yeso avaari likomi na mulala harara na vandi vavaali navo. 34Vavoola, &#8220;Gaveeye agiligali, Mwami umali kusimuguka kandi umali kololeka ku Simoni.&#8221; 35Avaari vaviri yavo, vavivaalira vindu viakoleka kunzira, kandi kuli vamanyiriza Yeso lwa yameganyia mugadi.</div><div class="s">Yeso yaloleka ku aviigi veve</div><div class="r">(Mat. 28:16-20; Mar. 16:14-18; Yoh. 20:19-23; Vik. 1:6-8)</div><div class="p"> 36Lwa vaali nivakevoola yaga, Yeso mwene yasingira hagati haavo navavoolera, &#8220;Mirembe ku munyi.&#8221;</div><div class="p"> 37Veegosa ligali nivatia nivaganagana ndi valora kigiingi. 38Navuzwa Yeso yavavolera, &#8220;Kigira ki mwegosaa kandi kigira ki muhayahayiza mu mioyo jinyu? 39Heenzi ku makono gange nivirenge viange. Ninzi mwene! Mundiri nalalola ndi kigingi sikeveeye nizinyama kandi vigumba mba, kuli muloraa inzi nimbeeye navio da.&#8221; [ 40Lwa yaali niyakamara kovora yaga, yavamanyia makono geege ni virenge vivie.]</div><div class="p"> 41Lwa vavura kusuuvira kigira vuyanzi ni ligenya liavo, ya vavoolera, &#8220;Muveeye ku hano nikindu choosi chamulia?&#8221; 42Vamuha kedonye chi isuzi inyuminyi. 43Yeso yakivugula naakilia imbiri wavo vosi nivalora.</div><div class="p"> 44Yavavolera, &#8220;Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.&#8221;</div><div class="p"> 45Maku Yeso yakunura zing'anagani ziavo vaduuki kumanya mang'oda matakatifu. 46Yavavolera &#8220;Yaga nigo agang'odwa, &#8216;Kristo aliitwa na asimuguki kutura mu vakuzu ku lidiku lia kavaga,&#8217; 47kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi. 48Munyi muveeye avalolekizi vi vindu yivi. 49Henza, inzi mwene ndamutumira Roho Mutakatifu wa Baba yandaga, navuzwa kuduuka munyi mulindi mu lidaala kuduuka lwi zinguru yizi kutura mwigulu, ziika ku munyi.&#8221;</div><div class="s">Yeso Avugulwa kuzia mwigulu</div><div class="r">(Mar. 16:19-20; Vik. 1:1-11)</div><div class="p"> 50Maku yaavimilira kutura ichova wi lidaala linene kuduuka Bezani, yaginga makono geege yigulu navagasiza. 51Lwa yaali navagasiza, yatura kuvo kandi yahilwa mwigulu. 52Vaamusigamira ma nivirana Jerusalemi, nivizuuyi uvusangari vonene; 53kandi vatumikira vwiyangu vwavo vwosi mu Litembeli nivahaana lisandiza ku Nyasaye.</div>
 </div>
 </div>
</div>

Mugambazuri mumavwevwe, ku lidiku lia Jumapili, avakali vazia ha kilindwa nivahira ivindu viafunya mwayu ivia vaali nivakwetegekiza. Vanyoola ligina ni ligomagominyiywi kutura ku kilindwa. Navuzwa lwa vingira mu kilindwa, sivanyoola mu muviri gwu Mwami Yeso mba. Lwa vaali ni vagenya ku yaga, nonoho, avandu vaviri vasingira navo, aviviika zinguvu zing'ereng'anu kuli loheni. Avakali yavo vizura uvuti vonene, nivinaminya mitwi jiavo hasi. Navuzwa avandu yavo vavavolera, “Kigira ki munyi mwenya uyu oveeye mwoyo mu avakuzu? Siaveeye hano mba, navuzwa usimuguki! Mwizurizi kuli wa yamuvolera, lwa yaali nakikiri ni munyi mu Galilaya. Yavoola ndi, ‘Gaduukiraa Mwana wa Adamu kuvikwa mu makono ga vandu avoni, nukumuvamba, navuzwa lidiku lia kavaga, alasimugukizwa kandi.’ ”
Avakali yavo vizuliza amakuva ga Yeso. Lwa virana kutura ha kilindwa, vazia nivavolera avaari likomi na mulala na avandi vosi vindu yivi viosi. Vaali Maria Magadalena, Joana na Maria mama wa Yakobo; yavo na avakali vandi harara vavoolera avatumwa vindu yivi
Navuzwa avatumwa sivasuuvira amakuva ga vakali yava mba, vagavugula vuzwa kuli zimbaka. [ Navuzwa Petero yasingira nanyagura nazia kuduuka ha kilindwa. Lwa yinama nahenza mu, yalora zinguvu ziekatani zilingiywi maku yirana yengo weve naagenyi kugaali nigekoleki.]


