Baverset oyo Eyebani Mpenza ewuti na Juan 11

Share

Tapos hay nagpaathag si Jesus, “Ako ro may gahom nga magbanhaw sa mga patay ag ako ro gatao kanda it kabuhi nga owa it katapusan. Bisan mamatay pa ro nagatuo kakon hay magakabuhi imaw hasta sa owa it katapusan. Ag ro tanan nga nagatuo kakon nga may kabuhi ngara nga owa it katapusan hay indi makaagi it kamatayon bisan hasta hin-uno. Gapati ka karon?”

Nagsabat si Jesus, “Bukon abi nga ginhambae ko kimo nga kon gapati ka hay makita mo ro makangawa-ngawa nga gahom it Dyos?”

Nagtangis si Jesus.

Pagkasayod kara ni Jesus hay naghambae imaw, “Ro katapusan ku pagmasakit ngara ni Lazarus hay bukon it anang kamatayon kundi agod paagi sa anang kamatayon hay ikapakita ro makangawa-ngawa nga gahom it Dyos, ag ro makangawa-ngawa man nga gahom nakon nga Unga it Dyos.”

Pagkahambae nana kara hay nagsinggit dayon imaw it mabaskog, “Lazarus, guwa iya!” Nagguwa ro dati nga patay nga may budbud nga tinabas ro anang mga alima ag siki, ag putos it tualya ro anang ueo ag uyahon. Naghambae dayon si Jesus sa mga tawo idto, “Bue-a ninyo ro tanan nga nagaputos kana agod makahueag imaw.”

Nagsakit eon man ro buot ni Jesus tag nagapaadto sanda sa eungib nga gin-eubngan kay Lazarus. Ginsadhan rato it mabahoe nga bato.

Pagkatapos nana it hambae ku rayang halimbawa, naghambae pa gid imaw, “Ro atong amigo nga si Lazarus hay nagakatueog, pero adtunan ko imaw agod pukawon.”