If you have would like a copy of this version please contact info@davarpartners.org

Ekegusii Revised Bible

<div class="version vid2940 iso6393guz" data-vid="2940" data-iso6393="guz">
 <div class="book bkGEN">
 <div class="chapter ch26" data-usfm="GEN.26">
 <div class="label">26</div><div class="s1">Isaka okomenya Gerari na Beeri&#8208;Seba</div><div class="p"> 1Bono enchara yachete ase ense eria, nenchara y&#8217;ogokumia, tari eria yachete ritang&#8217;ani ase engaki ya Aburaamu. Erio Isaka agachiera Abimeleki, omorwoti bw&#8217;Abafilisti, aria Gerari. 2Na Omonene akaorokera Isaka, akamoteebia: &#8220;Totirimboka gochia Misiri, korende omenye ase ense eye ndakworokererie. 3#Omoch 22:16-18Obe buna omomenyi ase ense eye, na inche nimbe amo naye, ningosesenie; naki ninkoe aye na ororeeria rwao chinse echi chionsi, na ning&#8217;ikeranie eira yane eyio natianete ase Aburaamu iso. 4Nimente ororeeria rwao robe oronge buna ching&#8217;enang&#8217;eni chia igoro; ne chinse echi chionsi ninchiee ororeeria rwao; na ase ororeeria rwao ebisaku bionsi bi&#8217;ense inabisesenigwe, 5ekiagera Aburaamu naigwerete amang&#8217;ana aane, akabwata aya namochiigete, na amachiiko aane, na aya narigete, amo nogoteebereria kwane.&#8221;</div><div class="p"> 6Ase igo, Isaka akamenya Gerari. 7#Omoch 12:13; 20:2Ekero abanto b&#8217;aase aria baamoboretie amang&#8217;ana igoro ya mokaye, akabateebia: &#8220;Oyo &#8217;mosubati ominto.&#8221; Naki nigo oboete goteeba ng&#8217;a ere &#8217;mokaye, akarengereria ng&#8217;a abanto b&#8217;aase aria mbaabaise komoita ase engencho ya Rebeka, ekiagera ere areenge omonyakieni. 8Ekero konya bamenyire aria engaki entambe, Abimeleki, omorwoti bw&#8217;Abafilisti, akarigereria korwa ase ekebao, akarora Isaka bakogosoria na Rebeka mokaye. 9Erio Abimeleki akarangeria Isaka, akamobooria: &#8220;Amaene, oyo &#8217;mokao? Naki gwakora ogateeba ng&#8217;a oyo mosubati omino?&#8221;</div><div class="p">Isaka akamoiraneria: &#8220;Nigo nareengereretie ng&#8217;a, aande nimbaise goitwa ase engencho yaye.&#8221;</div><div class="p"> 10Abimeleki akamobooria: &#8220;Inki eke gwatokoreire iga? Aande monto onde oito areenge gochia araare na mokao, na aye anga nigo gwatobeka ase okomocha.&#8221; 11Ase ayio Abimeleki agatianera abanto bonsi, akabateebia: &#8220;Monto onde bwensi aise gokuna omonto oyo ore aa, gose mokaye, goika aitwe.&#8221;</div><div class="p"> 12Isaka agasimeka endagera ase ense eria, akagesa ase omwaka oyio ara rigana, n&#8217;Omonene akamosesenia. 13Omonto oyio akaba ne chinguru, akagenderera komenteka gokina, goika akaba nokobua okonene. 14Nigo abeete nenibo y&#8217;amaicho e ching&#8217;ondi ne chiombe, na abasomba abange. Ase igo, Abafirisiti bakamororera ribero. 15(Ne chinsoko chiria chionsi abasomba ba Aburaamu ise Isaka baremete, Abafirisiti konya bachitichire namaroba.)</div><div class="p"> 16Erio Abimeleki agateebia Isaka: &#8220;Karue ase tore, ekiagera aye kwamenyire ne chinguru chinyinge gotobua.&#8221;</div><div class="p"> 17Ase igo, Isaka akang&#8217;anya korwa aroro, agatoora ase ense eraire ya Gerari, akamenya aroro. 18Isaka akarubora chinsoko chiria naende, echio chiaremetwe ase engaki ya Aburaamu ise, ekiagera Abafirisiti konya bachitichire magega Aburaamu g akuure. Isaka agachiroka buna ise achirogete ritang&#8217;ani.</div><div class="p"> 19Abasomba ba Isaka bakarema agwo ase ense eraire, bakanyora entuboka y&#8217;amaache. 20Abarisia b&#8217;ensemo ya Gerari bakaba bakwomana nabarisia ba Isaka, bagoteeba: &#8220;Amache aya nayaito.&#8221; Ase igo, Isaka Akayeroka entuboka eria Eseki, ekiagera bamwomaneretie aroro.</div><div class="p"> 21Naende bakarema, bakanyora entuboka ende, nero bakayiomanera. Ase igo, akayeroka Sitina#26:21 Sitina: engencho yaye: eriomana. 22Akaimoka korwa agwo, akagenda akarema akanyora entuboka ende; eyio ero tibayiomanera. Ase ayio akayeroka Rehoboti#26:22 Rehoboti: engencho yaye: aase aagare, akabora: &#8220;Naki Omonene otoeire ense engare, na toragenderere komenteka ase ense eye.&#8221;</div><div class="p"> 23Isaka akarua aroro, agatiira gochia Beeri&#8208;Seba. 24Ase obotuko obwo obw&#8217;Omonene akamoorokera, akamoteebia: &#8220;Inche ninche Nyasae o Aburaamu iso, tibwoboa, ekiagera nigo inde amo naye, ningosesenie aye amo na ororeeria rwao, ase engencho y&#8217;omosomba one Aburaamu.&#8221; 25Na Isaka akaagacha egesasiimero aroro, akarangeria erieta ri&#8217;Omonene, agatenenia chiema chiaye aroro. Na agwo abasomba baye bakarema, bakanyora entuboka.</div><div class="s1">Isaka na Abimeleki bagokora okobwatana</div><div class="p"> 26 # 
 Omoch 21:22
 Erio Abimeleki akarwa Gerari, amo n&#8217;Ahusati, omosemia oye ase obogaambi, na Pikoli, oria omochiki omonene bw&#8217;abarwani baye, bagachiera Isaka. 27Na Isaka akababooria: &#8220;Inki mwacha korigia aa bwone, na ekero nare nainwe nigo mongechete, naende mwanseretie korwa seino?&#8221;</div><div class="p"> 28Bakamoiraneria: &#8220;Amaene, twarorire maiso marore ng&#8217;a Omonene nigo are amo naye. Na nigo torengereretie ng&#8217;a totiananie na tokore okobwatana naye ng&#8217;a, 29bono togotokorera bobe bonde, buna intwe totagokunete, gose totagokorerete bobe, otatiga amaya oka; tokagotiga okagenda bwoo nomorembe. Naye bono nomosesenigwa Omonene.&#8221; 30Erio Isaka akabakorera omoyega, bakaria na bakanywa. 31Bakaimoka mambia chuni, bagatianania barabwo ase barabwo; na Isaka akabakooba, na barabwo bakarua asare, bakagenda nomorembe.</div><div class="p"> 32Ase rituko riria riria abasomba ba Isaka bagaacha, bakamorentera amang&#8217;ana igoro y&#8217;entuboka eria banyorete, bakamoteebia: &#8220;Twanyorire amaache.&#8221; 33Ere akayeroka Seba; na ase engencho eyio omochie oyio nigo okorokwa Beeri&#8208;Seba goika reero iga.</div><div class="s1">Esau okonyuoma abakungu babere</div><div class="p"> 34Ekero Esau gaika nemiaka emerongo ene akanyuoma Yuditi, omoiseke o Beeri, Omohiti, na Basemati, omoiseke o Eloni, nere n&#8217;Omohiti. 35Barabwo babere bagakora obogima bwa Isaka na Rebeka koba nobororo obonge.</div>
 </div>
 </div>
</div>

