Baverset oyo Eyebani Mpenza ewuti na Jòvánì 10

Share

Mbe ngbà gì ŋìndi wó cuki ká gítí nèté bà ngbà i, ta bà ziki ndâ i-kó-ko, ta bà mèèkèꞌi tí ndú. Káa ye gì a i tacó wàa ndú ꞌví ꞌde ta ꞌválá, wàa ndú ꞌví ꞌvala pètèkèè go dó kpâ ta bèmbílì.

Ye a tó mbe kpolo tí ndâ i-kó-ko. Tó mbe kpolo tí ndâ i-kó-ko a ŋa mbe kpolo tí ndâ i-kó-ko ŋìnó mbe kû cì á muu ndâ i-kó-ko mì wó nô.

Ndâ i-kó-ko mì ye ꞌdi kòcò ye ni gî. Tacó énò, ndú kû ṛu ndi ye. Ze ŋò tí ze ta ndú ni gî.

Gbèe i-kó-ko mì ye bà giṛi wálá, tacó ye je yeè-ꞌválá ŋìnó mbe cee lá nó ji ndú gî. Mbe kaa ndú ꞌdo tí ye ta wotí wálá

Káa, ye a njekèjì ndùgù. I-kó-ko má ṛì gí tàꞌi có a i mì ye, i-kó-ko tí nò ꞌvala gî. Yí bà ṛì gí tàꞌi ta gbí dìì wó ngbáṛángàꞌi, yí bà co gí sè ta dìì wó ngbáṛángàꞌi, yí delè bà ꞌde i-zó-zò gî.

Káa ye a tó mbe kpolo tí ndâ i-kó-ko. Ye ŋò ndâ i-kó-ko mì ye ni gî, ndâ i-kó-ko mì ye delè ŋò ye ni gî.

tacó ꞌbí ꞌduù ta wotí tí wó mbe ꞌvii ta Bu ye tí nó tí mbe kaa ndú ji ye nó wálá. À má énò, ꞌbí ꞌduù mbe ṛa ndú tí ṛíngbá ꞌdo ꞌbì Bu ye wálá. Ze ta Bu ye a ndâ gbèe ꞌduù.»

Ze ŋò tí ze ni ta ndâ i-kó-ko mì ye, ká go bà ŋò tí ze ni ta Bu ye. Ye delè gbì gbí njembí ye gítí ku muu ndú gî.

À me ꞌduù ká kû zi ye lá. À káa ye ká ùnje gítí bà cì ye ꞌdo gbí ꞌdóó có mì ye gbí muu ye. Bu ye je wotí bà cì ye go có mì ye gbí muu ye nò ji ye gî. Yí delè giì je wotí bà ꞌvala ndi ye á ꞌdo gbí ku ji ye gî.»

Tacó énò, Jézù giì ꞌdè có ji ndú ngbáṛángàꞌi énó máa, «Ye kû ꞌdè có ji yo ta yúcó máa, ye a njekèjì ndùgù mì ndâ i-kó-ko.

ꞌDuù ŋìnó mbe kû kpolo tí ndâ i-kó-ko mì ꞌbí ka wó ká tacó bà pà yê tí wó cuki nó ká kû ì ngèlè jee ndâ i-kó-ko ji kàzà. Yí má ŋò sílì tí kàzà ngé gî, yí kû ì ngèlè si tàmuu ndâ i-kó-ko ji kàzà kû zèè ndú, delè kû njè gbí ndú jááká-jaaka ta gbí jìlì.

Jézù giì lòkòꞌbò có ji ndâ ꞌduù máa, «Mbe ꞌvìì ndùgù tacó bà ṛì gí tàꞌi mì ndâ i-kó-ko a mbe ngbà tí mbe kùmùkù i mì ndâ ꞌduù.