Baverset oyo Eyebani Mpenza ewuti na Yahiya 10

Share

“Na kuwan siga panangkaw ma bay awnan ku ilay siꞌ, yaꞌ luu niyat da sarī man nangkaw, mapatoy, sampay makaat. Boꞌ aku tu, maksud ku bay pitu supaya luu na dapat manusiyaꞌ koleꞌ kaallum bahau, yana kaallum ma yaꞌ luu kulang na samasakali.”

Yuk si Isa lagi, “Aku itu meꞌ karuha jama ma tiggo ngipat bili-bili na paayad. Tiyap-tiyap ina tukang ipat mahap, atas na nongan umu na kalnaꞌ siga bili-bili na.

Batan bong ina siga sukuꞌ ku, mastiꞌ pakale jaꞌ ni suwara ku. Lungbid kami ka sila maka mmeꞌ na jaꞌ sila niyaku.

Buwanan ku sila kasampulnaan nyawa ma yaꞌ luu katapusan na. Yaꞌ na sila sakkat ka Tuhan saumu maka yaꞌ luu kaagaw sila man jawom komkoman ku.

Meꞌ halling sambat ku siꞌ, aku na situ lawang. Sagannap ma paasok man ku, malaingkan sinalamat. Sibuꞌ du karuha da ka bili-bili sannang jaꞌ magpōꞌ-paasok, maka nammu jaꞌ sila makanan ayad.

“Boꞌ aku tu, aku na tukang ipat mahap. Katoonan ku mimon bili-bili ma sukuꞌ ku maka sila pun katoonan da du ku.

Sila ina lay na hinalap niyaku meꞌ Mmaꞌ ku ma patingkat man sikamimon. Yaꞌ du luu kaagaw sila man jawom komkoman na. Kami tu ka Mmaꞌ ku tibuuk.”

Yana meꞌ kami ka Mmaꞌ ku lungbid, damikiyan, meꞌ naa du meꞌ kami ka siga bili-bili ku lungbid. Maka songan ku jaꞌ sina mintu umu ku kalnaꞌ sila.

Yaꞌ luu kalakkahan umu ku, sugaꞌ aku ya sina mintu maggasad bayaꞌ nongan umu ku. Luu kapatut ku nongan umu ku maka luu du situ kapatut ku mawiꞌ. Batan ndang ituu bay sinohoꞌ meꞌ Mmaꞌ ku niyaku.”

Sangkon lay na sila bakkasan na, yuk na, “Baan ta kam banahan, ilooy ilay siꞌ ma bay awnan ku lawang kura bili-bili, yana aku na.

Boꞌ jama ma ginadjihan nohoꞌ nganjagahan siga bili-bili ina, sarī akka na batan saꞌ iya dapu bili-bili. Dari bong ya ngita idoꞌ tawun pasōng nokob, magti sina ya sonse ngambanan ipatan na. Kuwan siga bili-bili, pabiya na jaꞌ tinokob sampay magpassahan na baanan da.

Pag-anu siꞌ, yuk si Isa, “Baan ta kam banahan, bong luu jama ngasok kura baanan bili-bili yaꞌ nūs lawang, boꞌ ngandāg jaꞌ ni paga, malaingkan panangkaw silay ya atawa mundu.