Baverset oyo Eyebani Mpenza ewuti na ᤗᤢᤁᤠ 17

Share

ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤐᤥᤃᤧ᤹ᤀᤠᤱ ᤐᤣᤃᤧ᤹ᤀᤥ॥ ᤁᤧᤏᤛᤠ᤺ᤴᤏᤡᤸᤗᤧ ᤂᤧᤏᤧ᤹ ᤁᤧᤏᤢᤛᤧᤖᤥ॥”

ᤜᤧᤰᤁᤩᤠᤱ ᤂᤢᤏᤧ᤹ ᤌᤡᤰ ᤕᤧᤴᤏᤥ ᤏᤢᤛᤡᤗᤧᤱ ᤁᤧᤍᤰᤗᤧᤱᤘᤠᤀᤥ ᤗᤠᤕᤥ ᤆᤥᤃᤢᤀᤠᤱ ᤏᤢᤛᤡᤗᤧᤱᤅᤣ ᤀᤡᤱᤃᤠ᤹ ᤜᤡ᤺ᤴᤍᤠᤱ ᤑᤠ᤹ᤀᤠᤱ ᤐᤠ᤺ᤳᤋᤢ᤹ᤏᤧ ᤑᤠ᤹ᤃᤪ ᤗᤧᤵᤔᤡ ᤐᤡᤖᤧ᤹ᤀᤥ॥”

ᤜᤧᤰᤁᤩᤠᤱ ᤌᤡᤰ ᤁᤧᤍᤢᤰᤐᤠᤸᤗᤧ ᤂᤢᤏᤧ᤹ ᤏᤢᤖᤧᤒᤠ ᤏᤡᤱᤘᤠ᤹ ᤂᤥᤛᤢᤀᤠᤱ ᤕᤶᤒᤠ ᤀᤡᤰᤗᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤑᤥᤛᤢᤖ ᤏᤢ᤺ᤰᤂᤧ ᤋᤩᤧᤖᤥ॥ ᤂᤧᤴ ᤕᤧᤛᤢᤖᤧ ᤁᤢᤗᤠᤱᤈᤰᤐᤥ ᤛᤠᤶᤒᤥᤴ ᤑᤴᤇᤡᤱᤗ ᤏᤥᤃᤧᤴ ᤐᤡᤖᤢᤖᤥ॥ ᤂᤧᤱᤃ ᤛᤠᤔᤖᤡ ᤛᤢᤘᤠᤱᤛᤔᤠ ᤘᤕᤧᤖᤥ॥

ᤛᤡᤱᤛᤡᤱ ᤗ᤹ᤖᤧᤶᤔᤧ᤹ᤀᤥ᥄ ᤘᤣ᤹ ᤏᤢᤛᤠ᤹ᤀᤡᤸᤗᤧ ᤂᤧᤏᤧ᤹ ᤁᤧᤍᤰᤗᤧᤱᤘᤠᤀᤥ ᤗᤠᤕᤥ ᤆᤥᤃᤢᤏᤧ ᤑᤠ᤹ᤃᤪ ᤂᤧᤴ ᤑᤧ᤺ᤰᤋᤧ᤹. ᤜᤧᤰᤁᤩᤠᤱ ᤁᤢᤗᤠᤕᤥᤗᤠᤶ ᤜᤡᤴᤇᤡᤱᤏᤧ ᤑᤠ᤹ᤃᤪ ᤗᤧᤵᤔᤡ ᤐᤡᤖᤧ᤹ᤀᤥ॥

ᤕᤧᤛᤢᤖᤧ ᤐᤠ᤺ᤳᤋᤢ. “ᤁᤴ ᤋᤢᤰᤔᤥᤗᤠᤶ ᤁᤧᤘᤣ᤺ᤵᤐᤠᤜᤠ᤹ᤃ ᤌᤡᤒᤥᤱᤏᤧ (᥇᥆) ᤔᤧᤘᤕᤧ. ᤁᤖ ᤘᤣ᤹ ᤑᤠᤱᤛᤡᤜᤠ᤹ (᥏) ᤀᤠᤳᤋᤠᤴ ᤔᤧᤒᤣᤒᤣ᥅

