If you would like a copy of this version please contact info@davaraudiobibles.org

ቦርኖን ሃንድር ታራ

<div class="version vid3252 iso6393bwo" data-vid="3252" data-iso6393="bwo">
 <div class="book bkJHN">
 <div class="chapter ch6" data-usfm="JHN.6">
 <div class="label">6</div><div class="s">Iyesus &#250;ts kum ashuwotsi b&#769;maanzitsok'o</div><div class="r">(Mat. 14:13-21; Mar. 6:30-44; Luk'. 9:10-17)</div><div class="p"> 1Maniyereokon Iyesus Gelil aats k'aroniye bak'ets b&#769;kimi, manwere T'ibriyados aats k'aroniye. 2Ay ashuwots Iyesus shodtswotsi kashit b&#769;k'alts adits keewo bobek'tsosh b&#769;shuutso shoy dek't bosha'i. 3Iyesus guri abaats kesht manoke b&#769; danifwotsnton beeb&#769;dek'i. 4Ayhudiwots fazigi baaliyo manoor t'intni b&#769;tesh.</div><div class="p"> 5Manoor Iyesus ay asho b&#769;maants b&#769;waafe dambaan kawdek't s'iilt Filp'ossh, &#171;Jam ashaansh bodet misho eewkneya keewosh nofaliti?&#187; b&#237; et. 6Iyesus man b&#769; keew Filip'osi fadbek'osha bako b&#769;k'alitwok'o b&#237; b&#769;tookon danfee b&#769;tesh.</div><div class="p"> 7Flip'oswere &#171;Botook tookosh mishi tiish tisho dab imosh git bal Dinariyon misho keewere boosh boratse&#187; ett b&#237;aaniy.</div><div class="p"> 8B&#769; danifuwotsitse iko Sim'on P'et'ros eshu Indriyas hank'o b&#237;et, 9&#171;Uts geshi mishonat#6:9 Uts geshi misha: Etirwo Giriki mas'aafotse uts geshi tusha etfe. git mus' detsts na'a iko hanoke fa'e b&#237;eti, ernm&#243; han jam ashaansh awukoneya b&#769; bodeti?&#187; 10Iyesuswere &#171;Ashuwotsi beezwore&#187; b&#237;et. Manoke ay mooc'o fa'e b&#769;tesh, ashuwotswere be bodek', botaawon&#250;were nungushi aano &#250;ts kumok'o bornke botesh. 11Maniyere hakon Iyesus mishman k'a'udek't b&#769;&#250;diyakon beyiru ashuwotssh b&#769; kayi. Mank'o mus'uwotsi boosh b&#769; kayi, jametsuwots boosh b&#769; bodetuwok'owo bodaatsi. 12Jametswots maat boworiyakon Iyesus b&#769; danifuwotssh, &#171;Ik jago dats oorar b&#237;awasherawk'o mishifed'o kakwere&#187; b&#237;et. 13Bowere ash ashuwots maat bo eree ortso &#250;t&#347; geshi mishi tishuwots fed'o kakudek't tatse git mishimaron s'eentsbok'ri.</div><div class="p"> 14Ashuwots Iyesus b&#769; fints aditsman bo bek'tsok'on, &#171;Datsats weetwo nebiyiyo ariko haniye!&#187; bo eti. 15Ashuwotsm&#243; angnon de'amr b&#237;n nug&#250;s woshosh gawbok'rtsok'o dank'rat aani Iyesus b&#237;'al guri abaats k'azbiami.</div><div class="s">Iyesus aatsi k'ari abaatse sha'efere b&#237;amtsok'o</div><div class="r">(Mat. 14:22-33; Mar. 6:45-52)</div><div class="p"> 16Datso b&#769; iltsok'on b&#769; danifuwots aats k'aro maants k'az bo'ot'. 17Jelbats kinddek't K'frnahom maants bo tuwi, manoori sa'atonuwere t'aluwtsere b&#769;tesh, Iyesuswere book warafa'e b&#769; tesh. 18Jong kup'o b&#769; jongefere b&#769; teshtsotse, aatsi k'aro giwu b&#769;wutsi. 