Baverset oyo Eyebani Mpenza ewuti na JOHN 14

Kabola

“Ina nathumli chingri kahai haikhamina; I khalattawui chingri kahai nathumli khamina. Okathuina khami thada nathumli khami maningmana. Wukmakhananglakalu; khangacheela mangacheealu.

Jishuna ngahānkai, “I shongfana, khamashungana, kala kharingana; iwui eina maningla Avāva̱wuili khipākha marāpaimana.

Jishuna hānga, “Wuk makhanangalu; Vareli shitsangmalu, kala ilila shitsanglu.

Iwui ming eina Avāna shirātki kaje Manglā Kathara, Machinme china ot saikora nathumli tamchitheira, kala ina hāngkahai saikora phaningung ngasakra.

“Kachikathāna iwui ningkhami khuisangda mayonakha a ili leikashena. Ili leikashe chili iwui Avānala leishira; inala ali leishida I khalatta ali phongmira.”

Ina Avāli pora kala ana nathumli katang mavaila ngasopamki kaje Machinme akha mira, khamashungwui Manglā china nathumli ngasopamchingra. Chi apuk-apagva̱na masamphangkhararra khamashungwui Manglāna. Kachiwui vangkhala kaja apuk-apagva̱̱na ali mik einala matheimana, ning einala theikakhuila maleimana. Nathumna ali thei, kaja ana nathumli ngasopamda lei kala nathumwui lungli leira.

Kala nathumna iwui ming eina kapopo chi ina sāmira, chieina Avāva̱wui tekhamatei chi Anaomayarawui mangā eina theikhuipaira. Nathumna iwui ming eina kapopo chi ina mira.

“Nathumna ili leishiakha iwui ningkhami mayonra.

Iwui Avāwui shimli pamkhavai kā kachungkha lei; chi maningsi kaja ina nathumwui vang pam angaranura da hāngrala?

Kala nathumwui vang pam angarānhailaga nathumli rāhokhuiluira, chieina I khaleipamli nathumla leira.

Thomasna hānga, “Proho nana vāki kaji shongfa ithum matheimana, chili vākhavai shongfa chi kathada ithumna theirakhala?”