Baverset oyo Eyebani Mpenza ewuti na LUCAS 19

Share

Imaraykuchus Nuqa runapaq Churinqa imachus chinkasqa kachkarqan chay maskaq jinataq qhispichiqmi jamuni –nispa.

Paykunataq ajinata nirqanku: –¡Yupaychasqa kachun, Dios Tatapaq sutimpi jamuq Qhapaq suyu apaykachaqqa! ¡Sunqu tiyaykuy janaqpachapaq kachun jinataq sumaq k'anchaypi janaq chhikakunapi athunchasqa kachun! –Nispa.

Jesustaq payman ajinata nirqan: –Kunan p'unchaymi kay wasiman qhispiy chayamun, imaraykuchus kay runaqa Abrahampaq tunu allchhinllataqmi kakuchkan.

Jayk'aqchus Jesusqa chayniqta purichkarqan chhikataq, wichayniqman qhawkataspa payman ajinata nirqan: –Zaqueo, usqhayta uraqamuy, imaraykuchus kunan p'unchayqa wasiykipim qaynarasaq –nispa. Zaqueotaq usqhayllatam uraqamuspa Jesusman ancha kusisqa jap'iqarqan.

Chhikataq Zaqueoqa jatarispa Tataman ajinata nirqan: –Apu Tata qhawariy, tukuy kaqniykunamanta kuskantam mana imayuq wajcha runakunaman ch'iqirachimusaq; jinataq pimantachus imatapas suwarqani chaymanqa, tawa kutitawanraqmi kutichipusaq –nispa.

Chhikataq runa chawpipi kachkaq fariseokunaqa payman ajinata nirqanku: –Yachachiq, chay qatiqniykikunata runkhatatay –nispa. Chaywampas Jesusqa paykunaman ajinata jaynirqan: –Nuqa niykichis, kaykunachus jup'ayankuman chhikaqa, rumikunam waqach'akunqaku –nispa.