Baverset oyo Eyebani Mpenza ewuti na LUCAS 17

Share

Jinaspa chay runaman ajinata nirqan: –Jatariy jinaspa puripuy; iyaw nisqaykiraykum alliyachisqa kanki –nispa.

Qanchis kutichus uj p'unchaypi qanman mana allinta ruwaspa juchachakun, jinaspataq qanchis kutillataq qanman: ‘manañam chayta ruwasaqñachu’ –nispa jamun chhikaqa, pampachanaykim.”

Paykunamanta ujkaqtaq, pichasqa kapusqanta rikukuspaqa, athun kunkanwan Diosman yupaychaspa kutirimurqan, jinaspataq Jesuspaq ñawpaqimpi killpiykukuspa, pampakama k'uñuykukuspataq payman yuspärayta qurqan. Kay runataq Samaria suyumantam karqan.

¡Qhawaqarikuychis! “Wawqiykichu qanman mana allinta ruwaspa juchaman chayan chhikaqa, k'amiykuy; chaywampas allin chiqa runamanchus kutipun chhikataq pampachapuy.

Jesustaq ajinata nirqan: –¿Mayqinkunachus unquyninkunamanta pichasqa karqanku chaykunaqa, manachu chunkayuq kachkarqankuri? ¿Wakin isqunniyuqkaq maypitaq kankuri?

Tata Jesustaq paykunaman ajinata jaynirqan: –Qankunachus mustasapaq uj juch'uy mujunjina iyawniyuq kawaqchis chhikaqa, kay sach'aman ‘chay chhikamanta t'irarqukuy jinaspataq quchaman mallkiykukumuy’ niwaqchis chhikaqa, payqa uyarisunkichismanmi.

Pichus kawsaynin qhispichiyta munanqa chayqa, kawsaynintam apt'akunqa, chaywampas pichus kawsayninta apt'akunqa chaytaq qhispichinqam.

Jesusqa yachaqaq qatiqninkunaman ajinata nirqan: “Jucha ruwayman qhawachiqkunamantaqa manam jark'aqakunajinachu kachkan; chaywampas ¡imalla kachkanqa pi runachus wakinkunata juchaman urmachichkan chaypaqqa! Uj juch'uy nuqaman iyaw niq wawaykunata juchaman urmaykuchinanmanta niqtimpas, allinraqmi kanman uj athun piqana marana rumiwan kunkanmanta wataykuspa athun quchaman chhuqaykunankuqa.

Imaynatachus Noé runapaq pachankunapi ruwakurqan, ajinallataqmi Nuqa runapaq Churin kutimunay p'unchaykunapi ruwakunqa. Runakunaqa mikhuchkarqanku, ujyarachkarqanku jinataq runachakuchkarqanku, Noé runapaq athun yampuman waykupunankamaqa, chhikataq unuwan juchanchana p'unchay chayamurqan jinaspataq tukuyninkum wañurapurqanku.