Baverset oyo Eyebani Mpenza ewuti na Yɔhánɛsɛ 7

Kabola

Wɛ́ɛ́yɛ́ ɔwá a ŋɔ nɛkɔmba tálɛ́na ɔ ɔwámɛ, tɔyábálá tɔ́ mənífə́ má buɔmɔ́ má ŋɔ njɛa ɔ ɔwayɛ́ mɔlɛ́má, ɛ́sɛ́á Mətilə má ndɔ laa».

Hinó hínítifə́ hɛ́ ɛŋganda hɛ́ ka bá hinó hɛŋɛ́ŋa ɔ ɔyáyɛ́na. Yə́susu a ná hɔalɛ́na, a ná yə́mə́ a sɛ́á: «Ábá mɔndɔ a báka na nimótí, á sɔ́nɔ́ na mɛaŋɔ́á, á ndányaa.

A ka bá a ndɔ hɛ́na nɔ́yɛ́ ɔwɔŋgɔkɔnɔ Umbúínyi Mɔnaŋanaŋa ɔwá bááyɛ́ bá ŋɔ kusənə ɔbá bá ŋɔ nɛkɔmba tálɛ́ná ɔ ɔwayɛ́. Ɔ yɛ́táyɛ́ ikúílí, Huɛlɛ́ a sa bá a nɔ́ Umbúínyi índiə bɔkɔasɛ́á, a sa bá a nɔ́ Yə́susu úmə́siə.

Nɔ lɛ kə́lə́síə́ ɔwɔŋgɔkɔnɔ bɔ́ɛ́yɛ́ ɔbɔ́á bɔ́ ndɔ sinənə na məə́sə, mba, nɔ́ kə́lə́sə́kíə́ ɔ taká.»

Ikúílí mɔndɔ a ndɔ hɔ́ɔ, ábá bɛ́áyɛ́á bɛtambá bɛ́ ndɔ húlínə na wɛɛ́ya bɛ́múɛ́tɛ́, tɔ́áyɛ́á tuúmə tɔ́ wɛɛ́ya bɛ́múɛ́tɛ́ a ndɔ siə. Mba, ábá mɔndɔ a ndɔ tuúmə tɔ́ wɛ́ɛ́yɛ́ siə ɔwá a ná wɛɛ́ya lɔ́má, a ndɔ hɔ́ɔ́ taká, a lɛ ndɔ kanja.

Yə́susu a sɛ́á: «Bɛ́ámɛ́á bilə́líə́ bɛ́ lɛ ndɔ húlínə na mɛaŋɔ́á, mba, na wɛ́ɛ́yɛ́ ɔwá a ná mɛaŋɔ́á lɔma.

Bɛndɔ bá yɛ́ɛ́yɛ́ misí bá sa ósó uwənú ɔbánya. Mba ɔwámɛ, bá ndɔ mɛaŋɔ́á bánya bɔkɔasɛ́á, mɛ ndɔ fə́mə́ləniə ɔwá bɛkɔa ɔbɛ́á bá ndɔ kɛa, bɛ́ lɛa bɛbɛ́á.