Baverset oyo Eyebani Mpenza ewuti na JOHANISI 15

Kabola

“Munḓirivhe ndi Nṋe, inwi ni matavhi. Ane a dzula kha Nṋe, Nṋe nda dzula khae ndi ene ane a aṋwa mitshelo minzhi, ngauri ni si na Nṋe a ni koni u ita tshithu.

Dzulani kha Nṋe, na Nṋe ndi ḓo dzula kha inwi. Vhunga lutavhi lu sa koni u aṋwa mitshelo arali lu songo ṱumekana na mme alwo, na inwi ni nga si aṋwe mitshelo arali na sa dzula kha Nṋe.

Arali ni tshi dzula kha Nṋe, na dzula ni tshi elekanya maipfi anga, ni ḓo humbela tshine na funa na tshi ṋewa.

A si inwi vhe na nanga Nṋe; ndi Nṋe ndo nangaho inwi nda ni ta uri ni yo aṋwa mitshelo minzhi, mitshelo i sa kuvhi, Khotsi a ḓo konou ni fha tshiṅwe na tshiṅwe tshine na humbela nga dzina ḽanga.

“A hu na lufuno lune lwa fhira lwa muthu ane a fela khonani dzawe.

Lutavhi luṅwe na luṅwe lu re kha Nṋe lu sa aṋwi mitshelo u a lu tumulela kule; lu aṋwaho lwone u tou lu khwathela uri lu anze mitshelo.

Ndaela yanga khei: funanani unga Nṋe ndo ni funa.

Vhugala ha Khotsi anga vhu vhonala musi inwi ni tshi aṋwa mitshelo minzhi, nga u ralo na vha vhafunziwa vhanga.

“Ndi Nṋe munḓirivhe wavhuḓi, muṋe wa tsimu ndi Khotsi anga.

A sa dzuli kha Nṋe u a laṱwa kule a oma sa lutavhi lwo tumulwaho; huno thavhi dzo raloho dzi a kuvhanganywa dza kudzwa muliloni dza fhiswa.

“Ndo ni vhudza hezwo uri dakalo ḽine Nṋe nda vha naḽo na inwi ni vhe naḽo uri ni vhe na dakalo ḽo khunyelelaho.

Arali ni tshi tevhedza ndaela dzanga ndi ḓo ḓi dzula ndi tshi ni funa, zwa nga Nṋe ndo tevhedza ndaela dza Khotsi anga, a ḓi dzula a tshi mpfuna.

Tshine nda ni laya asitshi: funanani!

Arali no vha ni vha shango ndi musi shango ḽi tshi ḓo ni funa, ngauri no vha ni tshi ḓo vha ni vhaḽo. Zwino a ni tshee vha shango ngauri Nṋe ndo ni nanga khaḽo; ndi zwine shango ḽa ni vhenga.