Baverset oyo Eyebani Mpenza ewuti na Matáyɔ 5

Share

Ɓákáotoɓoa ɔbɛa ka bisa kusi á mbungu, ɓá ndiu obisa ka ngeɔ ka gea te, ábɛnyɛ ka phɔa ɓakpa ɓunde ɓá suɓi éndu. Kaɓondɔ, ambe owanga nenu ábɛnyɛ mosá á ɓakpa, ɓáɔnɛ ekuma nɛnu na ánjá. Mpɔ ɓámbebɛ Abanu mmbɔ á na koba.

Ɓonde owanga á ka mokonda. Ntanga-nji nde ɓáphɛ̌ki gǔ á mamba, nnaɔtɔka nɛ̌sɔmɛani.

Maseye ka ɓato á měma ánjá, ka nyɔngɔ nde ɓámɔnande Mokonga.

Maseye ka ɓunde ɓá na nja n'ɛnyɔta á koɗoni, ka nyɔngɔ nde ɓákutande.

Eme nenóngoɗi gǎkɛ te: ókondani ɓaɓibia nɛnu, ɓɔ́mɛmɛ ndiu Mokonga ka phɔa ɓundɔ ɓáonótambisaga.

«Maseye ka ɓundɔ ɓá na ɓuyɛnɛ á ka měma ka nyɔngɔ nde koɓoamɛ á na koba ande aɓɔ!

Maseye ka ɓunde ɓáobikisa ɓujɛjɛ, ka nyɔngɔ nde Mokonga aɛɓɔphanande ɓɔ, ɓ'anakɛ.

Maseye ka ɓunde ɓáogáma, ka nyɔngɔ nde Mokonga aɛkɔmbɛande iɓo á ngamɔ!

Maseye ka ɓunde ɓakpa ɓáǒtambisaga ka nyɔngɔ á koɗoni nga, koɓoamɛ á na koba ande aɓɔ.

Maseye ka ɓunde ɓáǒkuia ɓadaɓɔ ngomi, ka nyɔngɔ nde Mokonga aékuiande phɔtɔ ngomi.

Maseye ka ɓenu, mbenɔ nde ɓáonóbóma, ɓáonótambisaga, ɓáonógeea ájeɗe na ɓátekea anu na nyɔngɔ á mbɛa ka nyɔngɔ ani. Gúani jaí na maseye, ka nyɔngɔ nde ɛkɔmi nɛnu ángbó ana koba. Nga, ɓondɔ unge ɗáɓáetambisigi ɓaɔtu-nyɔngɔ ndea Mokonga á mosá anu.

Maseye ka ɓato-aphɔngɔ, ka nyɔngɔ nde ɓátɔande mokonda nde Mokonga ɗɛ́ɓɔku.

Ɓonde mɔnɛi á ka mokonda. Cɔ, aoɓá mɔnɛi na nna ɔɛkɛmisa, ɓábisande kema sina kau ka gea áɛkɛmisɛ? Nna ye na kantíti. Akeni maka í ka nsɛngɛ, ɓakpa ɓáɗɛtɛɛgɛ.

Cɔ, ɓáni ɓato á kanga kisɛki ɓea Abanu mmbé á na koba kángá kisɛki.

Aoɓá n'oɓeeki, ɓeekea ka ɗoni. A gǎkɛ oɓá n'ongani, ngana ka ɗoni nga, nyɔngɔ nde aobika gǔ índɔ aotóka ka Nketi.

Ɗóɓoɔ́ki ɓî ɗáɓáyɔngi gea: ‹Dakɔ aoboma iso akɔ ôboma nɛkɛ, aotena minyɔ akɔ, ôtena nɛkɛ.› Eme nenóngoɗi gǎkɛ te nkpa aokogeeya ájeɗe, kogisiɛ mɔnɔ. Aoɓá n'akɔɓɛti ka ngaga á nci á mǔku, óphaia goto áɔɓɛtɛ k'índe á nci á nkei.

Aoɓá iso akɔ á nci á mǔku aunge aokongisa ka ɓojeɗe, ambe óphongotɛ ú, ómakɛ ɗanga n'oɓɛ. Akeni ɓúngisa gbútuka moci á nyama, kángá á makea á nyama akɔ bui k'ɛɛmbɛ á nsa nde nnaoimika. Aoɓá njaga akɔ á mǔku aunge aokoɓoteaga ka ɓojeɗe, tena ú cé! Ómakɛ ɗanga n'oɓɛ. Akeni ɓúngisa gbútuka moci á nyama, kángá á makea á nyama akɔ bui k'ɛɛmbɛ á nsa nde nnaoimika.