Serer Version Eglise luthérienne du Sénégal (Non-Drama)

NQAARIIT NE ROOG

<div class="version vid3751 iso6393srr" data-vid="3751" data-iso6393="srr">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">A qontax ale Yeesu</div><div class="r">(&#599;eeti Mace 28:1-10; Mark 16:1-8; Sa&#331; 20:1-10)</div><div class="p"> 1No nqes naa na diiboor faa, rew we a ndeta &#421;ii&#595; teel na mboy alaa, a saq &#429;uumooxel ke da nqendand&#8217;ina boo a &#392;ut. 2Yaa da mbadna, a so&#421;a &#595;il le a mboy ale a gi&#331;lit&#8217;eena a berengel. 3A ndoka kam fee, ndaa so&#421;ee maaga o dal ole no Yaal oxe Yeesu. 4Rew we and&#8217;ee ke da mbar&#8217;ina o mbi. Maaga, goor &#599;ik a mbee&#241;ooxa a den, a saq toki kaa na mele&#392;aa. 5Rew we a ndiid&#8217;a lool, too a ngunga a lanq. Kaa koy, goor we a laya a den ee:</div><div class="p">&#171;Xar taxu nu mbaa&#429;aa oxe na &#241;oowaa a ndeer no xon we? 6Refatee mene, a xontooxa. Mbetandooxyo ne ta layit&#8217;uuna a nuun ye ta refna Galile.#9:22; 18:31-33; Mace 16:21; 17:22-23; 20:18-19; Mark 8:31; 9:31; 10:33-34 7Kaa lay&#8217;u yee: &#8249;O &#420;eenqe no kiin oxe a ware o &#595;oxot na xa &#421;ay axe no baabakaad we, a rengel na kurwaa, soo a xontoox no &#241;aal ndadkandeer naa.&#8250;&#8202;&#187;</div><div class="p"> 8Maaga, a mbetandooxa ke Yeesu a lay&#8217;ina. 9Yaa da ngatna na mboy alaa, a mbetandooxa kaaga fop daalbe xar&#595;axay fo o taalbe o leng oxaa fo lakas we fop. 10We lay&#8217;ina apootar waa kaaga ndee&#429;u Mari-Magdala fa Yowana fa Mari fee ya Saak fo lakas we ndee&#429;na fa den. 11Kaa koy, fa lay faaga a ree&#429;a fa lay fa &#241;aku xoox na den, too ngim&#8217;ee ke rew we a lay&#8217;ina. 12Piyeer o mat a inooxa ndak fo ndak, a &#436;uf na mboy alaa. Yaa ta fadna, a wootnooxa, too a ga&#8217;a njoor ne o dal ole a laxasit&#8217;eena soom. Maaga, a xaada, too ke xew&#8217;ina a bet&#8217;aan lool.</div><div class="s1">Yeesu a fee&#241;ooxa daalbe we ten na &#429;at Emawus</div><div class="r">(&#599;eeti Mark 16:12-13)</div><div class="p"> 13Na bes fa leng faaga, daalbe &#599;ik a ndetooga Emawus, go&#429;it&#8217;ina a Yeerusaleem kilomeet xar&#595;axay fo leng, 14a laytaa ke xew&#8217;ina fop. 15Yaa da layaa, too a njeetaayaa, Yeesu a daawa a den, soo a yoon fa den. 16A nga&#8217;aan, ndaa a jeg&#8217;a kaa yaqan&#8217;ina a den da anddin. 17Yeesu a laya a den ee:</div><div class="p">&#171;Xar nu njeetaaytaa na &#429;at ale?&#187;</div><div class="p">Maaga, a ngeenooxa, too kam den a faga. 18O leng na den oxaa ne&#8217;eena Kelewopaas a doonaan ee:</div><div class="p">&#171;Waagaa o gen Yeerusaleem, too andiro ke na xewaa meen na pe akene?&#187;</div><div class="p"> 19Yeesu a laamta yee:</div><div class="p">&#171;Xar ee?&#187;</div><div class="p">A ndoonaan ee:</div><div class="p">&#171;Ke xewna na Yeesu o Naanasaret oxe, ree&#429;na o tuleer o cegu sa&#241;-sa&#241; na pi fo na fa lay mbaambir Roog fo mbaambir xeet fee fop. 20Yeesu feene, saasadax maak we fo maak we in a &#421;oxot&#8217;ina, ndax ta hate&#8217;el, a warel, soo a rengel na kurwaa. 21Kaa i yaakaaroogu yee o ten na watkaa a Isra&#8217;el, ndaa ga&#8217;aano, ye keene fop a helko fo fadaa, xaye refu &#241;aal ndadkandeer ne yaa kaaga a xewna a gar fa xaye. 22Rew leng-leng no we mbogna na in kaa njaax&#599;and a in. Kaa ndet na mboy alaa &#421;ii&#595; teel, 23too so&#421;ee maaga o dal olaa, a nomtooxiid a lay ee malaaka mbee&#241;ooxu a den, soo a yegin a den ee oxe &#241;oowaa. 24Leng-leng no we ndee&#429;na fa in a ndeta na mboy alaa, too a so&#421;a maaga fop ne rew we a layit&#8217;uuna, ndaa taxee da nga&#8217;in.&#187; 25Maaga, Yeesu a laya a den ee:</div><div class="p">&#171;Nuun soo &#241;ak a yiif, too xee&#241; nuun a niid o gim ke na layeel no duleer we fop! 26Ndax Kiristaa fee war&#8217;ee o coono&#8217;it neene ka&#241;, soo a rokkaa kam o ndam um?