Lidiku zana yilio, vaviri ku valondi va Yeso vaali nivazizaa mu kadaala akalangwa Emausi nivaturaa Jerusalemi, ologendo lwi zikilomita likomi nandala. Vaali ni vavoolerana aveene kigira vindu viosi iviali nivimali kokoleka. Lwa vaali nivavolerana kandi nivatevanaa, Yeso yaza niyisunda himbi kuvo nagenda harara navo. Vamulola, navuzwa sivamumanyiriza mba. Yeso, yavateva, “Makuva ki ga muvooleranaa ni mugendaa?”
Navo vasingira makiriri muligenya nomuvovereri.
Kunangwa, mulala kuvo, uwalangwa Kiliopa, yamuteeva, “Ni ivi weng'ine oveeye mugeni mu Jerusalemi, kandi utamanyi ivindu viakoleki yo mu madiku makekeeke gaaviti yaga?”
Yeso yamuteeva, “Ni vindu ki?”
Navo vativura, “Vindu viekoleka ku Yeso wa Nazareti, uwaali muporofeti, wizingulu ziu kokora nokovoora imbiri wa Nyasaye kandi imbiri wa vandu vosi. Avasaalisi vanene na vamiihi viitu vamuzaama mu makono gu mwami wa Varumi aduuki kumukalagira likuza, ma nukumuvamba. Navuzwa kunyi kwaali ni kwasuuvira ndi, niyie ulihonyia Isiraeli. Kuvita goosi, kutura ing'inga yi vindu yivi viakolwa, kalunu ni lidiku lia kavaga. Harara na agene yago, avalala ku vakali vu muganda gwitu vamali kokogenyia ligali. Vakiviiyi ha kilindwa mugambazuri ligali, navuzwa si vanyooye muviri gwigwe mba. Virani vwangu nivavoora ndi vamali kokora malola gi zingelosi vaavavooleye ndi aveeye mwoyo. Avalala kukunyi vazia ha kilindwa nivanyoora kuli avakali vaali nivavooye, navuzwa sivalola Yeso mba.”
Yeso yavavolera, “Avandu avasiru munyi, avimioyo jiveeye midinyu kusuuvira viosi via vaporofeti vavoola! Si vwali vulahi Kristo asalirizwi mu vindu yivi viosi mukwingira mu vukumi vwivwe mwigulu harara na Nyasaye?” Yaatanga kuvavuulira kutangira mu vitabu via Musa nu mu mang'oda ga vaporofeti vosi kuli gang'odwa mu, kigira oyo.
Kunangwa lwa vaduuka ahimbi ku kadaala ka vazizaa mu, Yeso yaloleka kuli uzizagilira nologendo. Navuzwa vamugoonya ligali nivavoora, “Ogone nikunyi kigira ing'inga iviti nuvudiku vuduuki.” Kunangwa Yeso yazia niyingira mu kadaala yako, nasoosa navo.
Lwa yikala kulia viukulia harara navo, yavugula mugadi, nasandiza Nyasaye, nagomeganyia kandi natanga kuvaha. Zimoni ziavo ziakunulwa ni vamumanyiriza, navuzwa yamanya natura kuvo. Vateevana mulala nu wundi, “Mioyo jitu, sijali nuvusangali vonene lwa komolomangi naye nikogenda kunzira, nakwivaliraa mang'oda matakatifu?”
Vaatura vwangu nivirana Jerusalemi; nivanyoolayo aviigi va Yeso avaari likomi na mulala harara na vandi vavaali navo. Vavoola, “Gaveeye agiligali, Mwami umali kusimuguka kandi umali kololeka ku Simoni.” Avaari vaviri yavo, vavivaalira vindu viakoleka kunzira, kandi kuli vamanyiriza Yeso lwa yameganyia mugadi.


Lwa vaali nivakevoola yaga, Yeso mwene yasingira hagati haavo navavoolera, “Mirembe ku munyi.”
Veegosa ligali nivatia nivaganagana ndi valora kigiingi. Navuzwa Yeso yavavolera, “Kigira ki mwegosaa kandi kigira ki muhayahayiza mu mioyo jinyu? Heenzi ku makono gange nivirenge viange. Ninzi mwene! Mundiri nalalola ndi kigingi sikeveeye nizinyama kandi vigumba mba, kuli muloraa inzi nimbeeye navio da.” [ Lwa yaali niyakamara kovora yaga, yavamanyia makono geege ni virenge vivie.]
Lwa vavura kusuuvira kigira vuyanzi ni ligenya liavo, ya vavoolera, “Muveeye ku hano nikindu choosi chamulia?” Vamuha kedonye chi isuzi inyuminyi. Yeso yakivugula naakilia imbiri wavo vosi nivalora.
Yavavolera, “Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.”
Maku Yeso yakunura zing'anagani ziavo vaduuki kumanya mang'oda matakatifu. Yavavolera “Yaga nigo agang'odwa, ‘Kristo aliitwa na asimuguki kutura mu vakuzu ku lidiku lia kavaga,’ kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi. Munyi muveeye avalolekizi vi vindu yivi. Henza, inzi mwene ndamutumira Roho Mutakatifu wa Baba yandaga, navuzwa kuduuka munyi mulindi mu lidaala kuduuka lwi zinguru yizi kutura mwigulu, ziika ku munyi.”


Maku yaavimilira kutura ichova wi lidaala linene kuduuka Bezani, yaginga makono geege yigulu navagasiza. Lwa yaali navagasiza, yatura kuvo kandi yahilwa mwigulu. Vaamusigamira ma nivirana Jerusalemi, nivizuuyi uvusangari vonene; kandi vatumikira vwiyangu vwavo vwosi mu Litembeli nivahaana lisandiza ku Nyasaye.

Yoka LUKA 24