Baverset oyo Eyebani Mpenza ewuti na Matius 3

Share

Nashana! Nno bo moof. Tna kbe raa mhar mawe anu nashana oh.

Tna raa mari mai sau mbam ayoh mawe, “Ait tait akut aJõ ro Jõ thafri. Ait tait, Jõ thaf mnan!”

Yohanes baptis Yesus, tna Yesus frok ybam aya yaut. Frok si fo, ayoh twat. Tna Yesus ymat Har ro Tuhan haberek mnan fi ruu merpati sau. Ruu reto fru mama mroh abyõ kʼAit.

Jõ baptis anu mkah aya sai. ⌞Reto mawe anu nashana oh.⌟ Jõ tama wia tatim. Tna Ait ro yase yiwer jõ sait kbe yama yrof jõ. Jõ fi raa ro taku sai. Kbe tbo sandal ro yse yaa rAit to fee. Jõ toof mnan si fee. Ait yama to, meen baptis anu mkah Har ro Tuhan. Tna Ait baptis anu mkah tafoh ye.”

Soh anu nno feto to, anu nfi kake mara ro mros make mawat tna moof. Allah yatem ybo baam oh. Ait siwyan yfat ara. Kake mara ro make rau mkair to, kbe Ait yfat tna yoo beak mam tafoh makus mait. Anu ja nnaut nwe, ‘Amu fo kube ro Abraham wait renti. Feto to kbe Allah yno riof kʼamu fea!’ Menohe mfe; nnaut feto ma! Allah yatak haberek fraa wefo mamo kube renti ro Abraham wait ye!

Yohanes oh mi tiwya nabi Yesaya ykyas wia yawe, “Meen raa sait kbe yama ykyas bo woJõ mam yuk ro riamo sau. Ykyas yawe, ‘Mbetrot iso mkah Tuhan yama! Nisoh iso kʼAit!’” Yesaya 40:3