Bono enchara yachete ase ense eria, nenchara y’ogokumia, tari eria yachete ritang’ani ase engaki ya Aburaamu. Erio Isaka agachiera Abimeleki, omorwoti bw’Abafilisti, aria Gerari. Na Omonene akaorokera Isaka, akamoteebia: “Totirimboka gochia Misiri, korende omenye ase ense eye ndakworokererie. Obe buna omomenyi ase ense eye, na inche nimbe amo naye, ningosesenie; naki ninkoe aye na ororeeria rwao chinse echi chionsi, na ning’ikeranie eira yane eyio natianete ase Aburaamu iso. Nimente ororeeria rwao robe oronge buna ching’enang’eni chia igoro; ne chinse echi chionsi ninchiee ororeeria rwao; na ase ororeeria rwao ebisaku bionsi bi’ense inabisesenigwe, ekiagera Aburaamu naigwerete amang’ana aane, akabwata aya namochiigete, na amachiiko aane, na aya narigete, amo nogoteebereria kwane.”
Ase igo, Isaka akamenya Gerari. Ekero abanto b’aase aria baamoboretie amang’ana igoro ya mokaye, akabateebia: “Oyo ’mosubati ominto.” Naki nigo oboete goteeba ng’a ere ’mokaye, akarengereria ng’a abanto b’aase aria mbaabaise komoita ase engencho ya Rebeka, ekiagera ere areenge omonyakieni. Ekero konya bamenyire aria engaki entambe, Abimeleki, omorwoti bw’Abafilisti, akarigereria korwa ase ekebao, akarora Isaka bakogosoria na Rebeka mokaye. Erio Abimeleki akarangeria Isaka, akamobooria: “Amaene, oyo ’mokao? Naki gwakora ogateeba ng’a oyo mosubati omino?”
Isaka akamoiraneria: “Nigo nareengereretie ng’a, aande nimbaise goitwa ase engencho yaye.”
Abimeleki akamobooria: “Inki eke gwatokoreire iga? Aande monto onde oito areenge gochia araare na mokao, na aye anga nigo gwatobeka ase okomocha.” Ase ayio Abimeleki agatianera abanto bonsi, akabateebia: “Monto onde bwensi aise gokuna omonto oyo ore aa, gose mokaye, goika aitwe.”
Isaka agasimeka endagera ase ense eria, akagesa ase omwaka oyio ara rigana, n’Omonene akamosesenia. Omonto oyio akaba ne chinguru, akagenderera komenteka gokina, goika akaba nokobua okonene. Nigo abeete nenibo y’amaicho e ching’ondi ne chiombe, na abasomba abange. Ase igo, Abafirisiti bakamororera ribero. (Ne chinsoko chiria chionsi abasomba ba Aburaamu ise Isaka baremete, Abafirisiti konya bachitichire namaroba.)
Erio Abimeleki agateebia Isaka: “Karue ase tore, ekiagera aye kwamenyire ne chinguru chinyinge gotobua.”
Ase igo, Isaka akang’anya korwa aroro, agatoora ase ense eraire ya Gerari, akamenya aroro. Isaka akarubora chinsoko chiria naende, echio chiaremetwe ase engaki ya Aburaamu ise, ekiagera Abafirisiti konya bachitichire magega Aburaamu g akuure. Isaka agachiroka buna ise achirogete ritang’ani.
Abasomba ba Isaka bakarema agwo ase ense eraire, bakanyora entuboka y’amaache. Abarisia b’ensemo ya Gerari bakaba bakwomana nabarisia ba Isaka, bagoteeba: “Amache aya nayaito.” Ase igo, Isaka Akayeroka entuboka eria Eseki, ekiagera bamwomaneretie aroro.
Naende bakarema, bakanyora entuboka ende, nero bakayiomanera. Ase igo, akayeroka Sitina. Akaimoka korwa agwo, akagenda akarema akanyora entuboka ende; eyio ero tibayiomanera. Ase ayio akayeroka Rehoboti, akabora: “Naki Omonene otoeire ense engare, na toragenderere komenteka ase ense eye.”
Isaka akarua aroro, agatiira gochia Beeri‐Seba. Ase obotuko obwo obw’Omonene akamoorokera, akamoteebia: “Inche ninche Nyasae o Aburaamu iso, tibwoboa, ekiagera nigo inde amo naye, ningosesenie aye amo na ororeeria rwao, ase engencho y’omosomba one Aburaamu.” Na Isaka akaagacha egesasiimero aroro, akarangeria erieta ri’Omonene, agatenenia chiema chiaye aroro. Na agwo abasomba baye bakarema, bakanyora entuboka.

