Baverset oyo Eyebani Mpenza ewuti na Matiu 24

Kabola

Nan bu-n npooton kaah na li yabig dulinya nan yaan ni bu, bininfob takpem a jiɛm kaa na li yabi. Amaa wan nan sir kenken ki tan kpaa ndiɛm ke u li kan feegab.

Le bi na li mɔɔn paab a naam nan a bɔŋann ilog biɛn nin ki ŋa siɛra ki sei ibol biɛn wee dulinya a diɛmin nin foon.

Ni na li gbir bitɔb a fur nin bitɔb a bɔr, amaa ni laa jeeli, ni kpaa le ke ni niɛ nan biɛn n tun, amaa naa wɔɔn ke dulinya a diɛm le yen ni.

Libol nin libol na li kɔn nin tab, le nnaam miba a ninfob na li kɔn nin nnaam mitɔ a ninfob. Le nkom nin kutingbɔŋ a damim na li be iyag iba ni. Ni niɛ nan biɛn na yin nann nmarwiɛn a piinim le.

Paab nin tum na li jo, amaa n bɔr kaa jɔɔ tin jo.

Nan bu-n bininfob takpem na li ta n yinl ki dan ki ke bi ma ye min Masiya nan, ki lar bininfob takpem.

“N-yonn nmɔn bi na li choo ni ki jin ni fala, ki ku ni, le kutingbɔŋ biɛn nan yin nan ni le naah nɔɔ min bu. Iyaayoo nmɔn, bininfob takpem na li ta n bɔr gab, ki gbii tab bu, ki ji nan tab, le tibɔkar a linlem na li nyann ki nan lar bininfob takpem.

Le u jiin ke, “Ni li nyi ki laa che uba n lar ni.

Mambu, ni ŋan nin ni mu ŋa sili, nan bu-n Uninfosaal a Big mu na yin dan n-yonn man wee naa yin nyi u bu-n le.

“Mambu, ni li nyi man, nan bu-n naa nyi lidaal lan wee ni Yudaau yin dan ni.

“Uba kaa nyi ki jiin lidaal bee n-yonn nmɔn ni, hali malakam ban be paab bee Bija-n tɔɔl kaa nyi, amaa Baa-n a binba le nyi.

Nan bu-n tibɔkar a masiyam nin tibɔkar a linlem na li degirin ki ŋa ligaril a siɛra ki tun ligaril a toon gbingbemi, ki lar Uwonbɔr a ninfogannkaabin, ni ye ni bi li fir ke.

Nowa a yonn kaah nan ye man ni, Uninfosaal a Big mu a dam a yonn na yin ye man le. Nan bu-n n-yonn man wee nnyum kaa la nan jin dulinya-n nan, bininfob nan ji le ki nyu, ki kɔɔn bipiib, ki jɔɔ bi buwaab ki tenn bijab, ki nan kpaa lidaal lan wee Nowa nan kɔɔ kuŋaluŋ takpoŋ n-yaan; bininfob nmɔn kaa le la nan biɛ niwann nan tun ni, ki tan kpaa lidaal lan wee kunyungbeeŋ nan dan ki nan jin bi biɛn nin. Ni ji na yin ye man le, lidaal lan wee Uninfosaal a Big na yin dan nin.