Baverset oyo Eyebani Mpenza ewuti na Jòvánì 6

Share

Káa Jézù giì ꞌvìsì có ji ndú máa, «Ye a i-zó-zò ŋìnó mbe kû je ꞌválá ji ndâ ꞌduù nô. ꞌDuù má gì gí mì ye gî, go bà bàkà yí kákáꞌi wálá. ꞌDuù má ùnje ta njembí wó gbaànjé gítí ye gî, go ngo bà bàkà yí kákáꞌi wálá.

A Bèṛi-mì-Mbíṛì ká kû je ꞌválá ji ꞌduù. ꞌDuù ꞌvala ꞌduù lá. Ndâ có tí nò náa ye ꞌdè nò a Bèṛi-mì-Mbíṛì tí mbe je ꞌválá ji yo. Ndâ có tí nò delè a ꞌválá.

Yo si bà yeeke tí yo ká tacó ŋa i-zó-zò ŋìnó mbe dù gbí yì yo tí ká lá nó cuki mí to. Yo bàkà nèté a i tacó ŋa i-zó-zò ŋìnó mbe je ꞌválá ŋìnó mbe cee lá nó ji yo nô. Ŋìnò a ŋa i-zó-zò náa ꞌViì-mì-ꞌDakò kû je ji yo, tacó Bu ye tí Mbíṛì bàkà ꞌdóó ndi ꞌbì wó mítí ꞌViì-mì-ꞌDakò gî.»

Có mì Bu ye énó máa, ꞌduù mbe ŋò ꞌViì mì yì ni gî, bìndi  yí giì ùnje ta njembí wó gbaànjé gítí wó gî nó, bà ꞌde ꞌválá ŋìnó mbe cee lá nô; à má énò, ye bà ꞌvala ndi ndú ꞌdo gbí muuꞌdú ndú ta ndòngbú o.»

Jézù bà-i-nò giì ꞌvìsì có ji ndú máa, «Nèté ŋìnó ta go  tí Mbíṛì máa yo ꞌví bàkà nó a bà ùnje ta njembí yo gbaànjé gítí ꞌduù tí nó náa yí tí Mbíṛì tuu yí nô.»

Ndâ ꞌduù ŋìnò ꞌdáá náa Bu ye je ndú ji ye nó bà gì gí mì ye. Káa ꞌduù má gì gí mì ye gî, ye bà bè yí wálá.

Káa Sìmónè Pìyétòrò giì ꞌvìsì có ji yí máa, «Ze ꞌví ya gí mì ꞌdi, Mbe tí ze? A wò ká kû ꞌdè ndâ có ŋìnó mbe kû ꞌvala ndâ ꞌduù nô.

Ye a i-zó-zò ŋìnó mbe gì ꞌdo gbíṛì, mbe kû ꞌvala ndâ ꞌduù nô. ꞌDuù ŋìnó mbe zò i-zó-zò tí nò gî bà ꞌvala ká dúú bà ya tí . Káa i-zó-zò tí nò náa ye bà je ji ndâ ꞌduù nò a dìì ye, tacó bà ꞌvala ndâ ꞌduù á muu to tí nô.»

Tacó ꞌbí ꞌduù gbaànjé bà gì gí mì ye ta muu wó wálá, sè  káa ŋìnó máa, a Bu ye tí nó tí mbe tuu ye nó ká gbà tàmuu wó gì tí  ji ye. Káa ye bà ꞌvala yí ꞌdo gbí muuꞌdú wó ta ndòngbú o gî.

tacó i-zó-zò mì Mbíṛì a ŋìnó mbe kû gì ꞌdo gbíṛì. I-zó-zò mì Mbíṛì a ŋìnó mbe kû ꞌvala ndâ ꞌduù muu to tí nô.»

Ye a i-zó-zò mbe ꞌvala ndâ ꞌduù.

Ndâ ꞌduù tí nò mâ giì ki tí ndú to gî, Jézù giì kaa ndâ kù kô tí nó vô náa Àndèréyà ꞌdè có gítí ndú ji yí mì ꞌbí ꞌviì nó, yí giì ꞌdè nìkì maa ji Mbíṛì, má kózò gî, yí giì kaa ji ndâ ꞌduù. Yí giì dele ndi wó giì kaa ndâ njì sè tí nó sósòꞌô mì gbèe ꞌviì tí nò nó, yí kákáꞌi giì ꞌdè nìkì maa ji Mbíṛì, bìndi  yí giì kaa ndú gí tàkò ndâ kù kô tí nó vô nó ji ndâ ꞌduù. Ndâ ꞌduù mâ giì zò i yè yì ndú ꞌdáá gî gî, Jézù giì ꞌdè có ji ndâ mbe tala có mì wó máa, «Yo kili ndâ sè i-zó-zò ŋìnó ta to bìndi ndú nó ꞌdáá gî. Yo si ꞌbí làmbu i ꞌví volo mí to lá.»

Ndâ mbe tala có mì Jézù mâ giì ya ta gbâ ta kpéétí ndú kpòṛó gí gbí u ngo gî, ndú giì ŋò ꞌduù kû nò nó có ṛo ngo kèjì gí tàkò ndú. Káa ndú ŋò ni énó máa ꞌduù tí nò a Jézù nò lá. Yí mâ giì dooko ta ndú gî, gúku giì zèè ndú tí vò ŋa ŋìnô. Káa Jézù giì ꞌdè có ji ndú máa, «Yo cì gúku lá; a ye!»