19B&#769; danifuwots wee &#250;tso wee shirt kilo metrok'o jelbu jook dek't boama'iyakon Iyesus aatsatse sha'efere jelbu maants b&#769; t'infere bek't shatboguts. 20B&#237;m&#243; &#171;Taane! shatk'ayere!&#187; b&#237;et. 21Bowere gene'uwat b&#237; jelbuts b&#769;kindituwok'o bo geyi, manorowere jelbu boamiru datsats ambodbwtsi.</div><div class="s">Iyesus kashi misho b&#769;wottsok'o</div><div class="p"> 22Yatsok'on aats k'aroniyere bak'etse oorat teshts ashuwots, aats k'aratse jelbu ik s'uz b&#769;teshtsok'onat manoknowere b&#769; danifuwots s'uz boamtsok'o, Iyesusm&#243; bonton jelbuts b&#769; kindrawok'o bek'tni botesh. 23Wotowa eree k'osh jelbuwots T'bryadositse tuut Iyesusi &#250;don Ik' b&#769; k'ontsokonat ash asho mish bomaatsok boweyi. 24Ash ashuwots Iyesus wotowa b&#769; danifwots manoke bo aaltsok'o bo bek'tsok'on jelb manotsits kind dek't Iyesusi geyo K'frnahom maants boami. 25Aats k'aronye bak'etse b&#237;n bodatstsok'on, &#171;Danifono, hanok awure nweyi?&#187; bo et.</div><div class="p"> 26Iyesuswere hank'o ett boosh b&#237;aaniy, &#171;Arikon, arikoniye itsh ti'etiriye, it taan it geyirye misho maat it wortsosha bako adits keewo it bek'tsoshaliye. 27T'afit mishosh fink'ayere, maniyere Ik'o niho arikon daniyosh matabon b&#769; togts ash na'o b&#769; imet d&#250;re d&#250;ri kash wotit mishosh finore.&#187;</div><div class="p"> 28Ash ashuwotsuwere &#171;Beree, Ik'i fino finosh eeg k'ale geyiti nosha?&#187; boeti.</div><div class="p"> 29B&#237;were &#171;Ik'i finoniyere Ik'o b&#769; woshtson amanee&#187; ett boosh b&#237;aaniy.</div><div class="p"> 30Bowere b&#237;sh hank'owa boet, &#171;Be'er neen noamanish adits keewo finitwiya? Eebi nfinitwo fa'oni? 31#Kesh. 16:4; Dub. 78:24 &#8249;Bomeetuwok'o darotse misho boosh imre&#8250; ett guut'etsok'on, no nihots worwotse darotse oot'ts meno maarne.&#187;</div><div class="p"> 32Manoor Iyesus hank'owa boosh b&#237;eti, &#171;Arikon arikoniye itsh tietiriye, darotse oot'ts misho itsh imtso Museyiyaliye, arik wotts misho darotse itsh imetwo t nihiye, 33Ik'i misho darotse ood'r datsansh kash imetwo b&#237;ne.&#187; 34Mansh ashuwots &#171;Doonzono! man naari misho &#250;ni aawo noosh ime&#187; bo eti.</div><div class="p"> 35Iyesuswere hank'o boosh b&#237;et, &#171;Kashi misho taane, tiyok weetuwo b&#769; jamon k'ak'eratse, taan amanitwo b&#769; jamon shashweratse, 36Itiyere taan bek'rte ernm&#243; taan amaneratste etirwe. 37Niho taash b&#769; imetu jamo tiyok weetwe, tiyok wetwono b&#769; jamon taa &#250;romaants gisheratse. 38Taa darotse oot'at t waa taan woshtso b&#237; ettso k'alosha bako t shuntso k'alishaliye. 39Taan woshtso b&#769; shuntsonye taash b&#769; imts jamotse dab ikunor t t'afirawo d&#250;ris'uwi aawots k'irotse t tuzitwok'owe 40Ee! t nih b&#769; shuntsoniye naayo be'er b&#237;n amanitu jamo d&#250;re d&#250;ri kasho b&#769; datsitwok'owe, taawere d&#250;ri s'uwi aawots k'irotse b&#237;n tuuzitwe.