Baverset oyo Eyebani Mpenza ewuti na Ioane 16

Share

Kaka uabi detager abele gaire lu, ueakai uaba mapodan nagri karielam. Uaba asiasi nagri geseb ge: ua ko saserim, kaka emetu geseb degmori.

Mamoro E tabarki, pe ageakar Lamar, E ko uabi eguatumur ageakar uridili: abelelam E nole tababu detaut: mamoro E ko detager abele gaire lu E asoli: uabi detomeret gaire lu ko tabarki.

Emeret a peirdi, uaba nole damos nerute lu muige kara nei ge: debele damsare, a uaba ko egaret, ueakai uaba sererge mitkar.

Ege kaka uabi detager ageakar, kega, Debele uabim kaka bakeam: abelelam ese kaka nole bakeam, Upiatidar nole tabarki uabim: ese kaka bakeam, kaka ko abi emarida uabim. E emetu tabarki, E ko geseb ge akmerem tonar uit, a barkak, a mer barditug

Peirdi, uaba nagri okasosok: kai iako uabi dasmer, ege uaba nerkep sererge, nole nerute le uabi sererge itker. Abele gerger dali uaba nole nerute lu damos karielam. Ageakar, ageakar, kaka uabi detager, kega, Abele gaire lu uaba damos Babalam muige kara nei ge, E ko uabi dekuarare.

Ageakar, ageakar, kaka uabi detagereda, kega, Ua ko ebazoli, a okabatagereda, a geseb ko sererge: uaba ko okasosok, abele uaba okasosok ko depegili ko sererge.