Baverset oyo Eyebani Mpenza ewuti na - उत्पत्ति 3

Share

सो जब बईयर ने हेरो कि ऊ पेड़ कौ फल खाबे में नोंनो, और हेरबे में मन हों भाबेवारो, और बुद्धि दैबे के लाने सोई बढ़िया आय; तब ऊने ऊहों तोड़कें खा लओ, और अपने घरवारे हों भी दओ, और ऊने सोई खाओ।

यहोवा परमेसुर ने जितेक बनैले पसु बनाए हते, उन सब में सांप चतुर हतो; ऊने बईयर सें कई, “का सांची आय कि यहोवा परमेसुर ने कई, ‘तुम ई बगिया के कौनऊं पेड़ कौ फल नें खईयो?’”

मैं तोरे और ई बईयर के मजारें, और तोरे बंस और ईके बंस के मजारें बैर पैदा कराहों; ऊ तोरी मूंड़ हों कुचल डालहै, और तें ऊकी ऐड़ी हों डसहै।”

फिन यहोवा परमेसुर ने बईयर सें कई: “मैं तोरी पीड़ा और तोरे गरभवती होबे के कस्ट हों बेजा बढ़ाहों; तें बेजा पीड़ित होकें बच्‍चा पैदा करहै; फिन भी तोरी लालसा तोरे घरवारे के लाने हुईये, और ऊ तोए पै राज करहै।”

और अपने माथे सें पसीने की रोटी खाए करहै, और आखिर में माटी में मिल जैहै कायसे तें ओई में सें काड़ो गओ आय; तें माटी तो आय और माटी मेंई मिल जैहै।”

यहोवा परमेसुर ने आदम सें कई: “तेंने जो अपनी घरवारी की बात सुनी, और जौन पेड़ के फल के बारे में मैंने तोए हुकम दओ हतो कि तें ऊहों नें खईयो, ऊहों तेंने खाओ आय ई लाने धरती तोरे कारन स्रापित आय। तें ऊकी उपज जीवन भर कस्‍ट के संगै खाए करहै

यहोवा परमेसुर ने कई, “कीने तोए बताओ कि तें नंगो आय? जौन पेड़ कौ फल खाबे हों मैंने तोहों मना करो हतो, का तेंने ऊकौ फल खाओ आय?”

ई लाने आदम हों ऊने उतै सें काड़ दओ और जीवन के पेड़ की गैल कौ पहरा दैबे के लाने अदन की बगिया के पूरब कोद करूबों हों, और चारऊं कुदाईं घूमबेवारी आग सें भरी तलवार हों सोई तैनात कर दओ।

आदम ने अपनी घरवारी कौ नाओं हव्‍वा रखो; कायसे जितेक मान्‍सन जिन्‍दा आंय उन सब की आदिमाता ओई भई।