&#187; 41&#171;Darotse oot'tso misho taane&#187; Iyesus b&#237; ettsotse ayhudiwots b&#237;atsats bo mumundi, 42Hank'o bo eti &#171;Han Yosef naay Iyesusi woshna? B&#769; nihnat b&#769; indn danefonoshna? Eshe and aawuk'oneya &#8249;Darotse oot're&#8250; b&#237;etiri?&#187;</div><div class="p"> 43Iyesuswere hank'o ett boosh b&#237;aaniy, &#171;It ats atseyo mumundk'ayere, 44Taan woshtso niho b&#769; getstsoniyere okoon t maants woo falituwo konwor aaliye, t maants wetwonowere d&#250;ri s'&#250;wi aawots k'irotse tuuzitwe. 45#Isa. 54:13 Nebiywots mas'aafotse &#8249;Ash jametswots Ik'oke danetwotsi wotitune&#8250; ett guut'ere, manshe nihoke shisht dants jametso tiyok weetwe. 46Man etonwere niho bek'ts asho fa'e etoshaliye, niho bek'tsoniye Ik'oke waatsos'uziye. 47Ariko arikoniye itsh ti etiriye, taan amants asho d&#250;re d&#250;ri kasho detsfe. 48Taaye kashi mish taane. 49It nihots worwotse meno bo meyi, ernm&#243; k'ire bok'iri. 50Darotse oot'ts misho haniye, eshe mishman meetwo b&#769;jamon k'irratse. 51Darotse oot'tso kasho imet mishoniye taane, mish man meetu jamo d&#250;re d&#250;roshe b&#769; beeti, daatsosh kash b&#769;wotitwok'o taa t imetwo misho t meetsoniye.&#187;</div><div class="p"> 52Manoor ayhudiwots &#171;Ashaan b&#769; meetso nometwok'o aawk'o k'alde'eniya noosh imo b&#769;faliti?&#187; ett boatsatsewo bo mooshi.</div><div class="p"> 53Mansh Iyesus boosh hank'o b&#237; eti, &#171;Arikon, arikoniye itsh t keewiri Ash na'o meetso moo itk'azal, b&#769; s'atso &#250;sho it k'azal kasho deshatste. 54Tmeets meetuwonat ts'ats &#250;shetu jamo d&#250;re d&#250;ri kasho detsfe, taawere d&#250;ris'uwi aawots k'irotse b&#237;n tuuzitwe. 55T meetso ari mishe, t s'atsonwere ari &#250;she. 56T meets meetwonat s'aats &#250;shetu jamo taantoniye b&#769; beetiye, taawere b&#237;ntoniye tbeetiye. 57Beyar beetwo niho taan b&#769;woshtsok'onat b&#237; atse tuutson taawor beyar beetwo twottsok'on mank'o t meets meetu jamo ti'atse tuutso beyar beetwo wotitwe. 58Eshe darotse oot'tso misho haniye, b&#237;were it nihots bo maatsi naaraliye, mishman maatswotsiye k'irrne, mish&#225;&#225;n metwotsiye d&#250;re d&#250;roshe bobeti.&#187;</div><div class="p"> 59Iyesus han b&#769; keewu K'frnahomitse ayhudi Ik' k'oni mootse b&#769; daniyore.</div><div class="s">D&#250;re d&#250;ri kash aap'o</div><div class="p"> 60B&#769;danifuwotsitse ayuwotsi man boshishtsok'on, &#171;Aap'an mange, kone fal k'ebeti?&#187; bo et.</div><div class="p"> 61B&#769;danifwots keewan jango bo mumdtsok'o b&#769; gitsotse dandek't boosh hank'o b&#237;eti, &#171;Keewan itsh t'ugeya b&#769; wotiti? 62Ash na'o b&#769;beyok aanar b&#769;kesho it bek'or eege it eteti? 