Baverset oyo Eyebani Mpenza ewuti na Lwiki 14

Share

“Lò mɔ̀bɔ́ ǹ nə́ ǹ yâl ń bə̀ àmyɛ́ sono, ń jà ǹ bə nɛ só du ǹ da ǹdə́ ǹ ná ǹdə́ ǹ kɛ̃ ǹdə́ ǹ da-byâ ǹdə́ ǹ nəkwá, bá ǹ cìcì myə̂l lé, ǹ wàr ǹ mʼâ yə̀ à kwã-lò yé.

Lò mɔ̀bɔ́ ǹ yə̀ ǹ də̀-jɔrhɔ́ w kwè ń zhĩ ń mə́ tó à kùrə̀, ǹ wàr ǹ yàl à kwã-lò yé.

Lò mɔ̀bɔ́ gakó ǹ nə́ ǹ zhẽ̌ ǹ cìn dɛ̃̌, bə̀ mʼa lwəl mó tɛ̃´, sə lò mɔ̀bɔ́ ǹ nə́ ǹ lwəl ǹ cìn tɛ̃´, bə̀ mʼa zhẽ̌ mó dɛ̃̌.”

Èta myɛ, ámyɛ̌ wẽ́, lò mɔ̀bɔ́ ǹ tá ǹ yâl ń yẽ̌ kɔn dɛ̀bɛ́ gakó ǹ zhe mó ne, ǹ wàr àmyɛ́ kwã-lò ǹ la yál yé.

“Ámyɛ̌ mə̀dù gə nə́ ń yâl n lù jì nánfwɛ̀lɛ̀, ń tá ń la jɛ̀rɛ̀ n jòm tɛ̃´ n nyǐ kɔn dɛ́ tɛ̀bɛ́ ń zhe mó mʼa yí jì y lú? È gə də̀ rə̀myɛ́, ń gə ju jì y kùrə̀, n zɛ̃̀ ń yə̀ y lwì n zhɛ̀, lyì bí byɛ̀bɛ́ gakó bə̀ la y nɔ mɔ́ bʼa zɛ̃̀ bə̀ nʼê mɔ̀n mɔ̀ bə̀ mʼê zhe: ‘Nyǐnə bal mɔ́ mɔ̀bɔ́ ju ń jì kùrə̀, sə ń yə̀ ŋwɛ̀nɛ́ n lù y n zhɛ̀ yé.’

Ǹ gə tɛnɛ címsi kùjú, sə́ byẽ̀ nə̀mwà ǹdə́ gwànsɛ̀ ǹdə́ byɛ̀bɛ́ bə̀ nʼê twi cə́ ǹdə́ lyìlyə̂r. Ǹ gə wɛ̀rhɛ́ èta, ǹ mʼâ yə̀ wu-nyɔ̃̀ cə́bal, bə̀ bə̀ wàr kaka bə̀ la mɔ́ cârh yé. Yi mʼa càrh mɔ́ rɛ dɛ̃ rɛ́ tɛ̀bɛ́ lyì-ècɛ̀nà bɛ́ la bùrhù mú yùwə̀.”

“Nə̀kwə̃̌ nyɛ̀, sə è gə tárh, etər è mʼa tó né e kʼe zə nyí? È bə càn ǹdə́ cɛ w ló, bə jʼà wàr bə̀ la zə y bə wɛ̀rhɛ́ pùlú myɛ yé. Bə̀ mʼa dwĩ̀ y pwẽ̀ nè. Lò ǹ la cilu, sə́ cili.”