Baverset oyo Eyebani Mpenza ewuti na Kulawa 7

Kabola

Sambi, Mola akimwambíra Musa: “Ngasikira sana-sana! Omi nukutenda kuwa kamba Nlungu mbere ya Firyauna, na nduyo Aruna akuja kuwa nabii wako.

Fala níntenda Firyauna moyo wake uwe ngumu. Inti ya Miswiri nízidisa maajuza angu a ajabu, fala Firyauna aakusikirizani. Ikisa nukolosera nkono wangu Miswiri, na kwa hukumu ulu-ulu, nilavya marikolo a wanu wangu, waIziraeli, walawe inti ya Miswiri.

Panisaka kolosa nkono wangu nikiwalávya waIziraeli-wo kati yawo, waMiswiri ndi pawasaka kwijiwa kuwa omi niwa Mola!”

Ikisa Firyauna akiwetísa wejiwifu pamoja na wasawi wa Miswiri, newo wakiténda novire-novireni kwa mitigadi yawo ya kisawi. Piya ware wakéfya ngombo zawo pansi, zikitadúka nyoka. Falakini ngombo ya Aruna ikimíza kídyo ngombo nyengine zire piya.

Ndi ntamana, Mola akwamba javi: “Nítenda alama ipate wijiwe kuwa omi niwa Mola. Ona, na ngombo iri mmakono-yi, omi nukwibiya maji a Nilu-ya, maji-ya átaduka damu.

“Firyauna ákukwambirani kuwa ‘ Akwakikishani julu ya kutenda maajuza mamoja’, mwambire Aruna javi: ‘Twala ngombo wako, wefye pansi kumaso ka Firyauna. Newo útaduka nyoka.’ ” Basi Musa na Aruna pawafikire ka Firyauna, waténda vyawâmuriwe na Mola novire. Aruna akéfya ngombo yake pansi, kumaso ka Firyauna pamoja na watumisi wake, neyo ikitaduka nyoka.