63Kasho imetwo Ik'i shayire, ash angonm&#243; egoshoru woteratse, taa itsh t aap'tso shayire, manwere kashe, 64Ernm&#243; ititsere amanerawu ik ikwots fa'ane,&#187; Iyesuswere han b&#769; keewoniyere shinon b&#237;n amanerawwots konotsi bowottsok'onat b&#237;n beshide imetwo koni b&#769;wottsok'o b&#769;dantsotsne. 65Manats dabt Iyesus &#171;Ik'o nihoke alo b&#237;sh imeyala bako tiyok w&#243;&#243;sh falitwo aaliye tiet manshe&#187; b&#237;et.</div><div class="p"> 66Hanatse tuutson b&#769; danifwotsitse aywots jiik'omand k'az bo aani, manortson Iyesus shuutso sha'o k'azbok'ri. 67Mansh, &#171;Itwere aanar amo geefteya?&#187; ett Iyesus b&#769; danifuwotssh b&#237;aati. 68Manoor S'im'on P'et'ros hank'o ett b&#237;aani, &#171;Doonzono! kon maantse noameti? Nee d&#250;re d&#250;ri kashi aap'o detsfne. 69#Mat. 16:16; Mar. 8:29; Luk'. 9:20 Nooyere amanerone, S'ayino Ik'o naayi nwottsok'o danrone.&#187; 70Iyesuswere, &#171;Tatse gitetswotsi itn galdek'rosha? ernm&#243; ititse iko Dabilosiye&#187; boosh b&#237; eti. 71Manowere b&#237;etir Simon naay Ask'rwot dats asho Yihud jangosha b tesh, Yihud b&#769; danif tatse gitwotsitse iko wotb&#769;jinalor Iyesusi beshide imetwo b&#237;n b&#769;wottsotsna.</div>
 </div>
 </div>
</div>

The Word for the World International Publishing PO Box 26363, Colorado Springs, CO 80919, USA

Maniyereokon Iyesus Gelil aats k'aroniye bak'ets b́kimi, manwere T'ibriyados aats k'aroniye. Ay ashuwots Iyesus shodtswotsi kashit b́k'alts adits keewo bobek'tsosh b́shuutso shoy dek't bosha'i. Iyesus guri abaats kesht manoke b́ danifwotsnton beeb́dek'i. Ayhudiwots fazigi baaliyo manoor t'intni b́tesh.
Manoor Iyesus ay asho b́maants b́waafe dambaan kawdek't s'iilt Filp'ossh, «Jam ashaansh bodet misho eewkneya keewosh nofaliti?» bí et. Iyesus man b́ keew Filip'osi fadbek'osha bako b́k'alitwok'o bí b́tookon danfee b́tesh.
Flip'oswere «Botook tookosh mishi tiish tisho dab imosh git bal Dinariyon misho keewere boosh boratse» ett bíaaniy.
B́ danifuwotsitse iko Sim'on P'et'ros eshu Indriyas hank'o bíet, «Uts geshi mishonat git mus' detsts na'a iko hanoke fa'e bíeti, ernmó han jam ashaansh awukoneya b́ bodeti?» Iyesuswere «Ashuwotsi beezwore» bíet. Manoke ay mooc'o fa'e b́tesh, ashuwotswere be bodek', botaawonúwere nungushi aano úts kumok'o bornke botesh. Maniyere hakon Iyesus mishman k'a'udek't b́údiyakon beyiru ashuwotssh b́ kayi. Mank'o mus'uwotsi boosh b́ kayi, jametsuwots boosh b́ bodetuwok'owo bodaatsi. Jametswots maat boworiyakon Iyesus b́ danifuwotssh, «Ik jago dats oorar bíawasherawk'o mishifed'o kakwere» bíet. Bowere ash ashuwots maat bo eree ortso útś geshi mishi tishuwots fed'o kakudek't tatse git mishimaron s'eentsbok'ri.
Ashuwots Iyesus b́ fints aditsman bo bek'tsok'on, «Datsats weetwo nebiyiyo ariko haniye!» bo eti. Ashuwotsmó angnon de'amr bín nugús woshosh gawbok'rtsok'o dank'rat aani Iyesus bí'al guri abaats k'azbiami.