Erio Abimeleki akarwa Gerari, amo n’Ahusati, omosemia oye ase obogaambi, na Pikoli, oria omochiki omonene bw’abarwani baye, bagachiera Isaka. Na Isaka akababooria: “Inki mwacha korigia aa bwone, na ekero nare nainwe nigo mongechete, naende mwanseretie korwa seino?”
Bakamoiraneria: “Amaene, twarorire maiso marore ng’a Omonene nigo are amo naye. Na nigo torengereretie ng’a totiananie na tokore okobwatana naye ng’a, bono togotokorera bobe bonde, buna intwe totagokunete, gose totagokorerete bobe, otatiga amaya oka; tokagotiga okagenda bwoo nomorembe. Naye bono nomosesenigwa Omonene.” Erio Isaka akabakorera omoyega, bakaria na bakanywa. Bakaimoka mambia chuni, bagatianania barabwo ase barabwo; na Isaka akabakooba, na barabwo bakarua asare, bakagenda nomorembe.
Ase rituko riria riria abasomba ba Isaka bagaacha, bakamorentera amang’ana igoro y’entuboka eria banyorete, bakamoteebia: “Twanyorire amaache.” Ere akayeroka Seba; na ase engencho eyio omochie oyio nigo okorokwa Beeri‐Seba goika reero iga.

Ekero Esau gaika nemiaka emerongo ene akanyuoma Yuditi, omoiseke o Beeri, Omohiti, na Basemati, omoiseke o Eloni, nere n’Omohiti. Barabwo babere bagakora obogima bwa Isaka na Rebeka koba nobororo obonge.

Yoka Omochakano 26