Baverset oyo Eyebani Mpenza ewuti na Jwon 14

Share

I honsu ti murak i mulut. Murak i mulut amen i fu. Murak i mulut mai naya ti ndok ti fu kwa. Ka hu hon mulwat amu si tirim kwa, kan hu mwen kwa.

Yeso matussi ni, “Ayin a fiseli, ayin a mwawei, ayin a mupwet. Ɗeng ma wa kyel i Dee kaciwa' sa na kyel amen kwa.

“Ka hu hon mulwat amu si tirim kwa. Fahun mulut si DeeƁwe, fahun mulut si yin hwak.

Shak ta andi, Deen ma wa tuksu Mataɓaki, Rin Masapai ti asum amen, a yis ma wa kofsu shak ɗamam u kinu hu mbe' shak ɗamam ima i laku.

Shak maɗufal ima mat findel amen ɗak masti ro, a yis mi maɗufal ima ɓwetun. Maɗufal ima ɓwetun, Deen ma wa ɓwetsus, yin hwak i wa ɓwetsus i kofus haisun.”

Yin i wa fwal ti Dee, yis ma wa fasu nin Mataɓaki ɓa u te akul si hun myan hu myan. Yis Mataɓak mai a Rin i mwawei. Naya ti wa matsus kwa, ɓurti ti ti shit tima ɓa ti ɗingus ti kwa, ahun ti ni ti shangus. Shak ta andi, hun hu shangus, ɓurti yis te akul hu hun, ma wa mute ta wii yuti.

I wa masti ɗamam ima hu fwal ti asum amen, ɓurti Al u yes ti ngye wa kyel i Dee. Hu wa lul ti shak ɗamam ti asum amen, yin i wa masi.

“Na hu ɓwetun, hu wa hal ti aɗeng ima i laku.

Ta wur i Deen ɗwam si ta hyang. Naɗin andi kwa, naɗin i laku. I wa ta te'i ɓa i ɗaku ti kyel ta.

Na i wa i ɗak ti kyel ta, i wa yes ti haisun i kolu ta kyeli, ɓurti kyel ima yin i mata, hun hwak ɓa hu te ta kyeli.

Unai Toma lakus ni, “A Deembai, ni shang kyel ima ha wa ta kwa. Atini ni wa shang ti fiseli ya?”