Baverset oyo Eyebani Mpenza ewuti na Yahiya 14

Share

“Sangkon daa susa atay bi maka daa kam tawu. Mbanan ta sa kam kasannangan njawom atay bi, yana kasannangan ku ma yaꞌ sibuꞌ ka ilooy ma pinag-awnan kasannangan meꞌ sagannap ma saꞌ sukuꞌ ku.

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Pag-anu, yuk si Isa ni siga mulit na, “Daa gundalaꞌ atay bi. Mangando jaꞌ kam pa Tuhan. Damikiyan, mangando du kam niyaku.

Kamasaꞌ, pag taabut ku yaꞌ na luntuu, pinapitu du sina meꞌ Mmaꞌ ku gantiꞌ ku, yana Tukang Nabang, hati na, Rū Sutsiꞌ. Iya sa mintu noan kaam mimon ma pataꞌ kinatoonan meꞌ bi sampay maintoman kaam mimon ma bay bāꞌ ku ningkaam.

Soysoy ina nganna sampay mean siga panohoan ku, iya na maaseꞌ niyaku. Maka sagannap ma maaseꞌ niyaku kinaasean du meꞌ Mmaꞌ ku. Aku pun maaseꞌ du ninsila sampay malahil gi ku ninsila hāl pasal dī ku.”

San ku itu palakka, pakuhan ta sa kam man Mmaꞌ ku disu Tukang Nabang, gantiꞌ ku, nohoꞌ pinapitu. Iya ina mintu tattap dambuwaꞌ ka kaam saumu. Awnan ku ilay siꞌ yana Rū Sutsiꞌ, tukang malahil kabanahan. Sugaꞌ kuwan sagannap ma yaꞌ pitsayaꞌ niyaku, yaꞌ sina sila ngahasi Rū Sutsiꞌ sabap yaꞌ sila ngita atawa kakila iya. Boꞌ kaam ina, takila bi ya sabap luu na pin ya ngunungan kaam sampay patattog na sina ya mintu njawom atay bi.

Maka oy-oy paku bi ni awon ku, duwan ta jaꞌ sina kam supaya Mmaꞌ ku koleꞌ kabantugan mehe ni jataꞌ ku. Meꞌ halling sambat ku na siꞌ, bong kam maku oy maka oy na ni awon ku, malaingkan duwan ta jaꞌ sina kam.”

Maka yuk si Isa, “Bong kam maaseꞌ du niyaku, mastiꞌ bean bi jaꞌ sina siga panohoan ku.

Ni okoman Mmaꞌ ku ilay, meka patannaan na. Boꞌ aku tu batnaa song pilay na manyap patannaan para ningkaam. Yaꞌ situ ku māꞌ meꞌ tuu ningkaam bong yaꞌ bana.

Pus ku mintu manyapan kaam, boꞌ ku sa pabeleng ngokoman kaam supaya nnoy-nnoy mman ku, ndooy du mman bi.

Yuk si Tomas baw siꞌ tu, “Yaꞌ bilay la Papuꞌ katoonan kami bong paninggai tiluꞌ nu. Pooy baw lay meꞌ kami tau lān na?”