Datso b́ iltsok'on b́ danifuwots aats k'aro maants k'az bo'ot'. Jelbats kinddek't K'frnahom maants bo tuwi, manoori sa'atonuwere t'aluwtsere b́tesh, Iyesuswere book warafa'e b́ tesh. Jong kup'o b́ jongefere b́ teshtsotse, aatsi k'aro giwu b́wutsi. B́ danifuwots wee útso wee shirt kilo metrok'o jelbu jook dek't boama'iyakon Iyesus aatsatse sha'efere jelbu maants b́ t'infere bek't shatboguts. Bímó «Taane! shatk'ayere!» bíet. Bowere gene'uwat bí jelbuts b́kindituwok'o bo geyi, manorowere jelbu boamiru datsats ambodbwtsi.

Yatsok'on aats k'aroniyere bak'etse oorat teshts ashuwots, aats k'aratse jelbu ik s'uz b́teshtsok'onat manoknowere b́ danifuwots s'uz boamtsok'o, Iyesusmó bonton jelbuts b́ kindrawok'o bek'tni botesh. Wotowa eree k'osh jelbuwots T'bryadositse tuut Iyesusi údon Ik' b́ k'ontsokonat ash asho mish bomaatsok boweyi. Ash ashuwots Iyesus wotowa b́ danifwots manoke bo aaltsok'o bo bek'tsok'on jelb manotsits kind dek't Iyesusi geyo K'frnahom maants boami. Aats k'aronye bak'etse bín bodatstsok'on, «Danifono, hanok awure nweyi?» bo et.
Iyesuswere hank'o ett boosh bíaaniy, «Arikon, arikoniye itsh ti'etiriye, it taan it geyirye misho maat it wortsosha bako adits keewo it bek'tsoshaliye. T'afit mishosh fink'ayere, maniyere Ik'o niho arikon daniyosh matabon b́ togts ash na'o b́ imet dúre dúri kash wotit mishosh finore.»
Ash ashuwotsuwere «Beree, Ik'i fino finosh eeg k'ale geyiti nosha?» boeti.
Bíwere «Ik'i finoniyere Ik'o b́ woshtson amanee» ett boosh bíaaniy.
Bowere bísh hank'owa boet, «Be'er neen noamanish adits keewo finitwiya? Eebi nfinitwo fa'oni? ‹Bomeetuwok'o darotse misho boosh imre› ett guut'etsok'on, no nihots worwotse darotse oot'ts meno maarne.»
Manoor Iyesus hank'owa boosh bíeti, «Arikon arikoniye itsh tietiriye, darotse oot'ts misho itsh imtso Museyiyaliye, arik wotts misho darotse itsh imetwo t nihiye, Ik'i misho darotse ood'r datsansh kash imetwo bíne.» Mansh ashuwots «Doonzono! man naari misho úni aawo noosh ime» bo eti.
Iyesuswere hank'o boosh bíet, «Kashi misho taane, tiyok weetuwo b́ jamon k'ak'eratse, taan amanitwo b́ jamon shashweratse, Itiyere taan bek'rte ernmó taan amaneratste etirwe. Niho taash b́ imetu jamo tiyok weetwe, tiyok wetwono b́ jamon taa úromaants gisheratse. Taa darotse oot'at t waa taan woshtso bí ettso k'alosha bako t shuntso k'alishaliye. Taan woshtso b́ shuntsonye taash b́ imts jamotse dab ikunor t t'afirawo dúris'uwi aawots k'irotse t tuzitwok'owe Ee! t nih b́ shuntsoniye naayo be'er bín amanitu jamo dúre dúri kasho b́ datsitwok'owe, taawere dúri s'uwi aawots k'irotse bín tuuzitwe.» «Darotse oot'tso misho taane» Iyesus bí ettsotse ayhudiwots bíatsats bo mumundi, Hank'o bo eti «Han Yosef naay Iyesusi woshna? B́ nihnat b́ indn danefonoshna? Eshe and aawuk'oneya ‹Darotse oot're› bíetiri?»
