Baverset oyo Eyebani Mpenza ewuti na Luka 21

Share

Debele uaba mamoro dasmer, a derser, a ner kak esorerapare, iaueakai uaba au saserim, gaire lu maike tabarki, a mamoro ekuei opem Le la Uerem.

Ua mamoro dasmer, iaueakai uaba nerkep nole beber, a gebgeb, a paim, a nole badumu geseb lugem, abelelam abele gerger keserkeser tabarki

Ese uaba debe tonar, a uaba eded nagri.

Abelelam kaka uabi dekuarda abele mer, a pardar, umer kak nerute le uabi asared, uaba au saserim.

Kotor a geseb ko abu, a kara mer giz nole abu kak

Lem kotor ge nagri atamelam, pako meb, a uer giz; geseb ge gaire ged nagri geum, a gur ge maisu a zauber nagri. Gaire le no eumida abele geum ge, a naokaili gaire lu ko tabarki gesepem: abelelam urker kotorlam demali. Epe uiaba erdali Le la Uerem tabarki baz kotor ge, E au adigri au zoromzorom.

Gaire le uridili ko uabi derar, kara neilam.

Au demali ia uanagiri abele uteb ge, a nerute uteb ge, a uererege, a gimgim, a urker, a gaire atamelam kotor ge.

Ese uaba asoli ares, a mirem, a uaba nole geum: abkoreb kekiam abele lu uatabaruk, a mop uarem. E uiabi daratagereda, kega, Nerute ged tekuei obapit nerute ged, a nerute baselaia obapit nerute baselaia

Lem kotor ge nagri atamelam, pako meb, a uer giz; geseb ge gaire ged nagri geum, a gur ge maisu a zauber nagri. Gaire le no eumida abele geum ge, a naokaili gaire lu ko tabarki gesepem: abelelam urker kotorlam demali.

E uiabi daratagereda, kega, Nerute ged tekuei obapit nerute ged, a nerute baselaia obapit nerute baselaia

E uiabim detaut, kega, Uaba mamoro dikiaporare, nerute le uabi okardare: abelelam gaire le ko uatabarkare kara nei ge, kega, Kakanali. Ege abele kerker maike: uaba nole uiabim irimili.