Baverset oyo Eyebani Mpenza ewuti na JUAN 13

Kabola

Kay musuq kamachiyta quykichis: Qankunapura ujmanta uj munakuychis. Imaynatachus nuqa qankunaman munakuykichis, ajinallatataqmi qankunapuraqa ujmanta uj munakunaykichis. Qankunachus ujmanta uj munakunchis chhikaqa, tukuy kaypacha runakunam qankunapaq yachaqaq qatiqniykikuna kasqaykichismanta riparakunqaku.

Nuqachus Yachachiq jinataq Apu Tatajina kachkaspa, qankunaman chakiykichista mayllaqaykichis chhikaqa, qankunaqa kikillantataqmi qankunapura chakiykichiskunata mayllaqanakunaykichisqa. Kay ruwasqaywanqa, qankunapaq kikinta ruwanaykichispaqmi nuqaqa uj rikuchiytajina quykichis.

Jesustaq payman ajinata jaynirqan: –Anchakunanqa imatachus ruwachkani chaytaqa manam yuwaywan jap'iqachkankichu, chaywampas chhikamantaraqmi yuwaywan jap'iqankiqa –nispa.

Sut'inta niykichis, imaraykuchus manam maykaq jaywaqpas wasiyuqninmanta astawan kurajkaq kachkanmanchu, jinataq manam maykaq kachamusqapas kachamuqninmanta niqtimpas astawan kurajkaq kachkanmanchu.

Kaykunatachus yuwaywan jap'iqankichis jinaspataq ruwankichis chhikaqa, kusikuyniyuqmi kankichis.

Chayraykum ch'isi mikhuyta mikhuchkaqtinku, mikhuna chhikamanta jatarispa, mantillunta wijch'uwachaspa uj thanthawan thiqni patanmanta wataykukurqan. Chhikamantataq uj t'apipi unuta jich'aykuspa yachaqaq qatiqkunapaq chakinkunata mayllaqayta qallarirqan, jinaspataq thiqni patampi watasqa kachkarqan chay thanthawan phiskuraspa ch'akirachirqan.