Baverset oyo Eyebani Mpenza ewuti na लुका 15

Share

ओहाङःसैको पाय्‍ह्‌ती आल्‌तोक्‌हाङः बल लोक्‌तोसै ओउःकोः आपाइ च्‍यवःआथै। लयःकोः चोःकायः च्‍यवःआक्‌तीको ओउः आपाइ तय्‍ह्‌ती योनःती चोःकःताङ् तन्‌ती वाङ्‌ती ओउःकायः ग्रोम्‌तीलेः पेतो रोम्आथै।

इ ङाकोः चोःजा सीओ खेःतो द्याह् स्‍याक्‌ती दाह्ओआः। ङ्‌हापाय् मीह्‌ती वाय्ओ खेःतो द्याह् दाह्‌ती वाङ्ओआः बत्‌ताङःआः ङ। ओउःत झ्‍यान्‍ते ओउःकायः चोङाय्‌ती त्‍याक्‌सा खेःनाःतय्‍ही’ त दाय्‍ह्‌ती ओउः आपामा सबै कीम्‌कोः मान्‍तालम्‌मा चोङाय्‌ती स्‍याह्‌ती मेती मुओ खेःइतो।

दोङ्‌सीलेः ओउःलो लेखालेः यात्‌चाक् रेव्ओ काम् जाङ्‌ह्ओ मान्‍ताइ ओउःकोः रेव्ओ काम् फेती परमेस्‍वर्‌कःताङ् द्यान्‍ह्‌ती वाङ्‌नाः त खेःयाकायः लाङ्‌काहाङः परमेस्‍वर्‌ ओउःकोः लाङ्‌कामयःकुस् आन म्रोती चोङाय्‌तीलेः मुनै माःहै उनान्‌सै पेओ मान्‍तालम् ओउःकःताङ् मुओसै परमेस्‍वर्‌इ चोङाय्‌तो स्‍याव्‌ती इ द्यान्‍ह्‌ती वाङ्ओ मान्‍ताकायः रोम्‌नौ बा।

लौ ङा द्याह् आपाकःताङ् द्यान्‍ह्‌ती पाय्‍ह्‌ती “लौ आपाय ङाइ नाङ्‌कायःमा परमेस्‍वर्‌कायःमा आन रेव्‌तो हायःती इच्‍युक् पेमालो वाङ्आलाङः

आपाइ रोम्‌सा बोङःतोक्‌हाङः ‘अ आपाय ङाइपाय् परमेस्‍वर्‌कायःमा नाङ्‌कायःमा आन रेव्‌तोलेः हायःआलाङः बा। ङाकायःपाय् “चोः” ततेः तोतेःचाःची’ त दाय्‍ह्‌ती ओउः चोःखे दाय्‍ह्‌तो

“नीङ्‌कःहाङः यात्‌चाक् यात्‌सै भेदामेत्‌छ्याः नाःती ह्रामःलाङ् आल्‌तोक् बेलाहाङः यात्‌ज्‍योः मीह्आ त खेःया ओउः मान्‍ताइ दोह् हायःनौ दाय्‍ह्‌सा। ओउः मान्‍ताइपाय् ओउःकोः अरु उनान्‌सै मेत्‌छ्याःलम् फेती ओउः मीह्ओ मेत्‌छ्याः च्‍यवःधाङ्‌माःच्‍युक्‌कायः बोङःलाङ् आल्‌नाः।