Baverset oyo Eyebani Mpenza ewuti na SAN MATEO 7

Share

Taita Diosman mañaichic, paica cungami. Mashcaichic, taringuichicmi. Huasiyuc nichic, paica pascangami.

Chashna maijanpish mañacca japinmi. Maijanpish mashcacca tarinmi. Shinallatac maijanpish huasiyuc nictaca yaicuchinmi.

Maijanpish cai ñuca nishcata uyashpa cazucca, shuc alli yuyaiyuc runa sinchi rumi allpapi huasita ruhuac shinami.

Chaimanta ima shinami shuccuna cancunaman allita ruhuachun ninguichic, chashnallatac cancunapish shuccunaman allita ruhuaichic. Chashna ruhuachunmi Moisés mandashcacunapipish, Diosmanta ñaupa huillaccuna quillcashpa huillashcapipish nicun.

Ashtahuanpish huiñai causaiman apac ñanca, ñanpish, pungupish quichquimi, mana yaicuipacllachu. Ashallacunami chaitaca yaicuncuna.

Chingarinaman apac ñanca, ñanpish, pungupish purinalla jatunmi. Taucacunami chaitaca yaicuncuna.

Cancuna millaicuna cashpapish, cancunapac huahuacuna imata mañacpica, allicunatami cunguichic. Ashtahuanpish jahua pachapi tiyac cancunapac Taita Dioscarin, maijanpish mañaccunamanca allicunatami cunga.

Ama shuccunata mana allichu nishpa juchanchinguichicchu, pacta cancunatapish mana allichu nishpa, Taita Diosca juchanchinman. Cancuna ima shinami shuccunata mana alli nishpa juchanchinguichic, chashnallatacmi cancunatapish Taita Diosca juchanchinga. Shuccunaman ima shinami cunguichic, chashnallatacmi cancunamanpish cunga.

Maijanpish cai ñuca nishcata uyashpa mana cazucca, shuc mana alli yuyaiyuc runa c'abia allpapi huasita ruhuac shinami.

¿Ima nishpatac canca, mana quiquin ñahuipi tiyacuc caspita ricushpa, shucpac ñahuipi tiyacuc uchilla ucshatarac ricunguiyari? Cambac ñahuipi caspi tiyacucta manarac llucchishpaca, ¿ima shinatac caishuctaca: ‘Shamui, cambac ñahuipi tiyacuc ucshata llucchisha’ ninguiyari?

‘Diosmantami huillacunchic’ nishpa, llullashpa huillaccunamantaca huacaichiringuichic. Paicunaca jahuallatacca, ovejacuna shina c'uyaillami. Shina cashpapish ucu shungupica, atuc shina millaicunami cancunapacmanca shamuncuna. Cancunaca paicuna imata ruhuashcata ricushpaca, ña ricsinguichicmi. Casha yuraca, uvastaca mana p'ucunchu. Shinallatac cardos yuraca, higotaca mana p'ucunchu.

Shinaca, imapish alli yuraca alli granotami p'ucun. Mana alli yuraca, mana alli granotami p'ucun.

Alli yuraca, mana alli granotaca mana p'ucunchu. Shinallatac mana alli yurapish, alli granotaca mana p'ucunchu.

Tucui mana alli granota p'ucuc yurataca, p'itishpa ninapi shitanami.