Baverset oyo Eyebani Mpenza ewuti na Luka 8

Share

Abele uader emor debe seb ge, uiaba abele mer asoli, a mamoro epeili, ageakar erpei uiaba nerkep ge, a turum nagri.

Abele uader lu eipu daradara ge emor, uiaba abele mer asoli, uiaba bakeauare epe gaire dikiapore lu lag geseb ge uiaba nerkep ge badari, pako geseb lu okardarem, pako uader lu lag, abele mer etarapi, abelelam turum nolea ageg.

Abele uader tumem neid ge, uiaba abole mer asoli, a sobkak sererege erpei; a uiaba nolea sip kak, a uiaba no neisi neisi gerger oituli, abele gerger mirem tabarki, uiaba sobkak bakesmeri.

Ege E uiabim detager, Nade uaba oituli? Ege uiaba au geum, pako au damred; ege uiaba mer atager, kega, Nete dali, abelelam E abi detager abele uag, pako abele ni, epe uiaba abi aserei?

Abele uader le gab ge emeri, ege uiaba asoli; epe Satana tabarki a abele mer uiabi nerkep ge emor ekadari, iaueakai nolea oituli, a nolea eded nagri.

Abelelam nole lu ispilu, a nolea opasereret kak; pako nole mud ge lu, a nolea akmer kak, epe keubu etomeret.

Ege abele kosker E umele E nolea gumik abim, ege E bakeamulu au durdur, a abara opem E ekesmeri; E abi etomeret abele ged uridili abele lu E abi itut abelelam abara gim emetu idigiri. Epe E abi detager, kega, Kara neur, mara nerkep saserim, maba oatulam ma eded akaida maba gimlam; ma uerkab bakeamu.

Epe uiaba tabakeam, a abi itir, kega, Opole, opole, keriba maike baume. Epe E tekue, a uag daisumda, pako abele au zauber: uiaba ekeamulu, iauaekai metalug.