&#187;</div><div class="p"> 27Maaga, Yeesu a tektana a den ke lay&#8217;eena no kaa farna no ten kam a Pind a Tedu ke fop, a eetit na safe ke Moyiis boo a suur na safe ke no duleer we fop.</div><div class="p"> 28Yaa da matiidaa saate fee da ndetoogna, Yeesu a fi&#8217;a nen oxaa bugna o xaajoor fa den. 29Kaa koy, goor we a ndamaan, a layin ee:</div><div class="p">&#171;Yoqi fa in, yaam tige oxe yengiidaa, too njee&#392; ne xe mudiidaa.&#187;</div><div class="p">Maaga, a roka ndax ta yoq fa den. 30Yaa ta reerna fa den a &#241;aamaa, a janga mbuuru, too a cinj ye ta gidimna a Roog, a xustaan, a cooxin a den. 31Maaga, a kid den a mbetooxa, too a anddaan. Kaa koy, ndak fo ndak a mo&#8217;ta mbaambir den. 32Cinj kaaga, a layrooga a ndeer den ee:</div><div class="p">&#171;Ndax xee&#241; in &#595;ut&#8217;ee, ye ta layaa fa in na &#429;at ale, soo a tektaa a in a Pind a Tedu ke?&#187;</div><div class="p"> 33Na waxtu faaga sax, a inooxa, a nomtoox Yeerusaleem, too a so&#421;a maaga daalbe xar&#595;axay fo o taalbe leng oxaa fo lakas we ndee&#429;na fa den, a mbokatoor, a layaa yee:</div><div class="p"> 34&#171;No ndigil, o Yaal oxe a xontooxa, too a fee&#241;ooxa a Simo&#331;!&#187;</div><div class="p"> 35Den oo, a mbetandooxa we da so&#421;&#8217;ina maaga ke dal&#8217;ina a den na &#429;at ale fo ne da anddit&#8217;uuna ye ta xustaa mbuuru naa.</div><div class="s1">Yeesu a dakooxa o fee&#241;oox daalbe um</div><div class="r">(&#599;eeti Mace 28:16-20; Mark 16:14-18; Sa&#331; 20:19-23; Pi 1:6-8)</div><div class="p"> 36Yaa da ndefna no layaa kaaga, Yeesu a fee&#241;ooxa a den, too a lay a den ee:</div><div class="p">&#171;Nu yaaree jam!&#187;</div><div class="p"> 37Den fop a njaaxi&#599;&#8217;a, too a ndiid, yaam kaa mboog&#8217;u yee o qon-o-paaf a nga&#8217;aa. 38Kaa koy, Yeesu a laya a den ee:</div><div class="p">&#171;Xar taxu nu njaaxi&#599;, njeg a yiif-a-&#429;ak kam nuun? 39&#428;eetyo xa &#421;ay es fo a caf es: Mi o mat oo! Nduqaamoo, too nga, yaam o qon-o-paaf jegee njer, jegee xa kii&#392;, ne nu nga&#8217;tuuna na mi.&#187;</div><div class="p"> 40Yaa ta layna kaaga, a lala a den xa &#421;ay um fo a caf um. 41Ne da sawar&#8217;ina, too a njaaxi&#599; boo mbaagee o ngim, Yeesu a laya a den ee:</div><div class="p">&#171;Ndax nu njega mene kaa nu &#241;aamna?&#187;</div><div class="p"> 42Daalbe we a cooxaan o &#599;eg li&#421; nju&#599;e. 43A jangaan, soo a &#241;aamin mbaambir den. 44Cinj kaaga, a laya a den ee:</div><div class="p">&#171;Kene refu ke layooguuma a nuun, ye maaduuma o refaa fa nuun, ndax ke bind&#8217;eena na mi fop kam a safe ke Moyiis fo na safe ke no duleer we fo na Kim a tedu ke a fadnoox.&#187;</div><div class="p"> 45Maaga, Yeesu a wetana a den a yiif den, ndax da and a Pind a Tedu ke. 46A laya a den ee:</div><div class="p">&#171;A binde yee Kiristaa fee a wara o coono, a xontoox a ndeer no xon waa no &#241;aal ndadkandeer naa, 47soo qeet ke fop a mbaare&#8217;el, a eetit Yeerusaleem, ndax da mbes pakaad den a cinj, a ndaaw a baasan ale no pakaad ke no gon um. 48Seede nu ndefu no keene fop. 49Yaaga boog, xam fudniid took nuun ke Faap es a regitna. Kaa koy, yoqyo kam teeru fene boo yaa nu muurkeel doole fee took.&#187;#Pi 1:4</div><div class="s1">Yeesu a &#331;aaya na asamaan</div><div class="r">(&#599;eeti Mark 16:19-20; Pi 1:9-11)</div><div class="p"> 50Yeesu a &#595;isa a den boo Betani, too a yo&#599;a xa &#421;ay um, a barke a den.#Pi 1:9-11 51Yaa ta barke&#8217;aa a den, a ri&#392;atooxa a den, Roog a yo&#599;in na asamaan. 52Den o mat, a mba&#599;ooxaan soo a nomtoox Yeerusaleem fo o &#599;aay o maak, 53too a ndefooga kam Mbind Roog ne, a simataa a Roog.</div>
 </div>
 </div>
</div>

