Baverset oyo Eyebani Mpenza ewuti na Mak 13

Share

Viʼi vətsèm lu bàyn ghə̀ŋ tò byìʼì mò, alì no ndò a ghə̀ lu ghaʼ tyɨm əzaʼa fa kəmwètə, Nyìngòŋ lu bwòŋsə wen.”

Ghə̀ŋ ntùʼmə̀ be bvʉ̀tə̀ byìʼàndo ghə̀ŋ ko kɨ zhʉ a nyʉ̀ avenə lu lyɨ kəshi.

Və ghaʼ ghə̀ŋ sə ndyʉ̀ nə̀ ghə̀ŋ a kəbòʼ kə nsoʼ, kə ghə̀ŋ a nkaynə mbi la ghə̀ŋ a dyʉ̀ ə gàʼ la ghò lo. Ghə̀ŋ dyʉ̀ ghə̀ŋ gàʼà tò kənyʉ̀ kì a və a ku la ghə̀ŋ gàʼ a zhʉ ayì byìʼàndo à ko lu ngàʼà ghə̀ŋ. A lu ngàʼà kəzhwì kəŋwoʼəkə.

Kàŋ wenə̀ nse lu chò, alì no kənyʉ̀ kə ko lu kwitə fa tì nyʉ̀ venə a ma gàʼà à ghə̀ŋ lə̀.

“No wìʼ muʼ ko diʼ a ghə̀ kɨ kətsi ko zhʉ a Wàyn Wìʼ lu vì. No tè ntsɨ̀ŋsə ngə̀ŋ Nyìngòŋ a kàŋ ko kɨ kò andìʼ la wàyn ə kɨ. A kɨ tò tìʼ.

Ghə̀ŋ sətsèn zhʉ̀ la və temə ghoŋ kəghaf bè zhʉ̀ la tətsentə boʼsə vì, kə ghə̀ŋ à fàyn byìʼàndo nyʉ̀ a venə diʼi lyɨ̀ kəshi mibu kənsèsə̀ kə mbi kə sə vì.

Ghə̀ŋ ŋwʉʼ lì ə mbvʉ̀tə̀ byìʼ ando ghə̀ŋ ko kɨ̀ la tì kəbəŋ ayì vì a kəlyɨŋ kə mpfwomə mu a ntìntìn nəntʉʼʉ mu, mu ghə̀ a vì a zhʉ a nkə̀ʼ toŋ li mu, ghə̀ a vì a tsi boʼòngə̀ŋ lo. Ghə̀ŋ faŋ ke mbvʉtə̀, ghə̀ à sə kəblə̀ vì ə̀ yèn ghə̀ŋ, ghə̀ŋ bʉnə̀. Kənyʉ̀ kèn a ma gàʼà à ghə̀ŋ lə ə dyʉ̀ à viʼi vətsèm. Ghə̀ŋ mbvʉ̀tə̀.”

Təloʼ tə lu nsoynə tətsentə, təfòn tə soynə tətsentə, pfensə mʉ̀ʼkə̀, jɨ̀ŋ be ku no a shì tsèm. Nyʉ̀ avenə lu nlyɨ̀ kəshi alə̀ à bu diʼ tò kənzìtə̀ kə ngəʼ ghoʼo.

Və diʼi shə̀ʼtə̀ ntɨm ə jùŋə ayì à viʼi təloʼ tətsèm mibu kənsèsə̀ kə vi.

Viʼi lu mvì no vəghoʼo à mò a zhiʼ gàʼà la, ‘A dìʼ tò no mò lə̀!’ Və lu lobtə nghoʼo viʼi a ji aghèn.

“Nkàntə̀ ghə̀ŋ diʼ ntùʼmə̀. Və lu ghaʼ ghə̀ŋ ə ku la və soʼ ə̀ ghòm ghə̀ŋ a aloʼ ntsèntə̀sə a shɨ viʼi a və soʼo nə̀ təfòyn tə byìʼì mò, ghə̀ŋ lyɨ kəshi kom ə̀ tùʼtə̀ shə̀ʼtə̀ ntɨm jùŋ ə ghom a vəwenə.

Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

“A lu ndiʼ a mətsi a ngəʼ ghoʼo ayì cho li chʉzhʉ bwensə fen. Sàŋ ko be lu mbanə. Mədzɨ̀ŋ a mə diʼ a kàŋ lu fəŋkə, fo tsenəvə vi a və bè dìʼ a kàŋ be shènkə.