Baverset oyo Eyebani Mpenza ewuti na MOTHI 5

Kabola

Aro arleng me-lur pakarsi, pachi arlo bibesi, gosa athaksi biman; la-amun hem along kido ahuwityok patha-angman. Ladisi nali katha-ang arleng hel angot pachiklanot; lalong anali naliyok kime asal pomar theksi, ethakpe long kido nali Apa yok jortang piye.

“Nalisi pirthepe akatha-ang. Inglong kartul athak kikem rongpe buti un-eh.

“Aneng kachipangthir abangsi bor-eh chokman; piyok pu tene analisi Arnam yok thek hlonge!

“Dhorom kangthir poyok kangchir aro kalang-ik abangsi bor-eh chokman; piyok pu tene Arnam analiyok aneng pangsam phlenne!

Manta ne nali thando, nali huturhel yok nengdok ngot, aro naliyok honjat kilang hel aphan pingkit pinot.

“Jiuli-long kachohrek abang bor-eh chokman; piyok pu tene ethakpe-alongri ke anali phansi!

“Kapangsam aphan pachingbar asal katiki abangsi bor-eh chokman: piyok pu tene anali yoksi Arnam asohel puye!

“Aneng kadoho kido abang si bor-eh chokman; piyok pu tene Arnam anali neng pangsam me!

“Dhorom kangthir anat honjat kachichak hlong abangsi bor-eh chokman; piyok pu tene ethakpe-alongri ke anali phansi!

“Bangyok kajinso abangsi bor-eh chokman; piyok pu tene Arnam analiyok jinsoye!

“Konam arlenghel hane natsi naliyok patharaknge aro honjat piye, aro naliyok ado pisi asisik thansi, ahuwit ajat-jat nali puye, la-amun nali bor-eh chokman. “Anengrong aro lam-lun pen nengsam chipado, piyok pu tene ethakpe long nali banta ako-ong do. Piyok pu tene aporong turkihel pot badi kido, analiyokta arleng hel ladisi honjat kipi.

“Chingduk hopne kido abangsi bor-eh chokman; piyokte pu tene anali Arnam seme-kitang longri hlonge!

“Nalisi pirthimipe ingti; manta ingti lam plakngo, tene anangyok potbadi padok phak une? Labang la-amun parake isi asal meme, mokol yok kitidet, aro arleng hel dong sinek aphan si michangman.

Lasi nali ethakpe long Apa jibadi kime chokphlen, nalita lateng chokphlen chiplangot.

Manta nali lamthe, ‘oik’ pu tene ‘oik’ pu, lale ‘kalek’ pu tene ‘kalek’ punot; layok ke ongchot pu tene, anang pap-ajiu parasi wangman.

Labang kipu, nali arju hlongo, “Amek aholan amek, aso aholan aso; manta ne nali thando, nali kapangho poyok teng dunnek; manta inghone bak nang ancho-ari aga ang-om nang ardep, tene debera-ari aga ang-omta bipiwen.

Lasi nang ancho-ari amekpo pap pawangman, tene bangpo hekpokne nang para tinot; piyok pu tene nang abangpo jomlong kachiti ayok ke, abangpo isi arorem kapanghosi nangphan akime. Aro nang ancho-aripo nangpap pawangman, tene bangpoyok ta thuhletne nangpara tinot; piyok pu tene nang abangpo jom along kachiti ayok ke, isi abangpo arorem kapangwesi nangphan akime.