Baverset oyo Eyebani Mpenza ewuti na লূক 24

Share

ক্রিগে, ঙামা ফাখাং যাচাগো পিইফু গিধি খেংলিইরি, য়াংচাগো ঙা নাংরোদুঃ পুলৈমি। গংখাং ফুংগা তেখুগো মারাসাগ্রা নাংরো দিঃ ম্রুমা নিংগে।

য়াংসুউচা দিঃমা মিহিক; য়াংসুউচা হ্রাং থাখাব্যা। য়াংসুউ যাখা গালীলমা হিকলিইরি, য়াংখা নাংরোগো যা প্রলিইরিলি য়াংচাগো ম্হে ক্রিগে।

য়াংখা য়াংসুউরো ম্যাকচিইচা লাং ললিইরি; য়াংখা যীশুগো সিকগেলিইরি, ছুগি য়াংখা খ্যাং খ্যাং য়াংসুউরো অর যীশুগো মাম্রাংগেলিইরিব্যা। য়াংখা য়াংসুউরো তয়ককো তয়ক প্রগেলিইরি, “লেংমা যীশু যাখা ঙুরোনা চাঃগা প্রলিইরি অর সেংস্যাংস কেইংগো আসিক পিইলিইরি য়াংখা ঙুরো চিইদানাচা তেজে ফ্রইলিইরি মুহুক লঃ?”

সেংস্যাংস কেইং চাঃগাগো নাঃলিঅং যীশুচা তিবিরো চিইদানামা পৈঞ্যা পিইলো য়াংসুউরোগো প্রলিইরি, “রুইলো হিকরি, ফোরালংচা দুঃখাওয়া খেংরাফু অর সুংরাকমা প্রেংলো হ্রাং থাঃরাফু।” অরলি রুইলো হিকরি, যিশুশালেনগা চালো হিকচা লুঃউম্যুওরোবামা ফোরালং নাঃমিনা দিঃ চাঃগাগো তাঃরা হঃপ্রাফু, আপ্রইকা চিই হ্লিগি-আপ্রইকা খুওয়ং রাঃরি।

য়াংসুউরো ম্রাংগেলিইচাগা, সাংখ্যুয়েংগা ক্যকলুংগো রুয়িই বলৈইকেব্যা, য়িগিলি সাংখ্যুয়েং আথিমা লাঃরো, য়াংসুউরো আস্যাং যীশু আলংগো মাম্রাংগেলিই।