Baverset oyo Eyebani Mpenza ewuti na Sun 3

Kabola

Sena ti Atua ilap'as a nelnal arna nadep' istudau, katap'ei a Natn iamk dudau asnn, sena ti m'ertu udlani apavv'ahi akavmln, v'eti apavlev' silv'ien ikahiris naran.

Sena ti Atua iatap'ei a Natn arna nadep' a ti iputakm a m'ertu arna nadep', v'eti itap'ei a ti Hin ipalev'la si stuar m'ertu arna nadep'.

A Iesu ivrprani, kavr ti a, “Nvrdaui, nvr anh. M'ertu la iaiakuri ml ha, ikala v'anuan Atua.”

M'ertu iv'ah Kana, Atua ikav'ana hua m'ei, v'eti m'ertu iav'ah Kana, Atua itv'ana hua sarei m'ei, sena ti iav'ah nahan a Natn Atua la Hin uaki iamk iak asnn ha.

Sena si lera Atua ipav'ana hua m'er, sena ti nut ren itama sarei arna nadep', v'eti nelnal avlap'as a m'alk isiv' nut ren, sena ti pariar istu.

Hin ikav'a eia pr, v'eti kana p'av'a a nadep'.

Sena ti m'ertu udlani la avan si stu ha avlep'la nut ren. Ahavrama asn nut ren, sena ti ahavrn ti nelnal apavla si stuar.

M'ertu iv'ah a Natn lera, hin itlev' sera silv'ien p'as ikahiris, v'eti m'ertu iav'ah a Natn lera ikala silv'ien. Nl reran Atua iter aranan.

A Musis tituei, naran ilak arna nut kaka, ilev' nmat iamk aani arna kul kataui eia arna nai p'arei iamk ip'tir. Ipanap'i lera apatu Kana eia, nv'i Net M'ertu.

A Tatei ilap'as an a Natn kattu sera si udlani al lm'an.