Baverset oyo Eyebani Mpenza ewuti na Lukas 12

Share

Mingkat eh; bahawa ico beti dulun co nako dombut nyan kotika co aroko tomonau. Amun dulun co tempun lopo monau nganto omoh dulun co nako yoh angar dombut, mositi are monjagaeh ina dulun co nako yoh aroko lian muntam. Tului iyoh ikan mahi sobulih bosiap awi Anak Kolunon dombut nyan kotika co aroko tonyangka me.

Jadi, hangki baya nganyap aang tanon, keleh nganyap aranaang co porulu ponah Korojaan Mohotara. Opah iyoh, kokon aang co tomorulu me yoh angar ihin indam me.

Paluh Yesus mantun ma kokon dulun co oko nyan intin, “Borondong-rondong leh! Jaga arop me ingkan kokon macam kosokakar. Awi bolum co sobujur eh samah sindo aroko bogantung ma ome aang co oko nyan ikan oluco harta me holowi-holea.”

Jadi, sobulih eh ikan mika harta me nyan sorga, awi nyan omoh oko harta me, nyan intin ka songam me.”

Arelu oko dulun co boraoi pokombu umur eh ico menit mahi tului kogihaeh.

Opah iyoh, Yesus mantun ma kawan murid-Eh, “Tului koponatou nyan dunia tuh aroko monjamin kokon kobolum me, maka aroh giha tintun koponguman ika mu bolum. Aroh giha ka tintun lembon pokajan indan betim me.

Mohotara meleh moleka ikan hangki kawan ompet taiyoh. Are ocop monau pira kuhat balou co nyan kuhung me. Awi Mohotara dalo koboraoi-Eh ma ikan, maka tului iyoh aroh takut.

Ikan co baya isut kuhat eh, aroh takut! Tamam me co nyan sorga sanang mihi indam me aang co pio hinut tului ikan bolum nyan ponah Korojaan-Eh.

Bolajar ingkan kawan ongkak. Iroh aroko mimbun, aroko maroi. Tiroh aroko gudang atawa uwung. Tapi Mohotara nyodia kanon ina iroh tenden bolum. Mositi ikan meleh porulu hangki kawan ongkak taiyoh!

Aroh umpi tujuan kobolum me baya mikir tintun ongkun ponguman bewe. Aroh giha ma aang cioh.

Dolak uru co nyuluh nyan umo baya nyuluh sopondehan leh, derek tonguru paluh tomapang. Tapi Mohotara tenden nompieh segah. Ikan meleh boleka hangki dolak uru nyan umo yoh. Jadi, mositi Mohotara angar nyodia lembon pokajan indam me. Tapi ikan kurang porocaya!

Kokon kojahat co tomulim dulun angar koraon. Kokon kojahat co tononih dulun angar tomungkar.