ᤜᤧᤰᤁᤣ᤺ᤸᤗᤧ ᤍᤠᤱᤒᤠᤸᤗᤧ ᤔᤧᤳᤋᤢᤛᤡ. “ᤂᤡᤏᤡ᤹ ᤏᤛᤠ᤺ᤴᤏᤡᤴ ᤕ᤺ᤱᤃᤣ᤹ ᤕᤠ᤹ᤖᤡ᤺ᤶᤒᤠᤎᤡᤰ ᤕᤠ᤺ᤳᤇᤠᤱ ᤁᤴ ᤂ᤺ᤰᤛᤣ᤹ᤒᤢᤱᤔᤠᤴ ‘ᤜᤠ᤹ᤕᤠᤰ ᤀᤠᤃᤧ᤹ᤀᤠᤱ ᤘᤠᤜᤱᤅᤥ ᤗᤠᤵᤑᤢᤛᤡᤱᤅᤧ᤹’ ᤁᤧᤔᤧᤳᤋᤢᤶᤏᤧ ᤑᤠ᤹ᤃᤪ ᤂᤧᤸᤗᤧ ᤁᤧᤔᤧᤳᤋᤢᤶᤒᤠ ᤁᤢᤀᤡᤛᤡᤰ ᤆᤥᤃᤢ᤹ᤖᤥ॥”

ᤜᤠ᤺ᤳᤗᤧ ᤁᤢᤜᤡᤱᤔᤴᤏᤡᤴ ᤛᤧ᤺ᤵᤋᤢᤱ ᤗ᤹. ᤂᤧᤸᤗᤧ ᤂᤧᤴᤏᤠᤱ ᤔᤠᤛᤢ᤹ᤖᤥ. ᤁᤖ ᤜᤠ᤺ᤳᤗᤧ ᤁᤢᤜᤡᤱᤔᤴᤏᤡᤴ ᤔᤠᤛᤢ᤹. ᤂᤧᤸᤗᤧ ᤛᤧ᤺ᤵᤋᤢ᤹ᤖᤥ॥

ᤕᤧᤛᤢᤖᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤔᤧᤳᤋᤢᤛᤡ. “ᤗᤠᤕᤥᤀᤥ ᤁᤧᤎᤠᤒᤠ ᤐᤠ᤺ᤴᤜᤠ᤹ ᤋᤠ᤺ᤀᤣᤖᤥ. ᤁᤖ ᤂᤧᤴ ᤐᤠ᤺ᤴᤜᤠ᤹ ᤁᤧᤍᤠ᤺ᤵᤐᤠ ᤔᤏᤠᤜᤠ᤹ᤃ ᤔᤧᤈᤡ᤺ᤳᤋᤧ ᤔᤧᤛᤩᤧᤖᤥ॥ ᤁᤴ ᤆᤢᤰᤛᤠ ᤜᤡᤴᤈᤠ᤹ᤎᤡᤰ ᤗᤠᤕᤥ ᤆᤥ᤺ᤰᤔᤠ ᤁᤧᤒᤠᤱᤒᤠᤱᤃ ᤁᤢᤏᤡ᤺ᤱᤔᤥ ᤗᤢᤶᤛᤢᤶᤔᤡᤴ ᤑᤥ᤺ᤶᤔᤠᤀᤠᤱ ᤘᤖᤰᤁᤥ ᤗᤠᤵᤑᤢᤔᤠᤸᤗᤧᤀᤣ ᤏᤢᤒᤠ ᤐᤥᤱᤗᤥ॥

ᤜᤧᤰᤁᤩᤠᤱ ᤔᤧᤴᤇᤠᤶᤛᤠᤴ ᤏᤢ᤺ᤱ ᤕᤢ᤺ᤸᤗᤧ ᤏᤢᤜᤠᤖᤧ ᤁᤢᤕᤧᤶ ᤜᤧᤰᤁᤣᤀᤣ ᤐᤥᤱᤗᤥ॥ ᤏᤢᤜᤴ ᤘᤠᤗᤠᤎᤠᤀᤥ ᤗᤠᤛᤧᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤕᤶᤒᤠ ᤘᤠᤍᤥ᤺ᤰᤔᤠ ᤌᤠᤅᤧᤀᤠᤱ ᤁᤠᤰ ᤔᤧᤴᤇᤠᤶᤃᤧᤴ ᤕᤠᤵᤔᤡᤜᤠ᤹ ᤔᤧᤏᤡᤒᤧ ᤔᤧᤛᤩᤧ. ᤁᤖ ᤂᤢᤏᤧ᤹ ᤘᤠᤗᤠᤎᤠᤀᤥ ᤗᤠᤛᤧᤒᤠ ᤕᤧᤴ ᤌᤠᤖᤡᤰ ᤔᤏᤠᤜᤠ᤹ ᤔᤧᤈᤖ ᤔᤧᤎᤢᤅᤢᤖ ᤜᤧᤰᤁᤩᤠᤱ ᤔᤣ᤺ᤰᤂᤡᤶ ᤔᤧᤈᤥᤃᤢᤖ ᤔᤧᤘᤕᤧ॥