No nqes naa na diiboor faa, rew we a ndeta ƥiiɓ teel na mboy alaa, a saq ƭuumooxel ke da nqendand’ina boo a ƈut. Yaa da mbadna, a soƥa ɓil le a mboy ale a giŋlit’eena a berengel. A ndoka kam fee, ndaa soƥee maaga o dal ole no Yaal oxe Yeesu. Rew we and’ee ke da mbar’ina o mbi. Maaga, goor ɗik a mbeeñooxa a den, a saq toki kaa na meleƈaa. Rew we a ndiid’a lool, too a ngunga a lanq. Kaa koy, goor we a laya a den ee:
«Xar taxu nu mbaaƭaa oxe na ñoowaa a ndeer no xon we? Refatee mene, a xontooxa. Mbetandooxyo ne ta layit’uuna a nuun ye ta refna Galile. Kaa lay’u yee: ‹O Ƥeenqe no kiin oxe a ware o ɓoxot na xa ƥay axe no baabakaad we, a rengel na kurwaa, soo a xontoox no ñaal ndadkandeer naa.› »
Maaga, a mbetandooxa ke Yeesu a lay’ina. Yaa da ngatna na mboy alaa, a mbetandooxa kaaga fop daalbe xarɓaxay fo o taalbe o leng oxaa fo lakas we fop. We lay’ina apootar waa kaaga ndeeƭu Mari-Magdala fa Yowana fa Mari fee ya Saak fo lakas we ndeeƭna fa den. Kaa koy, fa lay faaga a reeƭa fa lay fa ñaku xoox na den, too ngim’ee ke rew we a lay’ina. Piyeer o mat a inooxa ndak fo ndak, a ƴuf na mboy alaa. Yaa ta fadna, a wootnooxa, too a ga’a njoor ne o dal ole a laxasit’eena soom. Maaga, a xaada, too ke xew’ina a bet’aan lool.