Iyesuswere hank'o ett boosh bíaaniy, «It ats atseyo mumundk'ayere, Taan woshtso niho b́ getstsoniyere okoon t maants woo falituwo konwor aaliye, t maants wetwonowere dúri s'úwi aawots k'irotse tuuzitwe. Nebiywots mas'aafotse ‹Ash jametswots Ik'oke danetwotsi wotitune› ett guut'ere, manshe nihoke shisht dants jametso tiyok weetwe. Man etonwere niho bek'ts asho fa'e etoshaliye, niho bek'tsoniye Ik'oke waatsos'uziye. Ariko arikoniye itsh ti etiriye, taan amants asho dúre dúri kasho detsfe. Taaye kashi mish taane. It nihots worwotse meno bo meyi, ernmó k'ire bok'iri. Darotse oot'ts misho haniye, eshe mishman meetwo b́jamon k'irratse. Darotse oot'tso kasho imet mishoniye taane, mish man meetu jamo dúre dúroshe b́ beeti, daatsosh kash b́wotitwok'o taa t imetwo misho t meetsoniye.»
Manoor ayhudiwots «Ashaan b́ meetso nometwok'o aawk'o k'alde'eniya noosh imo b́faliti?» ett boatsatsewo bo mooshi.
Mansh Iyesus boosh hank'o bí eti, «Arikon, arikoniye itsh t keewiri Ash na'o meetso moo itk'azal, b́ s'atso úsho it k'azal kasho deshatste. Tmeets meetuwonat ts'ats úshetu jamo dúre dúri kasho detsfe, taawere dúris'uwi aawots k'irotse bín tuuzitwe. T meetso ari mishe, t s'atsonwere ari úshe. T meets meetwonat s'aats úshetu jamo taantoniye b́ beetiye, taawere bíntoniye tbeetiye. Beyar beetwo niho taan b́woshtsok'onat bí atse tuutson taawor beyar beetwo twottsok'on mank'o t meets meetu jamo ti'atse tuutso beyar beetwo wotitwe. Eshe darotse oot'tso misho haniye, bíwere it nihots bo maatsi naaraliye, mishman maatswotsiye k'irrne, misháán metwotsiye dúre dúroshe bobeti.»
Iyesus han b́ keewu K'frnahomitse ayhudi Ik' k'oni mootse b́ daniyore.

B́danifuwotsitse ayuwotsi man boshishtsok'on, «Aap'an mange, kone fal k'ebeti?» bo et.
B́danifwots keewan jango bo mumdtsok'o b́ gitsotse dandek't boosh hank'o bíeti, «Keewan itsh t'ugeya b́ wotiti? Ash na'o b́beyok aanar b́kesho it bek'or eege it eteti? Kasho imetwo Ik'i shayire, ash angonmó egoshoru woteratse, taa itsh t aap'tso shayire, manwere kashe, Ernmó ititsere amanerawu ik ikwots fa'ane,» Iyesuswere han b́ keewoniyere shinon bín amanerawwots konotsi bowottsok'onat bín beshide imetwo koni b́wottsok'o b́dantsotsne. Manats dabt Iyesus «Ik'o nihoke alo bísh imeyala bako tiyok wóósh falitwo aaliye tiet manshe» bíet.
Hanatse tuutson b́ danifwotsitse aywots jiik'omand k'az bo aani, manortson Iyesus shuutso sha'o k'azbok'ri. Mansh, «Itwere aanar amo geefteya?» ett Iyesus b́ danifuwotssh bíaati. Manoor S'im'on P'et'ros hank'o ett bíaani, «Doonzono! kon maantse noameti? Nee dúre dúri kashi aap'o detsfne. Nooyere amanerone, S'ayino Ik'o naayi nwottsok'o danrone.» Iyesuswere, «Tatse gitetswotsi itn galdek'rosha? ernmó ititse iko Dabilosiye» boosh bí eti. Manowere bíetir Simon naay Ask'rwot dats asho Yihud jangosha b tesh, Yihud b́ danif tatse gitwotsitse iko wotb́jinalor Iyesusi beshide imetwo bín b́wottsotsna.

Yoka Yohans Dooshishiyo 6