Baverset oyo Eyebani Mpenza ewuti na Luc 11

Kabola

Bibɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n! Nye óntɨ̌h Sísǐm wé, duho ɨ́ jʉ́o kʉ́, dwe wé bʉr o dí egwâm nyé wǎ bá.»

«Mɛ̌m lɛ́ɛ́ e bɨ̌n ó, gwámáá gâ, bɨ̌n nkʉ̂ bi. Sáŋáá gâ, bɨ̌n nkʉ̂ bee. Kwáʼláá gá ebê, lé nkʉ̂ dibɔɔ bɨ́n.

Ebě, mʉr nyɨnyɛ̂h dí egwâm nyá, óbi. Mʉr dí esáa nyá, óbee. Ebê, lé ódibɔɔ lɨ́ esú é mʉ̂r dí ekwâʼle nyá.

Yésʉs ntɔ̂ʼ lɛ́ɛ e bé ó: «Jɔʼ bɨ́n dí ejɨʼla yɨ́, lɛ́yɨ́ɨ́ gá ó: “Sɔ́ŋ wɨ́h, lɛ́ʼláá bʉ̂r bɨ́bɛ̂h ó, go ó Nzyɛ̌m dí ti nyá. Jwɨ́ɨ́ yô, yé ntâʼ.

Pɛʼɛɛ bíbaa gó á niʼe bɨ̌h ɨ́ lɔ̌b mébébe mɨ́h bí, ebě, bɨ̌h ntémé bé lɨ́ epɛʼ bíbaa bɨ́h dí eniʼe bʉ̂r bɨ́bɛ̂h ɨ́ lɔ̌b ébébe bé dí esâ bɨ́h lɨ́. Ayɨ́ bîr ó, bɨ̌h níʼee ɨ́ mebʉ́blá.”»

Jwǐdwéʼ bɨ́h mede me jálá e bɨ̌h ɨ́ dʉ́ó lɨ́lɛ̂h má.

Díh lô, lé ó eláma e nyʉ̂l nyǒ. Yé bé díh lô, lé ó mbɨ̂mbɨá nó, lɛ́ɛ́, nyʉ̂l nyǒ nyɨnyɛ̂h, nye ó ɨ́ myɛ́n tʉ́ŋlʉ̌. Lé bé abě mbɨ̂mbɨá nó, lɛ́ɛ́, nyʉ̂l nyǒ nyɨnyɛ̂h, nye ó lɨ́ edúrʉ́ʉ́.

«Mʉr, nyé abe lɨ́ etumo éláma lɨ́ esú lé égbâ lé lɨ́ esǒ. Yé jala ó, bé tyélɨɨ lé ɨ́ tyélátyéla éláma kʉ́, ó bʉr nkʉ̂ kœ̌b mbɛ̌r e myɛ́n ɨ́ jɔʼ yɨ́yɛ̂h bé nî yɨ́.