Baverset oyo Eyebani Mpenza ewuti na Yoona 7

Share

Konyan wa nwuak fwuo da̱ nung a̱ni, ma̱nang A̱lyiat A̱gwaza na nhyia̱ a̱ni; ‘Mami nfwuo gu kikya nang a̱chi̱chen a̱sa̱khwot nwuat swuan ba ntyong.’ ”

A̱tuk ngaan A̱yet Á̱suswak ka, mam a̱hwa hwa yet a̱gba̱ndang mam a̱yet wu. Yesu si̱ doot a̱ yong. A̱ si̱ ta̱ngam a̱nwuat ka mi̱ chet nyia̱, “Konyan wa fwuong mashyi a̱sa̱khwot a̱ni, gu bai da̱ a̱vwuo nung, gu swuo!

(Yesu lyiat á̱lyiat nani tazwa A̱za̱za̱rak Ntswa wu nang á̱niet ba̱ nwuak fwuo da̱ nggu na san a̱ni. Mat ba̱ng ba̱ tat jen jini á̱ ka̱n ta̱m ma̱ng A̱za̱za̱rak Ntswa wu bah. Mat á̱ ka̱n ta̱ngam Yesu ma̱ng swuan ma̱ á̱niet ba̱ ka̱n kwi a̱ni, a̱ si̱ shya̱ a̱kyenkyai shi tyok nggu wu bah.)

Nyi yok nyia̱ shi̱ri̱ya nyin ji tazwa kyang nang nyi li ma̱ng á̱ghyi bya a̱ni bah. Nyi nyia̱ shi̱ri̱ya ji mami a̱chuchuk ma̱ng kyang nang nyi lyen wa a̱ni.”

Ka̱ a̱yin lyiat di̱ nkyang na̱ yet si̱ a̱pyia̱ nggu a̱ni, a̱ ni̱ chat a̱ nwuak a̱pyia̱ nggu shi hwa. A̱wot a̱tyu a̱ lyiat da̱ a̱kwonu a̱tyu a̱ ta̱m gu a̱ni, da̱nian a̱ chat a̱ ka nwuak a̱tyu a̱ ta̱m gu a̱ni wa shi hu; nggu wa byia̱ a̱chuchuk wu. A̱ yet a̱tyu bwoi a̱ka̱laa wa bah.

Yesu si̱ nwuak ba shim, “Ta̱m ji nang n tyiet a̱ni, ji̱ yet si̱ nung ja bah; ji̱ neet da̱ a̱vwuo A̱gwaza kya. Nggu wa ta̱m nung.

Swanta hu si̱ mi̱n dak nyin bah. A̱wot nung gwa nang á̱niet mi̱ swanta ba lak li hu. Mat n tak ma̱ng a̱mba nang ba̱ nyian a̱ka̱tuk nkyang.