Na bes fa leng faaga, daalbe ɗik a ndetooga Emawus, goƭit’ina a Yeerusaleem kilomeet xarɓaxay fo leng, a laytaa ke xew’ina fop. Yaa da layaa, too a njeetaayaa, Yeesu a daawa a den, soo a yoon fa den. A nga’aan, ndaa a jeg’a kaa yaqan’ina a den da anddin. Yeesu a laya a den ee:
«Xar nu njeetaaytaa na ƭat ale?»
Maaga, a ngeenooxa, too kam den a faga. O leng na den oxaa ne’eena Kelewopaas a doonaan ee:
«Waagaa o gen Yeerusaleem, too andiro ke na xewaa meen na pe akene?»
Yeesu a laamta yee:
«Xar ee?»
A ndoonaan ee:
«Ke xewna na Yeesu o Naanasaret oxe, reeƭna o tuleer o cegu sañ-sañ na pi fo na fa lay mbaambir Roog fo mbaambir xeet fee fop. Yeesu feene, saasadax maak we fo maak we in a ƥoxot’ina, ndax ta hate’el, a warel, soo a rengel na kurwaa. Kaa i yaakaaroogu yee o ten na watkaa a Isra’el, ndaa ga’aano, ye keene fop a helko fo fadaa, xaye refu ñaal ndadkandeer ne yaa kaaga a xewna a gar fa xaye. Rew leng-leng no we mbogna na in kaa njaaxɗand a in. Kaa ndet na mboy alaa ƥiiɓ teel, too soƥee maaga o dal olaa, a nomtooxiid a lay ee malaaka mbeeñooxu a den, soo a yegin a den ee oxe ñoowaa. Leng-leng no we ndeeƭna fa in a ndeta na mboy alaa, too a soƥa maaga fop ne rew we a layit’uuna, ndaa taxee da nga’in.» Maaga, Yeesu a laya a den ee:
«Nuun soo ñak a yiif, too xeeñ nuun a niid o gim ke na layeel no duleer we fop! Ndax Kiristaa fee war’ee o coono’it neene kañ, soo a rokkaa kam o ndam um?»
Maaga, Yeesu a tektana a den ke lay’eena no kaa farna no ten kam a Pind a Tedu ke fop, a eetit na safe ke Moyiis boo a suur na safe ke no duleer we fop.
Yaa da matiidaa saate fee da ndetoogna, Yeesu a fi’a nen oxaa bugna o xaajoor fa den. Kaa koy, goor we a ndamaan, a layin ee:
«Yoqi fa in, yaam tige oxe yengiidaa, too njeeƈ ne xe mudiidaa.»
Maaga, a roka ndax ta yoq fa den. Yaa ta reerna fa den a ñaamaa, a janga mbuuru, too a cinj ye ta gidimna a Roog, a xustaan, a cooxin a den. Maaga, a kid den a mbetooxa, too a anddaan. Kaa koy, ndak fo ndak a mo’ta mbaambir den. Cinj kaaga, a layrooga a ndeer den ee:
«Ndax xeeñ in ɓut’ee, ye ta layaa fa in na ƭat ale, soo a tektaa a in a Pind a Tedu ke?»
Na waxtu faaga sax, a inooxa, a nomtoox Yeerusaleem, too a soƥa maaga daalbe xarɓaxay fo o taalbe leng oxaa fo lakas we ndeeƭna fa den, a mbokatoor, a layaa yee:
«No ndigil, o Yaal oxe a xontooxa, too a feeñooxa a Simoŋ!»
Den oo, a mbetandooxa we da soƥ’ina maaga ke dal’ina a den na ƭat ale fo ne da anddit’uuna ye ta xustaa mbuuru naa.


Yaa da ndefna no layaa kaaga, Yeesu a feeñooxa a den, too a lay a den ee:
«Nu yaaree jam!»
Den fop a njaaxiɗ’a, too a ndiid, yaam kaa mboog’u yee o qon-o-paaf a nga’aa. Kaa koy, Yeesu a laya a den ee:
«Xar taxu nu njaaxiɗ, njeg a yiif-a-ƭak kam nuun? Ƭeetyo xa ƥay es fo a caf es: Mi o mat oo! Nduqaamoo, too nga, yaam o qon-o-paaf jegee njer, jegee xa kiiƈ, ne nu nga’tuuna na mi.»
Yaa ta layna kaaga, a lala a den xa ƥay um fo a caf um. Ne da sawar’ina, too a njaaxiɗ boo mbaagee o ngim, Yeesu a laya a den ee:
«Ndax nu njega mene kaa nu ñaamna?»
Daalbe we a cooxaan o ɗeg liƥ njuɗe. A jangaan, soo a ñaamin mbaambir den. Cinj kaaga, a laya a den ee:
«Kene refu ke layooguuma a nuun, ye maaduuma o refaa fa nuun, ndax ke bind’eena na mi fop kam a safe ke Moyiis fo na safe ke no duleer we fo na Kim a tedu ke a fadnoox.»
Maaga, Yeesu a wetana a den a yiif den, ndax da and a Pind a Tedu ke. A laya a den ee:
«A binde yee Kiristaa fee a wara o coono, a xontoox a ndeer no xon waa no ñaal ndadkandeer naa, soo qeet ke fop a mbaare’el, a eetit Yeerusaleem, ndax da mbes pakaad den a cinj, a ndaaw a baasan ale no pakaad ke no gon um. Seede nu ndefu no keene fop. Yaaga boog, xam fudniid took nuun ke Faap es a regitna. Kaa koy, yoqyo kam teeru fene boo yaa nu muurkeel doole fee took.»


Yeesu a ɓisa a den boo Betani, too a yoɗa xa ƥay um, a barke a den. Yaa ta barke’aa a den, a riƈatooxa a den, Roog a yoɗin na asamaan. Den o mat, a mbaɗooxaan soo a nomtoox Yeerusaleem fo o ɗaay o maak, too a ndefooga kam Mbind Roog ne, a simataa a Roog.

Yoka Lik 24