Baverset oyo Eyebani Mpenza ewuti na Matayo 22

Share

Yesu azongiselaki ye : — Linga Nkolo, Nzambe na yo, na motema na yo mobimba, na molimo na yo mobimba mpe na makanisi na yo nyonso. Yango nde mobeko ya liboso mpe eleki monene. Mobeko ya mibale oyo ekokani na yango : « Linga moninga na yo ndenge yo moko omilingaka. »

Mibeko nyonso mpe mateya ya basakoli evandi kati na mibeko oyo mibale.

Pamba te babengami bazali ebele, kasi baponami bazali moke.

Na mokolo oyo bato bakosekwa kati na bakufi, bakobala lisusu te ; kasi bakozala lokola ba-anjelu kati na Likolo.

Bolakisa Ngai mbongo oyo bofutaka na yango mpako. Bamemelaki Ye mbongo moko ya ebende. Atunaki bango : — Elilingi mpe makomi oyo ezali ya nani ? Bazongisaki : — Ezali ya Sezare. Yesu alobaki na bango : — Bopesa na Sezare, oyo ezali ya Sezare ; mpe bopesa na Nzambe, oyo ezali ya Nzambe !